Министерот за здравство, Азир Алиу денеска одржа прес конференција заедно со националната координаторка за трансплантација, проф. д-р Билјана Кузмановска, на која информираа за имплементацијата на модулот во системот Мојтермин за евидентирање на волјата на граѓаните да бидат органодарители.

Со денешната прес-конференција заокружуваме еден од најчовечките, најсмелите и најуспешно финализирани процеси што ги водевме во здравството. Со усвојувањето на измените на Законот за земање и пресадување на делови од човечкото тело заради лекување, државата направи силен исчекор. Од тема што предолго живееше под превезот на страв и тема за која се зборуваше во болничките ходници, успеавме да создадеме тема за која се зборува јавно, одговорно и достоинствено. Со овие законски измени, секој полнолетен граѓанин, при посета на својот матичен лекар, ќе може да се произнесе дали сака или не сака по смртта да биде органодарител. Модулот во „Мој Термин“, преку кој ќе се регистрира волјата на граѓаните, веќе е развиен, истакна министерот Алиу.

Тој информираше дека при посета на својот избран матичен лекар, секој полнолетен граѓанин ќе може јасно да се изјасни дали се согласува или не се согласува по смртта да биде дарител на органи и ткива заради лекување. Пред да ја даде изјавата, избраниот лекар ќе има обврска да го информира граѓанинот за значењето на одлуката, за нејзините правни последици и за правото таа во секое време да може да се промени. Изјавата ќе се потпишува лично, ќе се заверува од избраниот лекар и ќе се архивира, а потоа како скениран документ ќе се внесува во националната листа во рамките на Националниот систем за електронски евиденции во здравството.

Пристапот до овие податоци ќе биде строго ограничен, контролиран и евидентиран, што значи дека секој увид во системот ќе остава трага и ќе биде дозволен само за точно утврдени овластени лица. Дополнително, граѓанинот во секое време ќе може да ја промени својата одлука со нова изјава кај својот избран лекар, а важечка ќе биде секогаш последната евидентирана изјава. Паралелно со развојот на овој модул, се работи и на уредбата и правилникот, со кои попрецизно ќе се уредат националната листа, пристапот до податоците, формата на изјавата и начинот на нејзино давање и промена, додаде Алиу.

Воедно, министерот изрази благодарност до националната координаторка, проф. д-р Билјана Кузмановска, до трансплантациските тимови, лекарите, медицинските сестри и до сите што ја поддржаа кампањата и кои се дел од системот за органодарителство и трансплантација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вавринка загуби од Матео Беретини во првото коло на Вимблдон по четири часа и 15 минути и дури четири тај-брејкови - 6:7(7), 7:6(16), 7:6(7), 7:6(5).

„Не сакам да се повлечам, но знам дека е време да престанам. Една од причините зошто продолжив да играм е поради ваквите моменти. Навистина е емотивно, благодарен сум за шансата што ја добив. Тоа што добив посебна покана, имав шанса да играм уште еднаш на овој посебен турнир. Како дете сонувате да имате еден ден тука, имав шанса да играм многу пати. Голема поддршка и тоа многу ми значи, ви благодарам за сите овие години“, рече Вавринка.

Потоа се осврна на самиот дуел, како и на неговото збогување со турнирот, кој одбележа голем дел од неговата кариера.

Stan Wawrinka says goodbye to Wimbledon and he had everyone including himself in tears 🫶😭

↳ Wimbledon. Every Match. Live & On Demand. Centre Court in 4K.#StanSportAU #Wimbledon pic.twitter.com/DBl7tnGXi3

— Stan Sport (@StanSportAU) July 1, 2026

„Не ми е прв пат тука, отидов преку граници, одлична борба. Матео е мој добар пријател, одличен човек и заслужуваше да победи. Не е лесно да се збогуваш со нешто што многу го сакаш. Отсекогаш сум имал голема страст за играта, благодарен сум на сите што ми дадоа шанса да играм тука. Не можев да посакам подобро збогување. Ви благодарам за вашата поддршка“, рече Вавринка.

За Вавринка ова дефинитовно е последната сезона во професионалниот тенис.

Неговиот ривал пак, Матео Беретини по стартниот триумф во второто коло за противник го има 20-тиот носител, Французинот Артур Фиес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според сите информации што излегоа во јавноста, Лукровски сакаше да поднесе оставка. Сакаше да си замине.

Но, организираната криминална група ВМРО и нејзиниот шеф Христијан Мицкоски не му дозволија.

Партијата вложи огромни напори и пари за да го освои Карпош, па сега не може да си дозволи да го изгуби преку предвремени локални избори.

Затоа Лукровски „заврши со боледувањето“ и се врати да ја врши функцијата. Не затоа што сака, туку затоа што му е наложено.

Ова е уште еден доказ за тоа како функционира системот на Мицкоски. Луѓето се ставаат на функции не за да работат, туку за да ги штитат партиските интереси. А кога некој ќе се обиде да си замине, бидејќи не може или не сака да ја врши функцијата, му се закануваат и го принудуваат да остане.

Лукровски прифати да остане и да одговара за Мицкоски и ВМРО-ОКГ.

Да седи на функција која не ја сака, затоа што знае дека секој нов потпис може да значи само плус година во „Идризово“.

Ова е партиска диктатура во која луѓето се третираат како потрошна роба.

А граѓаните на Карпош сега имаат градоначалник кој не сака да биде таму, и општина која функционира во вакуум.

Колку уште градоначалници и министри се во иста ситуација, на функција против своја волја, само затоа што Мицкоски и неговата група не сакаат да изгубат контрола?

Секој си го избира својот пат, а со ВМРО-ОКГ се знае каде води тој пат.

Со среќа, градоначалниче!

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.