Работнички изедначи на 1-1 во финалето на плеј офот - Канал 5

Кошарка

Работнички изедначи на 1-1 во финалето на плеј офот

Екипата на Работнички со вечерашната победа од 89:83 (19:22; 12:23; 34:20 и 24:18) изедначи на 1-1 во добиени натпревари во финалето на кошаркарскиот плеј оф. Со овој триумф тие ја прекинаа серијата без пораз (26 дуели) на шампионот МЗТ Скопје Аеродром, во натпревари од домашниот шампионат, која траеше повеќе од 400 денови (последен пораз 24.април 2013 година од Кожув).

Работнички изедначи на 1-1 во финалето на плеј офот
Првото полувреме со сигурна игра им припадна на кошаркарите на МЗТ Скопје Аеродром, кои во финишот стигнаа и до највисоките +14 на полувремето (45:31). За пет минути во вториот дел Работнички со серија од 19:4 го презеде водството во 26.минута (50:49). Десет од тие 19 поени ги постигна Дарко Соколов. До крајот на третиот период екипите се менуваа во водство, за по 30 минути да биде 65:65.

Во последниот период Работнички ја продолжи серијата поени и во неколку наврати имаше 9 поени предност (највисока) за конечен триумф од 89:83 и по повеќе од 2,5 години да постигне победа над „лутиот“ ривал.

Најефикасни на дуелот беа репрезентативците Дарко Соколов (Работнички) и Дамјан Стојановски (МЗТ Скопје Аеродром) со по 21 поен.
Следниот натпревар од финалето на плеј офот се игра во недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во владата потпишани се договорите за финансирање на изградбата на железничката делница Крива Паланка – Деве Баир

Премиерот Христијан Мицкоски и вицепремиерот и министер за транспорт Александар Николоски потпишаа договори за финансирање на изградбата на третата фаза, од железничката делница Крива Паланка – Деве Баир.

Во владата потпишани се договорите за финансирање на изградбата на железничката делница Крива Паланка – Деве Баир

Премиерот Христијан Мицкоски и вицепремиерот и министер за транспорт Александар Николоски потпишаа договори за финансирање на изградбата на третата фаза, од железничката делница Крива Паланка – Деве Баир од коридорот 8 во свечената сала на владата.

Премиерот Мицкоски рече дека коридорот 8 ќе биде додадена вредност на македонската економија.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Инфо-штандови и здравствени проверки за поддршка на граѓаните во услови на топлотен бран

Општина Центар, во соработка со Црвен крст и здружението ХЕРА, спроведува теренски активности за грижа и поддршка на граѓаните во услови на екстремно високи температури во градот.

Герасимовски: Инфо-штандови и здравствени проверки за поддршка на граѓаните во услови на топлотен бран

„Општина Центар е на терен со конкретни мерки делиме вода, поставуваме инфо-штандови и овозможуваме бесплатни здравствени проверки. Ги повикуваме сите граѓани да ги почитуваат препораките и да бидат одговорни кон себе и кон своите најблиски“, изјави градоначалникот Горан Герасимовски.

Во текот на денешниот и утрешниот ден, инфо-штандови ќе бидат поставени кај Зелен пазар и на пазарот „Буњаковец“.

Во соработка со ХЕРА, денеска од 8:30 до 11:00 часот кај Зелен пазар се врши бесплатно мерење на крвен притисок.

Инфо-штанд ќе биде поставен и во петок пред маркетот „Тинекс“ на пазарот „Буњаковец“, во истиот термин, каде граѓаните ќе можат да добијат здравствени проверки и совети за заштита од високите температури.

Општина Центар будно ги следи препораките на здравствените институции и ќе продолжи да делува во согласност со нив, со цел заштита и поддршка на граѓаните за време на топлотниот бран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Вознемирувачко видео: Познат инфлуенсер од Мексико убиен за време на пренос во живо

Снимал со пријателите, а потоа следи БРУТАЛЕН напад!

Вознемирувачко видео: Познат инфлуенсер од Мексико убиен за време на пренос во живо

Мексиканскиот инфлуенсер Цезар Гастелум беше застрелан и убиен за време на пренос во живо на социјалните мрежи.

Гастелум во вторникот вечерта снимал видео со двајца пријатели пред ресторан за брза храна во населбата „Трес Риос“ во градот Кулиакан, во северно Мексико, кога му пришле двајца мажи на мотор. Едниот од нив неочекувано во еден миг вади пиштол и пука од непосредна близина во инфлуенсерот и го убива.

Гастелум имал повеќе од половина милион следбеници на „Тик-ток“, каде што главно објавувал хумористични видеа. Ова не е првпат инфлуенсер од социјалните мрежи да биде убиен во Мексико.

Минатата година, 23-годишната Валерија Маркесубиен се наоѓала во козметички салон додека емитувала содржина во живо на „Тик-ток“.

Досега никој не е уапсен, а двајцата напаѓачи на мотор побегнале од местото на настанот. Засега не е познато дали Гастелум претходно добивал закани. На својот профил на Инстаграм, тој често објавуваше фотографии од патувања и ноќни излегувања, како и слики на кои позира пред луксузни автомобили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер