Рашиќ: Србите во косовската полиција се под закани од „невидливи планински сили“ - Канал 5

Балкан

Рашиќ: Србите во косовската полиција се под закани од „невидливи планински сили“

Рашиќ, изјави дека тројцата Срби кои вчера поднесоа одставки од косовската полиција, се жртви на „таргетирања, навреди, понижувања, со закани кон нив, но и кон нивните семејства“.

Рашиќ: Србите во косовската полиција се под закани од „невидливи планински сили“

Министерот за заедници и враќање во Владата на Косово, Ненад Рашиќ, изјави дека тројцата Срби кои вчера поднесоа одставки од косовската полиција, се жртви на „таргетирања, навреди, понижувања, со закани кон нив, но и кон нивните семејства“, јави дописникот на МИА од Приштина.

Рашиќ, кој е член од редовите на српското малцинство во владата предводена од Албин Курти, во објава на Фејсбук што ја пренесе неговото Министерство, вели дека „веројатно нема ниеден косовски Србин кој барем еднаш не ги почувствувал лично свирепите закани од страна на ‘невидливи планински сили‘“.

- Вчера тројца млади полицајци дадоа отказ на своите работни места на кои речиси не ни почнаа да работат. Тие својата кратка кариера ја започнаа, а и ја завршија со таргетирања, навреди, понижувања, со закани кон нив, но и кон нивните семејства. За жал, веројатно нема ниеден косовски Србин кој барем еднаш не ги почувствувал лично свирепите закани од страна на „невидливи планински сили“ која со своите деструктивни методи ги уништува секое дело и секоја желба за живот во нашето убаво Косово, напиша Рашиќ.

Според него, во изминатите 11 години нанесена е непоправлива штета за опстанокот на Србите во Косово.

- И, нормално, тука не е крајот, ни велат дека тие „ќе се борат“ до последниот косовски Србин. Што ли сме му згрешиле на Бога..., напиша Рашиќ.

Тој им порача на младите Срби кои во последните месец дена пристапија кон Полицијата на Косово дека знае низ што поминуваат тие и нивните семејства.

- Бригада бездушни платеници нé следи со задача да ни ги украде плановите и соништата, да ни ги уништи семејствата и животите, да ја исцицаат нашата крв и волја за живот, додека не станеме зомби кои бесцелно талкаат по нашите огништа, на кои секогаш сме биле најгорди. Можеби не ве познавам лично, но верувајте добро ја знам суровата методологија на нивната работа и знам колку е тешко да се остане совесен и морален во ненормалните и неморални услови кои насилно ни се наметнуваат, порача Рашиќ.

Министерот за заедници и враќање им вети на новите припадници на косовската полиција од редовите на срспкото малцинство дека ќе ги поддржи „со сиот личен и институционален капацитет“.

- Мојата врата ќе биде отворена за сите вас. Јас лично, како и Министерството за заедници и враќање, се ставаме на ваше располагање, за да ви помогнеме на секој можен начин заедно да ги победиме нашите стравови, предизвици и сомневања, напиша Рашиќ.

По колективните оставки на припадниците на косовската полиција од српска националност во неомври минатата година, минатиот месец на полицијата ѝ пристапија 74 нови полицајци од редовите на немнозинските задници. Од нив 45 се Срби, 16 Бошњаци, тројца Турци и осум припадници на заедницата РАЕ – Роми, Ашкалии и Египќани. Меѓутоа, според медиумите во Приштина, младите Срби кои влегоа во косовската полиција се постојано под притисок на „насилните експоненти“ од косовскиот север, за кои се вели дека се под директна контрола на Белград.

Реагирајќи на оставките, претседателката на Косово, Вјоса Османи вчера оцени дека тие се директна последица на постојаните закани и заплашувања врз припадниците на српската заедница во Косово од страна на Србија.

Таа порача дека притисоците врз косовките Срби се доказ дека Белград продолжува да се служи со тактиките на поранешниот српски водач Слободан Милошевиќ, кој во 2006 година почина во притворот на меѓународниот суд за воени злосторства во поранешна Југославија во Хаг, додека траеше судскиот процес против него.

- Оставката на полицајците припадници на српската заедница е директна последица на постојаните закани и заплашувања од страна на Србија – потврда дека нејзините политики продолжуваат да ги отсликуваат тактиките на Милошевиќ. Ние ќе продолжиме да обезбедуваме сеопфатност во сите институции и едно Косово кое е побезбедно за сите, напиша Османи на Твитер.

Загриженост поради оставките на тројцата полицајци од српска националнот во косовската полиција, меѓу другите, изразија и шефот на мисијата за владеење на правото во Косово, ЕУЛЕКС, Ѓовани Пјетро Барбано, како и амбасадорите на САД и Германија, Џефри Ховениер и Јорн Рохде. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер