На многу жени рамниот стомак им делува како невозможна мисија, особено по 40-тата, кога метаболизмот природно станува побавен, а масните наслаги полесно се таложат. Сепак, овие познати дами докажуваат дека годините не се пречка за затегнат изглед, со правилни навики и дисциплина може да се задржи витката става и после 40-тата година.

Целта не е да се има совршено рамен стомак, како во 20-тите, туку да го намалите салото што се таложело низ годините поради неправилната исхрана. Клучот е во прилагодената исхрана и редовното вежбање, а токму тоа го практикуваат и познатите актерки и пејачки кои со децении изгледаат беспрекорно на црвениот тепих.

Ева Лонгорија

Американската актерка Еве Лонгорија, позната по улогата на Габриел Солис во серијата „Очајни домаќинки“, и во 50-тата година изгледа одлично.

Нејзината тајна е во исфрлањето на рафинираниот шеќер и јаглехидрати како леб, тестенини и ориз, од исхраната. Наместо тоа, нејзината исхрана изобилува со свеж зеленчук, како брокула, спанаќ и прокељ.

Иако целосното исфрлање на шеќерот не се препорачува, намаленото консумирање слатки, газирани пијалаци, преработена храна, значително помага во намалување на масните наслаги на стомакот.

Џулијан Мур

Славната добитничка на Оскар, Џулијан Мир, и во 64-тата година изгледа привлечно. Во помлади години секојдневно јадела масна храна и пица, но со текот на годините поминала на лесна избалансирана исхрана базирана на риба, свеж зеленчук и салати.

Покрај тоа, таа редовно вежба, практикува јога 2-3 пати неделно, а покрај тоа изведува вежби за сила. Оваа комбинација ѝ помага нејзиното тело да остане силно и издржливо без преголем напор.

Пенелопе Круз

Шпанската актерка, Пенелопе Круз, која денес има 51 година, се придржува до антиинфламаторна диета. Нејзиното мени секогаш вклучува свежо овошје и зеленчук, интегрални житарки, немасни протеини и здрави масти, а рафинираниот шеќер, газираните пијалаци и преработените грицки ги избегнува.

Ваквиот начин на исхрана ги намалува воспаленијата во организмот и помага масните наслаги брзо да се топат.

Гвен Стефани

Американската пејачка, Гвен Стефани, изгледа подобро од кога било, а многумина тврдат дека сега, во 50-тите, има подобра линија отколку во младоста. Нејзината тајна е во тренингот со отпор (TRX-Тotal Resistance Еxercise) вежбите со отпор, вежбањето на специјална справа која го обликува целото тело, а особено мускулите на стомакот. Покрај тоа, таа работи и кардиовежби за да го согори вишокот калории и да се одржи во форма.

Скарлет Јохансон

Холивудската актерка и ѕвезда, Скарлет Јохансон практикува високопротеинска исхрана. Нејзините оброци се богати со пилешко, мисиркино и риба, избира печени намирници за да го намали внесувањето на калории, а пржената храна ја избегнува.

Редовно вежба пилатес за да го обликува телото и да ја задржи витката фигура.

Овие познати дами имаат различни методи, но доследноста и балансот им се заеднички. Комбинирањето здрави оброци, намаленото консумирање шеќер и редовното вежбање се клучни за да имате рамен стомак и по 40-тата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.