Технологија

Радио сигнал е откриен во атмосферата на Венера, научниците знаат од што потекнува

Вселенското летало Паркер на НАСА открило нешто необично за време на блискиот лет во близина на Венера во јули 2020 година.

Додека летало на само 833 километри над површината на таа планета, снимило нискофреквентен радио сигнал што доаѓал од атмосферата на Венера.

Мора да ги разочараме оние што мислеле дека станува збор за откривање на радио сигнал од некоја вонземска цивилизација што се крие под густите облаци на таа планета. Имено, сондата Паркер забележала сигнал од природно потекло, но тоа не значи дека не е интересно. Имено, ова откритие потврдило дека циклусите на нашата sвезда влијаат на атмосферата на Венера.

Ова е прв пат во скоро три децении леталото да може да прочита директни мерења на горната атмосфера на Венера. Податоците што ги собрало ни даваат ново разбирање за тоа како се менува Венера поради цикличните промени на Сонцето.

„Бев неверојатно возбуден кога добив нови податоци од Венера“, рече астрономот Глин Колинсон од Центарот за вселенски летови „Годард“ на НАСА, пренесува Science Alert.

Венера е фасцинантен свет за нас на Земјата. По големина и состав наликува на нашата планета, дури има и атмосфера. Од друга страна, тоа е отровно и пеколно блескаво тело, кое е веројатно комплетно непријателско за развојот на животот каков што го знаеме.

Вселенските агенции не испратиле многу мисии на таа планета. Нема многу смисла да се испраќаат летала или ровери затоа што тие не можат да преживеат на површина што се вари на 462 степени Целзиусови. Испраќањето летала во орбитата на Венера е исто така проблематично поради нејзините неверојатно густи облаци полни со јаглерод диоксид и сулфурна киселина.

Иако Венера не е најблиската планета до Сонцето, оваа позиција ја држи Меркур, сепак е најтопла во Сончевиот систем. Нејзината густа атмосфера полна со стакленички гасови заробува и ја задржува топлината, а на површината е потопло отколку на Меркур - на него, металите како олово се раствораат и стануваат барички на стопена метална течност.

Сондата Паркер поминала покрај Венера, сосема случајно, односно нејзината мисија немала никаква врска со таа планета. Со цел да се приближи што е можно поблиску до Сонцето и да се истражат мистериите на нашата sвезда, сондата ја користела Венера како гравитациска точка; односно ја искористила нејзината гравитација за да ја промени својата брзина и траекторија.

На еден од тие прелети, инструменти снимиле радио сигнал. Колинсон забележал нешто необично во внатрешноста на сигналот, но не можел веднаш да сфати што е тоа.

„Кога се разбудив следниот ден, помислив:‘ Боже мој, знам што е ова! ’“, вели Колинсон.

Сличен сигнал бил забележан и од вселенското летало Галилео додека минувал низ јоносферите на месечините на Јупитер; слоеви на атмосфера што ги имаме и тука на Земјата, но исто така и на Марс. Јоносферата е всушност јонизиран слој во атмосферата на една планета.

Кога научниците сфатиле каков е сигналот, го искористиле за да ја пресметаат густината на јоносферата на Венера и ги споредиле податоците со последните директни мерења од 1992 година. Откриле нешто интересно - јоносферата во новите мерења била поретка отколку во 1992 година.

Експертите веруваат дека овој процес е поврзан со сончевите циклуси. На секои 11 години, половите на Сонцето ги менуваат местата; југот станува север, а северот станува југ. Не е јасно што ги придвижува овие циклуси, но знаеме дека половите се менуваат кога магнетното поле на нашата sвезда е најслабо.

Бидејќи соларните активности како што се сончевите дамки (привремени региони на силни магнетни полиња) или исфрлање на коронална маса (исфрлање на плазма) зависат од магнетното поле на Сонцето, овие фази ги нарекуваме сончев минимум и соларен максимум.

Мерењата од Земјата покажале дека јоносферата на Венера се сменила во синхронија со соларните циклуси - станала погуста со сончевиот максимум и поретка со сончевиот минимум. Но, научниците не можеле да го потврдат ова без директни мерења.

Затоа ова откритие е толку интересно. Мерењата од 1992 година се направени во време близу до сончевиот максимум; а во 2020 мерења близу до сончевиот минимум. Двете мерења биле во согласност со мерењата на Земјата.

Засега, не е сосема јасно зошто Сончевиот циклус има таков ефект врз јоносферата на Венера, но постојат две главни теории.

Една од нив е дека горната граница на јоносферата за време на сончевиот минимум се спушта на помала надморска височина, што спречува проток на јонизирани атоми, што пак резултира во поретка ноќна јоносфера. Според друга теорија, јоносферата на Венера за време на сончевиот минимум истекува побрзо во вселената.

Податоците од истражувањето на Паркер не можат да исклучат ниту еден од овие механизми, но научниците се надеваат дека идните мисии и набљудувања би можеле да разјаснат што точно се случува.

Студијата наречена Depleted Plasma Densities in the Ionosphere of Venus Near Solar Minimum From Parker Solar Probe Observations of Upper Hybrid Resonance Emission , е објавена во списанието Geophysical Research Letters.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжи судењето за Лотарија - Груби и Бајрами повторно на обвинителна клупа

Документација поврзана со основање на заедничко друштво со странски партнер, владини одлуки, како и финансиски трансакции поврзани со набавката на видеолотариски терминали, се дел од материјалните докази

Документација поврзана со основање на заедничко друштво со странски партнер, владини одлуки, како и финансиски трансакции поврзани со набавката на видеолотариски терминали, се дел од материјалните докази кои денеска обвинителството ги изведе пред судот на рочиштето за проневери во државна лотарија од 9,7 милиони евра. Според обвинителите изведените докази се однесуваат на надлежностите кои поединечно ги имал секој од обвинетите во предметот.. во наредниот дел од постапката како што пјаснија како сведок на обвинителството ќе се појави и актуелниот директор на државна лотарија Климовски

- Денеска беа изведувани докази во насока на нивната надлежност, односно докази со кои обвинителството ќе се обиде да докаже дека тие ги преќекориле тие овласутавања. Понатаму беа изведувани докази по однос на нивното својство на сторување на делото, на кратко кажано и докази коишто се однесуваат на тоа на кој начин се носени одлуките од страна на органите на управување на друштвото. изјави тонско обвинител Даниел Коцев .

– Во нашата листа на докази е директорот на државна лотарија, кој е предложен како сведок на обвинителството односно како сведок претставник, кој што ќе треба да се произнесе во однос на имотно правното побарување, кривичниот прогон и така натака,- изјави Александар Давчевски.

За одбраната пак, изведувањето на доказите на обвинителството покажало дека дека обвинението е конфузно, но и дека обвинетите не сториле кривично дело.

-Првично по изведените докази се засилува нашата теза дека обвинението е слабо, нејасно и контрадикторно. Од самите докази што ги видовме денеска произлегува дека обвинетите не само што не ги ставиле делата кои им се ставаат на товар туку напротив тие постапувале по инструкции на владата, со претходна согласност од владата и само го штителе државниот интерес,- изјави Јордан Апостолски, адвокат на обвинетиот Бојан Јанев .

Следното рочиште со изведување на материјалните докази на одбрана ќе се одржи на 30 септември. Првообвинет во предметот за проневери во државна лотарија се ексдирекророт Перпарим Бајрами, поранешниот прв вицепремиер Артан Груби, како и уште шестмина други

Фудбал

Мбапе во 2016 бил многу блиску до Ливерпул, но сепак не ја послушал својата мајка!!

Фудбалерот на Реал Мадрид и француски репрезентативец Килијан Мбапе откри дека бил многу блиску до премин во Ливерпул во 2016 година, но сепак одлучил да се послуша себеси, а не советите на својата мајка, која била воодушевена од клубот од „Енфилд“.

Во тоа време, Мбапе имал 18 години и настапувал за Монако, а Ливерпул се обидувал да го убеди да ја продолжи кариерата на „Енфилд“.

„Бев блиску до Ливерпул. Омилената дестинација на мајка ми беше Ливерпул. Таа сакаше да одам таму“, изјави Мбапе за „Атлетик“, а пренесе Би-би-си.

Сепак, Французинот одлучи да остане во татковината и да ја прифати понудата од Пари Сен Жермен.

„Не ја послушав бидејќи сакав да играм во мојот град, Париз. Не сакав да ја напуштам земјата пред да станам некој и нешто“, објасни Мбапе. Според него, мајка му била голем обожавател на тогашниот менаџер на Ливерпул, Јирген Клоп, и сакала да го види својот син во дресот на англискиот клуб. „Постојано ми велеше: 'Ливерпул – ќе бидеш таму, ќе играш на „Енфилд“, тоа ќе биде одлично за тебе'“, додаде Мбапе.

Мбапе исто така откри дека неговата мајка лично отишла во Ливерпул за да ги види клубот и стадионот за време на првата фаза од преговорите. „Таа отиде во градот, на стадионот, се запозна со луѓето. Рече: 'Тоа е прекрасен клуб, сите се многу пријателски настроени, тоа е семеен клуб, голем клуб'. Отиде на 'Енфилд' и се вљуби во него“, изјави Мбапе.

Неговата мајка дури и сама гледала неколку натпревари за да ја почувствува атмосферата и да замисли како нејзиниот син игра на тој познат стадион. Клоп претходно откри дека Ливерпул направил сè за да се реализира трансферот.

Меѓу другото, клубот обезбедил приватен авион за семејството Мбапе да патува од Блекпул до Ница. „Навистина направивме сè. Потоа летавме, разговаравме со семејството и јадевме добра храна“, рече Клоп.

Германскиот експерт додаде дека се обиделе да избегнат јавно внимание, но дека преговорите на крајот не вродиле со плод. Потоа, Мбапе премина во Париз Сен Жермен како позајмен играч од Монако, со опција за траен трансфер вреден 180 милиони евра.

Тој помина седум години во Париз и стана најдобар стрелец во историјата на клубот, пред да замине во Реал Мадрид во 2024 година. „На крајот, одлучив да одам во ПСЖ бидејќи за мене – како некој што е роден и израснат во Париз – немаше подобро чувство од тоа да покажам дека можам да бидам ѕвезда во мојот град“, заклучи Мбапе.

Тагови: Килијан Мбапе Ливерпул

Македонија

Јаневска: Инклузијата ја градиме сите, да научиме по нешто од знаковниот јазик

Во „Партенија Зографски“ државното средно училиште со ресурсен центар, наставниците покажуваат дека може да се најде соодветен начин и средства за комуникација со секое дете, согласно неговите можности.

Затоа што сите наши деца имаат право да учат, да знаат и да стекнуваат вештини кои ќе им користат во животот и работата. Децата со посебни образовни потреби имаат потенцијал да постигнат многу, доколку добијат поголема поддршка од семејството, училиштето и средината во која растат и се развиваат.

Ова го нагласи министерката за образование и наука Весна Јаневска на одбележувањето на Меѓународниот ден на знаковниот јазик, додавајќи дека тоа е добра можност за подигнување на свесноста за децата и лицата со оштетен слух.

„Знаковниот јазик им помага да се ‘слушнат’ меѓу себе и нив да ги ‘чујат’ другите. Тој им го олеснува образованието. Како министерство, работиме на отстранување на бариерите и соработуваме со училиштата со ресурсни центри во обезбедувањето дидактички материјали, асистивна технологија и поддршка во употребата на знаковниот јазик. Обезбедуваме континуирани обуки за наставниците за изучување на знаковниот јазик. Зашто, од тоа зависи квалитетот на образованието што ќе го добијат учениците“, посочи министерката Јаневска.

Македонија, како држава, е потписничка на Конвенцијата за правата на лицата со попреченост, што обврзува на почитување на принципите на инклузија и недискриминација, и вклучување на децата и младите со попреченост во образовниот систем, прилагодувајќи го кон индивидуалните потреби.

„Дозволете ми да забележам дека како општество треба уште да работиме на промена на ставовите кон лицата со попреченост. Подигнувањето на свеста за нивните права, едукативните активности и комуникација се начини на борба против стигмата и дискриминацијата, кои не се наша обврска само поради потпишаните документи, туку се наша човечка должност кон секого“, рече Јаневска, додавајќи дека секој од нас може да направи чекор за приближување кон лицата со оштетен слух така што ќе научи по нешто од знаковниот јазик. Така лицата со оштетен слух ќе се чувствуваат попријатно во секоја средина каде што се движат и работат.

Подобрување на инклузивноста и пристапноста не е само работа на институциите, туку и индивидуална одлука.