Фудбал

ПСЖ одговори на наводите на L'Еquipe за милионите на Меси: Тоа е апсолутна лага

L'Еquipe објави детали за договорот на Меси со ПСЖ на насловната страница на денешното печатено издание.

Најголемиот француски спортски дневник ја носи приказната на првите две страници со досега необјавени детали поврзани со сензационалното пристигнување на Меси во Париз ова лето.

L'Equipe пишува дека Меси има годишна плата од 30 милиони евра, но нето. Данокот на доход за фудбалерите, кои припаѓаат на највисоката класа на приход, изнесува 45 проценти плус уште четири проценти од дополнителниот данок за екстремно високи плати. Ова значи дека Меси ќе го чини ПСЖ нешто помалку од 60 милиони евра годишно кога станува збор за платата, а има и бонус за „лојалност“ што на Меси ќе му донесат дополнителни десет милиони евра нето во 2023 и 2024 година. Во превод, доколку го продолжи договорот и остане во Париз до крајот, Аргентинецот ќе заработи 110 милиони евра.

Оваа вест брзо го обиколи светот, а сега стигнаа реакциите од ПСЖ. Спортскиот директор Леонардо даде изјава за Марка во која жестоко го нападна Л’Екип. Лутиот Леонардо прво ги нарече обвинувањата на француските медиуми неприфатливи и целосно лажни, а потоа објасни што точно го мачи.

"Се` е лага. Тие покажаа недостаток на почит кон нашиот клуб, не ми се допаѓа. Се` е многу далеку од вистината, се`. Времетраењето на договорот и бројките се целосно неточни", изјави Леонардо, додавајќи:

"Информациите за кои ме прашувате се тајни, но можам да потврдам дека Меси нема тригодишен договор, како што пишува Л'Екип. Не можам да зборувам за ништо друго".

Свет

Медиуми: Израел е подготвен да прифати ослободување на помалку од 40 заложници

Израел е подготвен да прифати ослободување на помалку од 40 заложници, пишуваат израелските медиуми.

Израелскиот Воен кабинет сега е подготвен да прифати ослободување на само 20 заложници во првата фаза од договорот под услов да бидат ослободени жени, мажи над 50 години и тешко болни, а кабинетот вчера го овласти израелскиот преговарачки тим да разговара за пофлексибилен пристап со египетската делегација, која денеска во Тел Авив ќе има дополнителни разговори, објави израелската интернет страница Инет.

Израел е подготвен да го ублажи своето барање Хамас да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите во Катар- Египет и САД, пишува Тајмс оф Израел повикувајќи се на израелски портали.

Претходниот предлог вклучуваше ослободување на 40 заложници во наведените категории, но Хамас соопшти дека нема толку многу жени, мажи над 50 години и тешко болни кои се уште се живи.

Посредниците од Катар, Египет и САД им дадоа на страните во конфликтот, Израел и Хамас, нов предлог за прекин на огнот во Појасот Газа, што треба да се спроведе во три фази. Првата фаза вклучува ослободување на 40 израелски заложници кои ги држи Хамас во Појасот Газа во замена за ослободување на 900 Палестинци од израелските затвори, меѓу кои и 100 со казна доживотен затвор. Второ, враќање на раселените Палестинци во северниот дел на Појасот Газа и трето, дневен влез во енклавата на 500 камиони со хуманитарна помош.

Македонија

АСО: Поскапувањето на осигурувањето за регистрација на возилата е неоправдано

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.

По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано.

Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност, стои во соопштението од Агенцијата за супервизија на осигурување .

НБА

Бранителот на тронот Денвер по трет пат подобар од ЛА Лејкерс

Кошаркарите на шампионот Денвер поведоа со 3:0 во првото коло од плејофот на Западната конференција во НБА лигата, откако утринава на гостински терен го совладаа Лос Анџелес Лејкерс со 112:105.

Српскиот репрезентативец Никола Јокиќ повторно беше најзаслуниот за триумфот на популарните Грутки над тимот на Леброн.

Јокиќ за 39 минути на паркетот постигна 24 поени, имаше 15 скока и девет асистенции, што значи дека беше на прагот на уште еден „трипл-дабл“ учинок во плеј-офот. На овој начин Нагетси ја остварија единасеттата победа во низа против тимот од Лос Анџелес, а легендарниот Леброн Џејмс за првпат во кариерата загуби десет последователни натпревари против еден тим. Денвер сега е на чекор до конференциско полуфинале, затоа што води со 3-0 во серијата со „езерџиите“. Покрај Јокиќ, во „Крипто центарот“ расположен беше и Арон Гордон кој постигна 29 поени, додека кај Лејкерси, Ентони Дејвис имаше учинок од 33 поени и 15 скока, а Леброн Џејмс даде четири поени помалку.