Разбиена е секта во Шпанија- дрогирале луѓе и жртвувале животни (ВИДЕО) - Канал 5

Европа

Разбиена е секта во Шпанија- дрогирале луѓе и жртвувале животни (ВИДЕО)

Шпанската полиција разби секта на Канарските Острови која експлоатирала ранливи луѓе, наплаќајќи им огромни суми пари за бизарни ритуали што вклучуваат жртвување животни и консумирање опојни дроги.

Разбиена е секта во Шпанија- дрогирале луѓе и жртвувале животни (ВИДЕО)

Пет лица се уапсени, а водачот на култот заврши во притвор откако било откриено дека на некои од поранешните следбеници им е потребна психијатриска помош, пишува Euronews.

Полицијата денеска објави дека четири лица се уапсени во Тенерифе и едно во Лас Палмас де Гран Канарија. Тие се обвинети за низа кривични дела, вклучувајќи криминална завера, суровост кон животни, измама, предизвикување повреди, дела против јавното здравје и фалсификување.

Манипулација и лажни ветувања

Според истрагата, водачите на сектата се насочиле кон лековерни и ранливи лица, кои ги манипулирале со всадување страв, вклучувајќи и наводни духовни закани. Членовите плаќале високи суми за ритуали што им ветувале лична корист, духовна заштита или дури и лекување од болест.

За време на церемониите, учесниците морале да жртвуваат домашни животни и да консумираат супстанции опасни по здравјето. Полицијата изјави дека станува збор за алкохол, поперси, кокаин и други халуциногени дроги, нагласувајќи дека нивната употреба претставувала сериозен ризик за сите вклучени.

Психолошката контрола што ја вршел водачот на култот била толку силна што неколку поранешни следбеници барале психијатриски третман откако ја напуштиле групата, според полициското соопштение. Осомничените биле изведени пред судија, кој го осудил водачот на групата на притвор, додека другите биле ослободени со превентивни мерки.

Злоупотреба на религијата за криминал

Иако Сантерија, афро-карипска религија што ги комбинира верувањата на народот Јоруба од Западна Африка со елементи на римокатолицизмот, е легитимна духовна практика со милиони следбеници, властите велат дека групата работела исклучиво како криминална организација.

Тие користеле само примитивни духовни верувања како покритие за финансиска добивка. Националната полиција на Шпанија на крајот предупредила за опасноста што ја претставуваат ваквите организации, кои се кријат зад духовноста за да извршат злосторства и нелегално да се збогатат.

Тагови: секта Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер