Тимот детски хирурзи предводен од д-р Александар Китиќ како главен оператор и д-р Жељко Војисављевиќ како прв асистент, за првпат откако постои Одделението за детска хирургија во Здравствениот центар, изведе успешна хируршка операција кај петнаесетгодишна пациентка, целосно отстранувајќи огромна туморска маса со тежина од четири килограми, пишува „Блиц“.

Необичниот медицински случај ја довел девојчето кај валевските хирурзи затоа што, иако била сосема здрава тинејџерка, сакала да ја доведе својата линија до совршенство, па од ноември активно тренирала во теретана и држела диета.

Можеби ќе ве интересира: Смртоносната габа од „проколнатата“ гробница на Тутанкамон може да помогне во лекување на канцер

Стомакот ѝ се зголемувал и покрај диетата и тренинзите

Сепак, не се забележувал видлив напредок кога станувало збор за пределот на стомакот, кој продолжил да се зголемува. По ултразвучниот преглед и сомневање, била упатена кај детски хирург.

– Единствено што таа забележува е дека ѝ расте стомакот, и покрај сите тие тренинзи и диети. Кај нас првпат се појавува два дена пред хоспитализацијата. По направениот ултразвучен преглед, каде што беше забележана некаква цистична промена во стомакот, ја примивме на Одделението за детска хирургија, по што направивме дополнителна дијагностика со магнетна резонанца. Дури ни магнетната резонанца не покажа со сигурност од каде потекнува цистата – дали од јајниците или од мезентериумот. Во предоперативната подготовка направивме и онколошки маркери бидејќи немаше никакви други симптоми и ја исклучивме можноста за малигнитет. По дијагностиката донесовме одлука за оперативен зафат, и со оваа прилика изразувам голема благодарност до родителите кои ни укажаа доверба за лекување на нивната ќерка, и кои во ниту еден момент не побараа да одат понатаму или на повисоко ниво. Со целосна доверба ни го препуштија решението – објаснува д-р Жељко Војисављевиќ, специјалист по детска хирургија и најмладиот детски хирург во Здравствениот центар Валево.

Како била извршена операцијата?

Со колегите од Општата хирургија размислувале и за опцијата лапароскопија, но поради природата на цистата и нејзината големина, се одлучиле за најбезбеден зафат со класична метода, при што д-р Китиќ успешно ја изведе интраоперативната интервенција.

– Туморската промена била макроскопски со бенигни карактеристики, потекло од десниот јајник, тежина од четири килограми, дијаметар до 25 сантиметри, а се протегала од долниот дел на стомакот над бешиката до под црниот дроб, белите дробови и слезината. Успеавме целосно да ја отстраниме без да ја повредиме самата промена. Успеавме и да го сочуваме здравото ткиво од зафатениот јајник, па тој ќе биде функционален и понатаму – објаснува д-р Војисављевиќ.

Можеби ќе ве интересира: Еве после колку време се видливи резултатите од вежбањето

За ова искуство, кое досега не било забележано во валевската детска хирургија, разговарал и со колеги од универзитетските клиники кои исто така потврдиле дека станува збор за исклучително редок случај, бидејќи и покрај фреквентноста на нивните установи, сличен случај немале речиси 20 години.

Како тече постоперативното закрепнување?

Девојчето по хируршката интервенција било отпуштено на домашно лекување по пет дена, а постоперативниот тек поминал одлично и денес, седмиот ден, се враќа на лесни нормални активности.

И покрај големината на извадениот тумор, постоперативниот тек не барал интензивна нега, туку девојчето цело време било згрижено на Одделението за детска хирургија каде што добила соодветна нега до заминувањето дома.

Атипично голем тумор со каков што лекарите досега не се сретнале

Д-р Војисављевиќ наведува дека има опишани слични случаи, но не со таква фреквенција, бидејќи се невообичаени и возраста и димензиите на цистата, па не е изненадување што ова е прв ваков случај направен во валевската болница откако постои Одделението за детска хирургија.

– За возраста на детето и големината на промената, станува збор за атипично голем тумор. Во четирите години на специјализација во „Тиршова“ и Универзитетската клиника не сретнав сличен случај. Причините за настанување на овие промени се мултифакторни, но најважно е што девојчето сега е целосно здраво и излекувано. Како ќе расте, за понатамошната грижа за здравјето и евалуацијата ќе бидат вклучени и други специјалисти, пред сè гинеколози со редовни ултразвучни контроли, бидејќи утврдивме дека цистата потекнува од јајникот. Повторно изразувам благодарност до целиот тим предводен од д-р Китиќ, техничарите, инструментарите, анестезиолозите со кои имаме одлична соработка, и пред сè до родителите на девојчето – заклучи д-р Жељко Војисављевиќ.

Д-р Војисављевиќ истакна и доброто чувство на менаџментот на Здравствениот центар Валево да го одржи Одделението за детска хирургија во рамки на хируршката служба, бидејќи многу установи од секундарното ниво на здравствена заштита во внатрешноста на Србија немаат детски хирурзи или се сведени на поединци, а во Колубарскиот округ каде што гравитираат толку општини кон валевската болница, постоењето на детска хирургија е од исклучително значење.

– За детската хирургија да напредува, мораше да го следи напредокот и на другите, бидејќи таа е мултидисциплинарна и бара соработка со радиолози, анестезиолози и други гранки. За да воведеме нови процедури, ни е потребно и организациско проширување, во смисла на некаква интензивна нега за деца, за да можеме постоперативно да ги следиме, ако сакаме во иднина да воведуваме нови хируршки процедури. Сето тоа бара дополнителни дијагностички и пред- и постоперативни иновации – наведува д-р Војисављевиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.