Рама за средбата Курти-Вучиќ во Охрид

 Да се надеваме дека договорот нема да биде уште една балканска измама.

Албанскиот премиер Еди Рама во врска со усогласувањето на Анекс договорот за нормализација на меѓусебните односи на Србија и Косово во Охрид, со посредство на ЕУ, изрази надеж дека нема да биде „уште една балканска измама“.

„Да се надеваме дека ѓаволот не е во деталите и дека договорениот, но непотпишан договор, не е уште една балканска измама! Во спротивно, ова би било историско достигнување што би ја навестило долгоочекуваната пролет во односите меѓу двата најголеми балкански народи. И, искрено да им честитаме на четворицата протагонисти на охридската трпеза, посакувајќи наскоро договорот да се претвори во нова неповратна реалност меѓу Косово и Србија, Албанците и Србите, Западен Балкан и Европската унија“, напиша Рама на Твитер.

Во спротивно, како што оценува, договорот би бил „историско достигнување што ќе ја најави долгоочекуваната пролет во односите меѓу двата најголеми народи на Балканот“.

ЛДП: Врвен приоритет останува брзото присоединување кон ЕУ

Извршниот одбор на Либерално-Демократската партија (ЛДП) вечерва донесе одлука за приклучување кон Европската коалиција, што е составена од партии кои се залагаат за полноправна интеграција во Европската унија.

„Согласно стратешките определби на државата, одлучивме на следните избори партијата да биде дел од Европска коалиција. За Македонија не постои друг пат освен брзо приклучување кон европското семејство. Од таа причина, како партија која постојано работи во интерес на граѓаните“, истакнаа од ИО на ЛДП.

Од Извршниот одбор на партијата посочија дека јасно е дека политичките партии во трка за поен плус и од популизам не можат да постигнат консензус за спроведување на големи реформи во клучни области, оттука е неопходно да се почне процесот на преговори низ кои ќе се реформира државата. На седницата на ИО, за шеф на Централниот изборен штаб на ЛДП, е предложен генералниот секретар Боби Мојсоски.

Извршниот одбор на седницата формираше и група за програмски преговори во рамки на претстојната Коалиција, што е предводена од потпретседателот Валентин Груевски, претседателката на Форумот на жени - Билјана Аврамоска Ѓореска, претседателката на ЛиДеМ - Јелена Мишиќ и член на ИО - Горан Петрушев.

,,Не постои друга алтернатива за земјата, како од политички, така и од економски аспект освен полноправно членство во ЕУ. Целта е брзи реформи, за видлив напредок дома. Мнозинството од граѓаните се за членство во унијата каде и природно припаѓаме.

Извршен одбор на Либерално демократска партија (ЛДП)

Целосна доминација на „Барби“ и „Опенхајмер“ за наградата Златен глобус (ВИДЕО)

Летниот кино хит Барби води во номинациите за Златен глобус со девет категории, пред историската драма Опенхајмер која има осум, објави денеска организаторот на филмската награда во Холивуд.

Барби ќе се натпреварува во категоријата за најдобра комедија и мјузикл со American Fiction, The Holdovers и други на церемонијата во јануари што ќе ја започне сезоната на американските филмски награди.

Опенхајмер, со Силијан Марфи во главната улога, меѓу другите ќе се соочи со Killers of the Flower Moon и Maestro во битката за најдобра драма.

Во телевизиските категории најмногу номинации има семејната драма Succession, девет.

Златните глобуси се добар показател за најпознатата филмска награда Оскар што се доделува во март. Тие ќе бидат избрани оваа година од нова организација, откако во јуни беше распуштена непрофитната холивудска асоцијација за странски печат, новинарска група која беше на удар на критики поради етичките пропусти и недостатокот на различност.

Сопствениците на Златните глобуси, Елдриџ Индустрис и Дик Кларк продукција, ја поставија наградата како профитабилен бизнис, а гласачкото тело ќе се состои од расни и етнички различни 300 новинари од 75 земји. Победниците ќе бидат објавени на церемонија на 7 јануари.

Случајно открил тајна врата во хотелската соба, а зад неа уште една- глетка како од хорор филм

Следното видео се појави во средината на 2023 година, но сепак сега го предизвикува вниманието на корисниците на социјалните мрежи.

Прво беше објавено на профилот на Дијана Алварез, а прикажува човек кој направил запрепастувачко откритие во хотелска соба.

Кога ќе пристигнете во хотелот, обично сакате да го погледнете секој агол, можеби да ја сликате собата за вашите пријатели. Сепак, едвај сте доживеале што направил човекот од оваа приказна.

Тој покажал како отвора една од гардеробите во задниот дел од собата, а јасно се гледа дека „грбот“ е поделен на два дела.

Користејќи ја картичката, го помести панелот и се појавува скриен премин! Кадрите се застрашувачки, особено кога ќе сфатите дека просторијата е практично опкружена со „невидлив“ тунел.

Зад панелот имало уште една скриена врата која води до темен тунел, а главниот лик очигледно не сакал да истражува каде води.

„Замислете да го најдете ова во вашата хотелска соба. Застрашувачки. Бизарно. За што би можело да биде?“, се вели во пораката.

Невообичаеното видео има милиони прегледи, а многумина коментираат дека изгледа како најстрашните хорор филмови.

Иако не е откриено каде се наоѓа хотелот, едно лице напишало дека се работи за Чиле, а снимената просторија била наменета за криење од земјотреси, пренесува Мирор.

Друг тврди: „Многу хотели имаат скриени ходници зад ѕидовите. Ги користат за шпионирање, го знам тоа“.

Имало и корисници кои сметаат дека хотелот е реновиран, така што откриениот простор е всушност дел од стариот простор.

притисни ентер