Рекордни 226 новозаразени во Црна Гора, најмногу од почетокот на пандемијата - Канал 5

Балкан

Рекордни 226 новозаразени во Црна Гора, најмногу од почетокот на пандемијата

Црна Гора денеска бележи рекорден број активни пациенти со коронавирус, вкупно 3208, што изнесува 509 пациенти на сто илјади жители, објавија здравствените власти.

Рекордни 226 новозаразени во Црна Гора, најмногу од почетокот на пандемијата

Денеска Црногорскиот институт за јавно здравје потврди 226 новозаболени лица, додека синоќа стигнале резултатите од околу илјада примероци кои што биле испратени во Германија на анализа, поради малиот капацитет на црногорските лаборатории, каде што се потврди коронавирусот кај уште 488 жители.

„Земајќи ги предвид сите новооткриени случаи, вкупниот број на моментално активни случаи на ковид-19 во Црна Гора е 3208, што е 509 пациенти на 100 илјади жители“, соопштија здравствените власти. Тие посочија дека станува збор за примероци земени точно две недели по одржувањето на парламентарните избори во Црна Гора на 30-ти август, кога, и покрај забраната, беа забележани масовни собири на приврзаниците на црногорската влада и на опозицијата.

Водечкиот црногорски епидемиолог Бобан Мугоша за РТЦГ изјави дека од 16 август до 6 септември над 100 000 луѓе присуствувале на политички митинзи или, како што рече, близу една четвртина од вкупното црногорско население.

"Тие беа незаштитени на улица, со бучава, пеење ... Сето тоа прави голем ризик, да се потсетиме само на стадионот во Бергамо. Таа атмосфера доведе до огромен број на луѓе незаштитени и изложени на инфекција и затоа сега плаќаме данок за тоа “, рече Мугоша.

Најмногу заразени има во Никшиќ , Беране и во Подгорица, градовите со најмногу политички митинзи.

На барање на здравствените власти, инспекциските тела ја зајакнаа контролата за усогласеност со епидемиолошките мерки во последните два дена, кои вклучуваат обврска за носење маски за сите над седум години во затворени простории и на отворено и одржување на растојание од два метри.Особено во угостителските објекти не смее да има повеќе од четири лица.

Водечките луѓе во здравствениот систем на Црна Гора не ја исклучуваат можноста за повторно затворање на цели градови ако, како што велат, „болниците брзо се полнат“.

"Ако има масовно заболување и пополнување на повеќе од 50 проценти од постојните легла, ќе се разгледа можноста за целосен карантин. Ова би било последно средство, што се надевам дека нема да биде потребно", изјави за црногорските медиуми Весна Мирановиќ од Министерството за здравство. .

Почетокот на учебната година во Црна Гора и почетокот на градинките се одложени за 1 октомври, но црногорските епидемиолози велат дека се разгледуваат сите опции и ќе се донесе одлука за започнување на наставата во зависност од епидемиолошката состојба.

„Имаме уште десет дена да видиме како се развива ситуацијата“, рече Мугоша, директор на Црногорскиот институт за јавно здравје.

Црна Гора само пред три месеци беше единствената земја без корона во Европа, но кратко време откако црногорската влада одлучи да ги отвори своите граници, вирусот повторно влезе на нејзината територија и брзо се прошири.

Во првиот бран на епидемијата, кога рестриктивните епидемиолошки мерки беа во сила скоро два и пол месеци, се заразија само 324 лица, а девет од нив починаа како резултат на инфекцијата.

Во вториот бран, кој започна кон средината на јуни, 8.388 Црногорци се заразија со вирусот, а 118 заразени починаа за помалку од три месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер