Шоу биз

Рајскиот остров на Марлон Брандо

Познатиот холивудски актер островот го купи во 1967 година.

Додека го снимаше филмот „Бунтот на бродот Баунти“ Марлон Брандо се вљуби во островот Тетиароа - Полинезија, и во 1967 година го купи и го претвори во свој рај на Земјата!

Image result for mutiny on the bounty 1962

Креацијата на Брандо по неговата визија за рајско место, денеска можат да ја доживеат сите. На островот има 35 вили, сите со сопствен базен и плажа, што креира чувство дека сте сами на светот опкружени со рајска убавина!

The Brando is the sole hotel on Tetiaroa, a private atoll of a dozen islets that circle a pristine lagoon 30 miles north of Tahiti

Островот на кој Брандо живееше се до 1990 година, денеска е преименуван по него - се вика „Брандо“. Се наоѓа на 50-тина километри северно од Тахити.

Бунгаовот во кој живеел Брандо сеуште постои, ист каков што бил пред повеќе од половина век - совршен.

Останатите вили се опремени со најсовремена технологија, а потребите на гостите во потполност се задоволени преку неделен дотур со брод.

The resort is split across two sides of the island, with 22 villas along Turtle Beach and 13 villas along Mermaid Bay


Ако успеете да се извлечете од прекрасните вили, за вас се организирани секакви авантури - спорт на вода, прошетки по преубавата природа, велосипедизам и што уште не. Ако помисливте дека ова е преубаво место, кога ќе го видите ќе заклучите дека е - совршено - велат оние кои го посетиле. Решен е и единствениот проблем кој би можел да излезе вон контрола - присуството на комарци. Нив на овој „рај на земјата“ едноствно ги нема! Престој за двајца во вила дневно чини нешто повеќе од 3 000 долари.


The food and service was truly wonderful for a resort so cut off from the mainland, and the classic French dishes are prepared superbly


Марлон Брандо прв пат на островот отишол кога го снимал филмот „Бунтот на бродот Баунти“ во 1962 година. Тогаш изјавил дека се почувствувал „поблизу до рајот“.

Се ожени со својата партнерка од филмот Тарита и го купи островот во 1967 година.

Brando first came to Tetiaroa while filming Mutiny on the Bounty, claiming it made him feel 'closer to paradise' - and to his co-star Tarita who he married



Неговата замисла беше да се зачува биодиверзитетот и природната убавина на островот. Во 1999 година заедно со долгогодишниот жител на Тахити Ричард Бејли, тој почна да работи на целта - островот да го претвори во луксузен еколошки ресорт, кој своите врати за гостите ги отвори во 2014 година, 10 години по смртта на големиот актер.


/извор: Дејли меил

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер