Балкан

Ректорот на Универзитетот во Белград: Ќе прифатам ангажман ако побараат од мене студентите и граѓаните

Ректорот на Универзитетот во Белград, Владан Ѓокиќ вечерва изјави дека доколку студентите и граѓаните побараат до него каков било политички ангажман тој е подготвен да прифати. Изјавата ја даде на прашањето дали би бил претседателски кандидат.

„Таа тупаница е еден вид ветување, еден вид доследност дека ќе истраеме на нашиот пат. Сè уште не знаеме кога ќе бидат изборите и какви ќе бидат изборите. Она што го знаеме е фактот дека не се пријавив ниту водев кампања како некој што има политичка амбиција да биде политички лидер. Јас сум универзитетски професор, ректор на Универзитетот. Сепак, во ситуација кога универзитетот е нападнат, во ситуација кога полицијата го напаѓа универзитетот, во ситуација кога граѓаните чекаат надвор, имам обврска да им одговорам на тие граѓани и да им се обратам на некаков начин. Доколку студентите и граѓаните ме замолат за некаков ангажман, јас сум подготвен да го прифатам тој ангажман“, рече тој.

По речиси десет часа пребарување на просториите на Ректоратот од страна на полицијата, Владан Ѓокиќ доцна синоќа им се обрати на граѓаните што се собраа пред таа институција во знак на поддршка со крената рака во тупаница што во јавноста во Србија е протолкувано како студентски претседателски кандидат.

Зборувајќи за полицискиот упад врз Ректоратот, Ѓокиќ рече дека тоа е првпат некоја служба да изврши упад во таа зграда по окупацијата во Втората светска војна.

„Ова е прв и единствен пат, по Втората светска војна и окупацијата, некоја служба да упадне во Ректоратот во Белград, тоа не се случило ниту во 1968 година ниту во 2006 година, а сега се случува за првпат“, рече Ѓокиќ.

Тој објаснува дека кога полицијата дошла со наредбата, му рекла дека дошла да ја истражи поврзаноста со несреќниот случај на студентка на Филозофскиот факултет која трагично го загуби животот, но дека во наредбата тоа не било споменато, туку било побарано да се проверат просториите и дека е осомничен за повреда на службената положба. Ѓокиќ изјави дека „власта ќе продолжи да ја продлабочува агресијата и ќе продолжи со притисок и репресија“, но дека професорите и студентите ќе продолжат да се спротивставуваат, со своето знаење.

Синдикалните организации на 10 факултети на универзитетите во Нови Сад, Белград и Ниш денеска остро го осудија вчерашниот упад на припадници на Управата за криминалистичка полиција во просториите на Ректоратот на Универзитетот во Белград. Во соопштението се наведува дека таквиот чин претставува директен напад врз автономијата на Универзитетот, загарантирана со Уставот и законите.

Претседателката на Народното собрание на Република Србија, во изјава за „Политика“, нагласи дека претседателот на државата, Александар Вучиќ најавил почнување разговори во рамките на Српската напредна странка, но и со други партии и политички актери, за претстојните избори и пошироката надворешно-политичка насока на земјата.

Како што истакна таа, иницијативата е по „нова серија невистини за насилството на денот на изборите во десет локални самоуправи, што се случи во неделата“, оценувајќи дека тоа е наратив што „одредени кругови од Европската Унија повторно го промовираат“.

Брнабиќ додаде дека очекува разговорите, на иницијатива на Вучиќ, да почнат во наредните денови.

Претседателот на Србија, Александар Вучиќ, доцна синоќа изјави дека избори во Србија, без да прецизира дали тоа се однесува и на парламентарни и на претседателски избори, ќе се одржат до крајот на годината, а можеби и до Видовден, 28 јуни.

Тагови: Белград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Судењето на Ива Михаилова продолжи и во нејзино отсуство, денеска се сослушуваа вештаци на предлог на одбраната.

Во Основниот суд во Кочани се одржа првото рочиште во судскиот процес против Ива Михаилова, по нејзиното бегство во Бугарија.

Таа е обвинета за предизвикување сообраќајна несреќа со смртни последици што се случи во октомври минатата година на експресниот пат Штип–Кочани, а по бегството, судот по предлог на обвинителство донесе решение да и се суди во отсуство и по неа да се распише потерница.

Во Кочани е Михајло Видимлиски. Михајло, Ива Михаилова преку тамошните медиуми порача дека нема намера да се враќа во земјава и побара да учествува на судењето преку видео-врска, но судот го одби барањето. Кое е образложението?

Михаилова не планира да се враќа, побара да ја учествува на судењето он-лајн од Бугарија, што е одбиено од судот.

-Основниот суд во Кочани го одби барањето на Ива Михаилова преку конференциска врска да учествува во судската постапка против неа. Законот за кривична постапка предвидува такви ситуации во случај кога треба да се испитаат сведоци или вештаци а не и обвинети лица, образложи судијата Спиро Борисов.

Македонија

Законите или непостапувањето на институции – кои се причините што фемицидот зема замав во Македонија?

Македонското женско лоби, кое поднесува иницијативи до Собранието за унапредување на правата на жените, остро го осудува фемицидот во Богданци и ги поддржува барањата упатени од вчерашниот протест во Скопје.

Македонското женско лоби, кое поднесува иницијативи до Собранието за унапредување на правата на жените, остро го осудува фемицидот во Богданци и ги поддржува барањата упатени од вчерашниот протест во Скопје за подобра законска заштита од насилство врз жените. Сепак, извршната директорка Даниела Димитриевска, за Канал 5 посочи дека пред да се пристапи кон измени на постојното законско решение, мора да се утврди зошто тоа не ја дало очекуваната заштита и дали институциите доследно ги спроведуваат предвидените мерки.

– Се случува сега со закон да имаме многу повеќе насилство отколку во минатото кога немавме закон за семејно насилство. Што е причината, како да го ставиме во функција овој закон и да се сплотиме да најдеме заедничка платформа за акција,- изјави Даниела Димитриевска, извршна директорка на македонско женско лоби.

Во однос на конкретни мерки за превенција и спречување насилство, Димитриевска вели дека Собранието прво треба да размисли за воведување на електронски алки за насилници – предлог кој од порано не доби зелено светло во законодавниот дом, а за кој пратеничката Моника Зајкова од ЛДП поднесе и петиција истиот повторно да биде ставен на дневен ред.

– Мислам дека не е лоша идеја ова за нараквицата што се споменува – од едноставна причина што на жртвата ќе и даде време да не биде во близина насилникот – ќе и даде време да реагира да повика помош и така натака. Ова случување и сите претходни ни даваат еден индикатор дека ние мораме некако да реагираме,- изјави Даниела Димитриевска, извршна директорка на македонско женско лоби.

Последниот фемицид во Македонија се случи на 3 ноември во Богданци, кога телото на 17-годишната Билјана Ќириќ беше пронајдено во изгореното возило кое било опожарено од 21-годишниот виктор гунтаров, кој потоа и самиот си го одзел животот.

Малолетничката и од претходно го пријавувала насилството, а од обвинителството за Канал 5 велат дека на насилникот не му бил одреден притвор бидејќи било утврдено дека ги почитувал претходно определените итни мерки за заштита од насилство, кои вклучуваат забрана за комуникациај со жртвата. Ова е седми фемицид во земјава од почетокот на годината, а бројките на МВР покажуваат дека од 2021 до 2025 година биле убиени 26 жени.

На вчерашниот протест во Скопје, покрај усвојување на заглавените законски измени во Собранието, присутните побараа и разрешување на сите функционери кои го оправдуваат или нормализираат насилството врз жените.

Македонија

Мицкоски: Најдовме купец, АЛТА банка ќе биде спасена до крајот месецот

Премиерот Христијан Мицкоски очекува Алта банка наскоро да добие нов сопственик, нагласувајќи дека веќе има заинтересиран купувач.

Со тоа вели нема да се реализира сценариото за стечај, за кое според него се залагала опозицијата. Мицкоски посочи дека поминал тридневниот рок за известување на српскиот регулатор, а сега тече десетдневниот рок по кој Народната банка треба да ги понуди акциите на продажба преку Македонската берза. Потоа следуваат уште пет дена за лиценцирање на потенцијалните понудувачи. Аукцијата, како што најави Мицкоски се очекува кон крајот на месецов или почетокот на идниот.

- И денеска сум голем оптимист дека, за жал, од опозицијата ќе бидат разочарани, бидејќи нивните црни сценарија и обиди банката да отиде во неизвесност, односно во стечај, нема да се реализираат. Односно, ќе имаме финансиска институција, банка којашто ќе биде сопственик на Алта банка. Значи, ќе ја спасиме банката – тоа е многу важно и за доверителите, но и за луѓето коишто се во, би рекол, некаква релација со Алта банка. А тоа е лоша вест за нашата опозиција којашто се молеше и на дневна основа водеше кампања дека банката ќе банкротира, ќе отиде во стечај итн.,- Христијан Мицкоски – претседател на Влада.

Кој е заинтересираниот купувач не е познато, а претходно, гувернерот Трајко Славески изјави дека интерес покажале шест инвеститори, меѓу нив и две домашни банки.

Во меѓувреме, Алта банка од денеска ги отвори вратите и во Тетово и Струмица, за шалтерска исплата до 20.000 денари за клиентите кои немаат платежни картички. Од денеска, зголемен е и неделниот лимит за користење на картичките и подигнување пари од банкоматите од 15 на 20 илјади денари.Но првиот ден од проширувањето на шалтерската мрежа не помина без проблеми..Слична слика како и во Битола, денеска имаше во експозитурата во Струмица, редици граѓани пред банката и незадоволство. Дел од граѓаните утрово реагираа дека чекале со часови, бидејки на шалтерите ниту во банкоматите немало пари, па се очекувало тие да бидат донесени од Скопје.

- Внатре немаат пари, ниту пак во банкомат има.

- Од 7 саат чекам тука и што да правам болна жена ако ми стане лошо кој ќе одговара?

- Таму нема на шалтерите, чекаат од Скопје да донесат, а кога ќе дојдат не знам.

Од Народната банка попладнево соопштија дека проблемот бил решен и дека исплатите на сите шалтери продолжиле да се одвиваат непречено. Велат дека во експозитурата во Струмица на почетокот на работниот ден имало краткотрајно доцнење поради логистичка организација, по што исплатата продолжи согласно предвидената динамика.