Како што јави „Ен-би-си њуз“, високи температури се очекуваат во западниот дел на земјата, а температурата ќе се искачи до 115 Целзиусови степени (46,1 Целзиусови степени).
Се очекува 130 градови да постават нови рекорди на високи температури на сите времиња, а најнови се Сан Рафаел и Ливермор, Калифорнија.
Покрај во Калифорнија, екстремни горештини се очекуваат и во Невада, Аризона, Вашингтон и Орегон. Овие се потенцијално опасни по живот временски услови. Топлината е водечка причина за смртни случаи поврзани со временските услови во САД.
„Влегуваме во потенцијално историски смртоносен топлотен бран“, предупреди Националната метеоролошка служба за областа на заливот Сан Франциско.
Се очекува топлотниот бран во Сан Франциско да трае 12 дена и да биде најлош во последните 18 години. Предупредување е издадено и во градот Лос Анџелес. Меѓу најранливите се бездомниците.
Гувернерката на Орегон, Тина Котек најави отворање на центри во кои граѓаните можат да се разладуваат. Алармантна е и ситуацијата во Феникс. Температурата во овој град вќе 16 дена е над 43 Целзиусови степени.
Полицијата потврди дека едно дете починало при планинарењето поради високата температура. Голем број градови ги откажаа или ги одложија парадите и огнометите планирани за денеска, бидејќи поради високите температури може да дојде до пожар поради употреба на огномети.
Додека на западниот дел на САД му се закануваат пеколни горештини, во централниот дел се стравува од торнада. Издадено е предупредување за торнадо во Мисури, делови од Канзас и Оклахома, каде живеат шест милиони луѓе.