Русите се полни со недоверба кон вакцините против „ковид-19“ и вакцинацијата напредува бавно, иако има доволно вакцини.
Руските власти воведоа низа мерки за да ги убедат и принудат луѓето да се вакцинираат.
Делта варијантата на вирусот, кој првпат е откриен во Индија, брзо се шири во Москва и Санкт Петербург, а властите денеска објавија рекорден број на смртни случаи.
Според официјалните податоци, руската престолнина имала 124 смртни случаи од коронавирус во последните 24 часа, а вториот по големина руски град 110, со што е срушен рекордот поставен викендов.
На национално ниво, дневниот број на новозаболени е 21.650, а 5,4 милиони луѓе се заразени од почетокот на пандемијата.
Градоначалникот на Москва Сергеј Собјанин рече дека 2.000 луѓе се хоспитализираат во градот секој ден и дека се пополнети 75 проценти од достапните легла.
Ситуацијата е тешка и во Санкт Петербург, кој во петок е домаќин на четвртфиналниот натпревар на Европското фудбалско првенство.
Натпреварот ќе се игра, објави денеска Организацискиот одбор на Евро 2020.
За борба против епидемијата, Москва ја врати работата од дома на околу 30 проценти од вработените кои не биле вакцинирани, воведе задолжителни вакцини за вработените во услужниот сектор и санитарни коридори за влез во рестораните.
Задолжителна вакцинација за одредени групи на население е воведена во уште десетина руски региони.