Култура

Раде Шербеџија го отвора „БитФест 2013“

Актерот Раде Шербеџија и Западни колодвор бенд, вечер во античкиот локалитет Хераклеа ќе го отворат најновото издание на културната манифестација „БитФест“ кое годинава нуди рекорден број на културни содржини.

Од секторот за односи со јавност на општина Битола за МИА информирале дека до 24 август кога „БитФест“ завршува, на повеќе локации во градот ќе се одржат 242 културни настани и манифестации.

Во програмата на „БитФест 2013“ ќе бидат реазлизирани 22 концерти на класична музика, 11 настани со етнолошка содржина, 17 театарски претстави, 15 настани посветени на филмот, фестивали, речиси секој втор ден по еден рок или поп концерт, модни ревии, литературни оставрувања, изложби, какои специјални програми за деца.

Општина Битола годинашното културно лето го организира во соработка со националните установи во овој град, односно Завод и Музеј, Центар за култура, Народен Театар, Универзитетска библиотека „Св.Климент Охридски“, со поддршка на поединци и групи од областа на културата и здруженија на граѓани, како и во соработка со други институции од државата и странство бидејќи во Битола се очекуваат и гости од европските и прекуокенските држави.

Свет

Анкета: Поддршката за членството на Полска во ЕУ - најмала во последнава декада

Поддршката за членството на Полска во Европската Унија падна на најниско ниво во повеќе од една деценија, според анкетата објавена денеска.

Според најновата анкета на институтот ЦБОС, и покрај победата на про-ЕУ коалицијата, поддршката за членството на земјата во Унијата падна на 77 отсто, што е најниско ниво од 2013 година.

Поддршката лани беше 85 отсто, а најголема беше во 2022 година, кога изнесуваше 92 проценти.

Про-ЕУ коалицијата дојде на власт во Полска на изборите во октомври по осум години владеење на партијата Право и правда (ПиС), ветувајќи дека ќе ги поништи законите воведени од десницата.

ПиС често беше во судир со западните сојузници на Полска и институциите на ЕУ во Брисел поради нивната загриженост за владеењето на правото во оваа земја. /МИА

Свет

Претставник на ОН тврди дека ќе бидат потребни 14 години да се отстранат урнатините во Газа

Претставникот на Обединетите нации, Пјер Лодамар денеска изјави дека ќе бидат потребни 14 години да се расчисти огромното количество урнатини, вклучително и неексплодирани експлозивни направи, што ги остави Израел за време на војната во Појасот Газа.

Лодамар, висок офицер во Службата за мини на ОН (УНМАС), на брифинг во Женева рече дека војната оставила околу 37 милиони тони отпад во широко урбанизирана, густо населена област.

Тој истакна дека иако не е можно да се одреди точниот број на неексплодирани убојни средства се смета дека под одредени услови, би можеле да бидат потребни 14 години да се расчистат остатоците, вклучувајќи ги и урнатините од уништените згради.

„Знаеме дека вообичаено има стапка од 10 проценти за неуспех, односно неактивирање на муницијата. Станува збор за 14 години работа со 100 камиони“, рече Лодамар. /МИА

Свет

Руски новинар на „Форбс“ е приведен поради наводно ширење лажни информации за армијата

Новинарот на магазинот „Форбс Русија“, Сергеј Мингазов е приведен под сомнение дека ширел лажни информации за руската армија, објави денеска магазинот.

„Форбс Русија“ додава дека досега не успеале да стапат во контакт со Мингазов. Неговиот адвокат Константин Бубон на Фејсбук објави дека новинарот е во притвор во источниот руски град Хабаровск, каде што живее.

Адвокатот рече дека Мингазов бил приведен поради преобјавување публикации за наводни руски воени злосторства во украинскиот град Буча, каде што убиствата на украинските цивили во првите недели од војната беа пријавени од Ројтерс и други новински организации.

Профилот на Мингазов на платформата Телеграм содржи бројни објави за Буча, а засега не е јасно за која од нив новинарот е приведен. /МИА

притисни ентер