Македонија

Референдумски кампањи на социјалните мрежи

Со називи хаштаг „Факти за договорот“, “Македонија за ЕУ”, “Македонија за НАТО”, “Придобивки од ЕУ”, “Да за Европска Македонија” но и под хаштаг „Бојкотирам“  на социјалните мрежи  веќе се води референдумска кампања.

Со вакви хаштаци се преплавени и официјалните фејбук страници на Владата, премиерот, неговите заменици и министрите, но битката засега останува само на мрежите.

Интензивирање на кампањата, која според ДИК стартувала во моментот на распишувањето на референдумот, од Владата најавуваат по завршувањето на годишните одмори, а дотогаш како што велат Владата ќе продолжи со секојдневно информирање на граѓаните за содржината на Договорот.

Од Власта најавуваат информативна кампања, заменик претседателката Шекеринска во интервјуто за Канал 5 вели дека преку кампањата ќе ги запознаат граѓаните со договорот.

Опозицијата ставот за референдумот како што најави ќе го соопшти до 10 септември. Првиот човек на паријата вчера посочи дека од средбите со граѓаните црпат инспирација за предизборна кампања.

„Можев да ги слушнам проблемите на младите од руралните но и на оние од градските средини едно корисно искуство кое што во многу нешта ќе ни помогне кога ќе ја работиме нашата предизборна кампања и кога ќе ја работиме нашата предизборна програма“, рече Мицкоски.

Кампањата ,според аналитичарите, не треба да се користи за тесно-партиски или лични интереси. Интензивирање на кампањата, аналитичарот Биљали очекува по соопштувањето на ставот на опозицијата, која според него, нема да се одлучи на бојкот.

Пропаганда за претстојниот референдум ќе може да води секој, најавија од ДИК, но посебен простор медиумите ќе треба да обезбедат само за овластениот предлагач – Собранието, останатите ќе плаќаат по пазарни цени.

Ценовниците и услугите за медиумско претставување, кои медиумите ги доставуваат до ДИК се однесуваат само на „привилегираниот пристап“ на овластениот предлагач. Сите останати субјекти го договараат своето медиумско претставување со соодветниот медиум под пазарни услови, стои во појаснувањето од ДИК.

Од Владата најавуваат оти кампањата ќе ја водат со буџетски средства, без да прецизираат колку пари ќе потрошат за јавната пропаганда.

Свет

Градоначалникот на Киев ја повика владата да вложи повеќе напори во борбата против корупцијата

 Градоначалникот на Киев Виталиј Кличко ја обвини украинската влада дека прави премалку во борбата против корупцијата во земјата, јави ДПА.

Кличко даде интервју за германски медиуми од групата Функе, кое беше објавено денеска. Запрашан дали владата е на вистинскиот пат во својата борба против корупцијата, тој одговори: „Можете да го поставите тоа прашање на секој граѓанин и сигурен сум дека тој ќе одговори со не“. Кличко изјави дека и тој е „на истото мислење“.

Украинскиот претседател Володимир Зеленски постојано најавуваше дека води тешка битка против корупцијата и злоупотребата на средства во државниот апарат. Пред само неколку дена министерот за земјоделство поднесе оставка поради обвинувања за корупција.

Во врска со односите со Зеленски, Кличко изрази жалење за недостигот на кохезија меѓу водечките политичари во Украина. „За жал, во овој период на војна, нема единство меѓу политичките сили“, рече Кличко. Тој истакна дека од почетокот на војната, постојано се обидувал да се сретне со Зеленски.

„Но, за жал, немав можност лично да се сретнам со Зеленски“, рече Кличко.

Градоначалникот на Киев укажа на штетата предизвикана од руските беспилотни летала и повика на поголема меѓународна поддршка за воздушната одбрана на Украина

По две години војна, штетите во Киев се огромни. Повеќе од 800 згради беа оштетени и уништени од воздушните напади. Повеќе од 200 луѓе загинаа, меѓу кои седум деца. /МИА

Свет

Десетици торнада поминаа низ централниот дел на САД, најмалку петмина загинати

Најмалку пет луѓе загинаа, вклучувајќи четиримесечно бебе, откако десетици торнада помина низ централниот дел на САД, предизвикувајќи сериозни штети. Д

есетици илјади луѓе останаа без струја откако бурите почнаа во петокот. Досега е потврдено дека четири лица загинаа во сојузната држава Оклахома, а едно во Ајова. Националната метеоролошка служба објави дека некои торнада имале налети од 218 километри на час. Особено тешко е погоден градот Сулфур во Оклахома, каде што цели домови се срамнети со земја. Во оваа сојузна држава има и повеќе од 100 повредени. Ова уследи откако повеќе од 70 торнада ги погодија небраска и Ајова во петокот. Најголем дел од нив биле околу градот Омаха.

Свет

Блинкен: Напредок во испораката на помош во Газа

Прекинот на огнот „најефикасен“ за решавање на хуманитарната криза

Американскиот државен секретар Ентони Блинкен на состанокот на регионалните лидери во Ријад изјави дека најефективниот начин за ублажување на хуманитарните страдања во Газа е да се обезбеди примирје меѓу Израел и Хамас.

Говорејќи во Саудиска Арабија, американскиот државен секретар рече дека има „мерлив напредок“ во доставувањето помош за Газа, но дека е потребно повеќе. Блинкен рече и дека Иран е најголемиот извор на нестабилност во регионот. Тој посочи дека настаните од последните неколку месеци покажаа дека има два можни патишта. Едниот, рече тој, бил обележан со „поделби, уништување, насилство и постојана несигурност“.

притисни ентер