Пушка за Counter-Strike е продадена за над милион долари- не се знае купувачот (ВИДЕО) - Канал 5

Технологија

Пушка за Counter-Strike е продадена за над милион долари- не се знае купувачот (ВИДЕО)

Играта Counter-Strike е бесплатна, но играчите можат да ги трошат своите пари за скинови, т.е. варијанти на бои и дезени, како и за оружје во играта што достигнува високи бројки.

Пушка за Counter-Strike е продадена за над милион долари- не се знае купувачот (ВИДЕО)

Но, иако тие редовно достигнуваат стотици, па дури и илјадници долари, еден скин неодамна го разбранува светот на игри кога беше продаден за повеќе од еден милион американски долари.

Креаторот на содржината Џејк Лаки објави скриншот од скинот на својот X (Твитер) и напиша: „Ова не е најскап скин во CS, но е најскап што е јавно продаден“. Исто така, не се знае точно колку е платен скинот, само што чинела над милион долари. Ова е StatTrak Factory New AK-47 Blue Gem 661 пушка.

„Само кловновите веруваат дека овие „продажби“ се легални“, „Ова мора да е перење пари“, „Не би го користел ова дури и да го добијам бесплатно“, „Нема шанси скинот да вреди толку“, „Проклетство , штедев џепарлак за ова“, „Дали е ова НФТ?“, „Ова не е нормално“, „Какво губење пари“, „Милион за пиксели“, „Нема да ме убедите дека ова не е перење пари“, се само дел од коментарите на објавата.

Продавачот на скинот е Сем (@roflmonster), кој на својот X (Твитер) изјави дека не може да каже кој е купувачот или точната сума за која е продаден скинот, но рече дека „понудите од милион долари неколку пати беа одбиени“.

Толку висока сума за продажба била возможна затоа што скинот е уникатен, односно има само една во Counter-Strike, а играчите првпат дознаа за тоа претходно оваа година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 32 загинати во катастрофалните земјотреси во Венецуела (ВИДЕО)

Најмалку 32 лица загинаа, а повеќе од 700 беа повредени во два земјотреса, со магнитуда од 7,2 и 7,5 степени, кои ја погодија Венецуела утрово по средноевропско време.

Најмалку 32 загинати во катастрофалните земјотреси во Венецуела (ВИДЕО)

Се очекува бројот на жртви значително да се зголеми, а многумина се водат како исчезнати.

Земјотресите го погодија северниот дел на Венецуела, западно од Каракас.

Вршната претседателка Делси Родригез прогласи вонредна состојба откако два земјотреси и последователни потреси ја погодија земјата, соборувајќи згради во главниот град Каракас и на други места, и им изрази сочувство на семејствата на загинатите во обраќање на државната телевизија.

„Десетици згради се урнаа и во моментов спроведуваме многу интензивни спасувачки напори за да спасиме што е можно повеќе животи. Исто така, сакам да кажам дека ова е вистинска трагедија. Оттука испраќаме порака за солидарност и повторно изразуваме сочувство и поддршка на семејствата кои ги загубија своите најблиски во овие тешки часови“, рече Родригез.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ПССЕ: Фокус на демократијата, вештачката интелигенција и медиумските стереотипи

Пратениците Иванка Василевска, Беким Ќоку и Бисера Костадиновска Стојчевска остварија повеќе билатерални средби во текот на сесијата.

ПССЕ: Фокус на демократијата, вештачката интелигенција и медиумските стереотипи

Во текот на сесијата на Парламентарното собрание на Советот на Европа, која се одржува во Стразбур и на која учествуваат Иванка Василевска, во својство на заменик-шеф и членовите Беким Ќоку и Бисера Костадиновска Стојчевска, една од темите која предизвика големо внимание беше заштитата на демократијата од нарушувањата предизвикани од вештачката интелигенција.

Во своето обраќање на оваа дебата, Иванка Василевска истакна дека вештачката интелигенција има потенцијал да ја зајакне демократијата преку подобрување на процесот на донесување одлуки и зголемувањето на учеството на граѓаните, но, таа исто така носи ризици како што се дезинформациите, лагите и мешањето во изборните процеси. Со цел да се обезбеди вештачката интелигенција да биде од корист за општеството, таа мора да се развива и користи одговорно, транспарентно, праведно и со почитување на човековите права. Василевска нагласи дека Рамковната конвенција на Советот на Европа за вештачка интелигенција е првиот правно-обврзувачки договор кој ја регулира оваа област и информираше дека државата стана потписник на оваа значајна конвенција на 8 мај 2026 година, со што ја демонстрира својата посветеност кон етичкиот развој на вештачката интелигенција.

Пратеничката Бисера Костадиновска Стојчевска, во име на партиската група на социјалистите, демократите и зелените, се вклучи во расправата за елиминирањето на родовите стереотипи во медиумите, нагласувајќи дека често во медиумите се даваат поедноставени и погрешни прикази на жените и мажите што ги зајакнуваат традиционалните родови улоги и придонесуваат за нееднаквост. Таа истакна дека жените често се прикажани како лица кои се грижат за другите, додека мажите се прикажани како силни, успешни лидери. Според Костадиновска Стојчевска, овие стереотипи ги обликуваат јавните ставови и можат негативно да влијаат врз самодовербата на децата, изборот на кариера и разбирањето на родовите улоги. Таа заклучи дека елиминирањето на родовите стереотипи во медиумите е од суштинско значење за промовирање на еднаквоста и создавање поинклузивни општества.

Пратениците Иванка Василевска, Беким Ќоку и Бисера Костадиновска Стојчевска остварија повеќе билатерални средби во текот на сесијата, активно учествуваа во работата на комисиите и на поткомисијата за Западен Балкан, како и во специјализираните иницијативи на Парламентарното собрание, како парламентарната алијанса за слободни и фер избори, комитетот за новиот демократски пакт и други.

Тагови: ПССЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Нов кинески електричен автомобил ќе се натпреварува со популарните европски брендови

„Geely EX2“ би можел да биде еден од најпристапните електрични автомобили во Европа. Во Кина чини само 9.000 евра, но не очекувајте да биде толку достапен на европскиот пазар.

Нов кинески електричен автомобил ќе се натпреварува со популарните европски брендови

Кинескиот производител на автомобили „Geely“ се подготвува да лансира нов електричен модел „EX2“ на европскиот пазар.

Станува збор за компактен градски кросовер кој треба да се натпреварува со модели како „Renault 5 E-Tech“ и „Volkswagen ID. Polo“.

„Geely EX2“ користи електричен мотор сместен на задната оска, кој развива 114 КС и 150 Nm вртежен момент.

Енергијата ја обезбедува „LFP“ батерија со капацитет од 39,4 kWh, а проценетиот досег според „WLTP“ стандардот е до 325 километри.

Моделот поддржува брзо полнење со моќност до 70 kW, што не е меѓу најдобрите резултати во својата класа, но е доволно за секојдневна употреба.

Со должина од 4,13 метри и волумен на багажникот од 375 литри, „EX2“ ќе биде најмалиот модел во европската понуда на брендот „Geely“.

Внатрешноста има два дигитални екрани интегрирани во контролната табла, во согласност со современите трендови.

Продажбата во Велика Британија треба да започне кон крајот на годината, по што моделот ќе стигне и на другите европски пазари.

Во Кина, почетната цена е околу 9.000 евра, но во Европа се очекува да чини приближно 18.000 евра поради трошоците за транспорт, царината и прилагодувањето кон локалните прописи.

Доколку овие проценки се покажат како точни, „Geely EX2“ би можел да стане еден од најпристапните електрични автомобили во Европа и сериозен конкурент на веќе воспоставените европски модели.

Извор: Б92

Тагови: електричен автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер