Психотерапевт објаснува како да ги „спуштите“ своите деца на земја - Канал 5

Живот

Психотерапевт објаснува како да ги „спуштите“ своите деца на земја

„Постојано им е здодевно, сè ги мрзи, а некои играчки сè уште не им се распакувани“ 

Психотерапевт објаснува како да ги „спуштите“ своите деца на земја

– психотерапевт објаснува како да ги „спуштите“ своите деца на земја

Зошто денешните деца не можат да учат, немаат трпение, тешко поднесуваат да им е здодевно, објаснува психотерапевтот Викторија Продаи која тврди дека мозокот мора да се тренира.

Психотерапевтот Викторија Продаи, која има долгогодишно искуство во работа со деца, верува дека денешните генерации се полоши на многу начини. Падот на социјалното, емоционалното и академското функционирање кај денешните деца е исклучително забележлив, додека во исто време е забележан сè поголем број деца со пречки во учењето и развојот.

„Како што знаеме, нашите мозоци се флексибилни. Благодарение на околината, можеме да ги направиме „посилни“ или „послаби“. Навистина верувам дека и покрај нашите најдобри намери, за жал, ги развиваме мозоците на нашите деца во погрешна насока“, тврди Викторија Продаи.

⠀Според неа, никогаш не треба да го правиме ова:

1. Децата добиваат што сакаат, кога го сакаат.

- „Гладен сум!“ - „Купуваме нешто за јадење за секунда.“

-„Жеден сум.“ - „Еве апарат за вода.“

„Досадно ми е!" - „Земи го мојот телефон.“

⠀Способноста да се одложи задоволувањето на потребите е еден од клучните фактори за иден успех. Сакаме да ги направиме нашите деца среќни, но за жал, ги правиме среќни само во моментот, а несреќни на подолг рок.

Способноста за одложување на задоволството значи способност да функционираме под стрес.

Нашите деца стануваат сè помалку подготвени да се справат дури и со помали стресни ситуации, што на крајот, тоа станува голема пречка за нивниот успех во животот.

Често ја гледаме неспособноста на децата да го одложат своето задоволство додека се во училница, трговски центри, ресторани и продавници за играчки, па гледаме негодување кај детето кога ќе чуе „Не“, бидејќи нивните родители го истренирале нивниот мозок веднаш да го добие она што го сака.⠀

2. Ограничена социјална интеракција

Имаме многу работа, па им го даваме телефонот за и тие да бидат зафатени. Децата порано си играа надвор, каде ги развиваа своите социјални вештини во екстремни услови. За жал, телефоните, телевизорите и компјутерите ги заменија прошетките на отворено за децата. Покрај тоа, технологијата ги направи родителите помалку достапни за интеракција со своите деца.

Телефонот нема да го научи детето да комуницира. Мозокот учи и тренира. Ако сакате вашето дете да вози велосипед, научете го да вози. Ако сакате вашето дете да може да чека, мора да го научите на трпение. Ако сакате вашето дете да може да комуницира, треба да го социјализирате. Истото важи и за останатите вештини.

3. Бескрајна забава

Создадовме вештачки свет за нашите деца. Во него нема досада. Штом детето ќе се смири, повторно трчаме да го забавуваме, бидејќи во спротивно чувствуваме дека не ја исполнуваме нашата родителска должност.

Живееме во два различни света: тие се во нивниот „забавниот свет“, а ние сме во другиот, „светот на работата“.

Зошто нашите деца не ни помагаат во кујна или во селектирање на алиштата за перење? Зошто не ги раскренат играчките, не ги наредат книгите, не се подготват за училиште?

Тоа е едноставна, монотона работа која го тренира мозокот да функционира извршувајќи здодевни задачи, истиот орган кој е потребен за учење во училиште.

Кога децата тргнуваат на училиште и доаѓа време да пишуваат, тие велат: „Не можам, премногу е тешко, премногу е здодевно. Зошто? Затоа што работниот орган не се тренира со бескрајна забава.“ Тој се тренира само додека работи.

4. Децата владеат со светот

„Мојот син не сака зеленчук.“ „Тој не сака да си легнува рано. „Не сака појадок.“ „Не сака да го практикува тој спорт затоа што тренерот многу му вика.“

Тоа е она што го слушаме од родителите цело време. Од кога децата ни диктираат како да ги воспитуваме? Ако им го препуштите тоа ним, ќе јадат само паста, ќе гледаат телевизија, ќе играат игри на телефоните и никогаш да не спијат.

Детето нема поим „што треба да прави“. За жал, за да ги постигнеме нашите цели во животот, честопати мора да го правиме она што е неопходно, но не она што сакаме.

Ако детето сака да стане студент, треба да учи. Ако сака да биде фудбалер, треба да тренира секој ден.

Нашите деца знаат што сакаат, но тешко им е да го направат потребното за да ја постигнат целта. Ова води кон недостижни цели и ги остава децата фрустрирани.

Тренирајте го нивниот мозок!

Можете да го тренирате мозокот на вашето дете и да го промените неговиот живот за да биде успешно во општеството, во емоционална, социјална и академска смисла.

Еве како:

1. Не плашете се да поставите граници

На децата им се потребни граници за да растат среќни и здрави.

Направете распоред за оброци, спиење, време за телефон и игри.

Размислете што е добро за децата, а не што сакаат или не сакаат. Ќе ви бидат благодарни за тоа подоцна.

Воспитувањето е тешка работа. Мора да бидете креативни за да ги натерате да го прават она што е добро за нив, иако најчесто тоа ќе биде спротивното од она што го сакаат.

На децата им е потребен појадок и хранлива храна. Тие треба да излезат надвор и да си легнат на време за да можат да дојдат на училиште следниот ден подготвени за учење.

Претворете го она што не сакаат да го прават во забавна, емоционално стимулативна игра.

2. Ограничете го пристапот до уредите и вратете ја емоционалната блискост со децата

- Подарете им цвеќе, насмевнете им се, скокоткајте ги, ставете им порака во ранецот или под перницата, изненадете ги така што ќе ги однесете на ручек од училиште, танцувајте заедно, ползете, борете се со перници.

- Организирајте семејни вечери, играјте социјални игри, возете велосипед заедно и прошетајте навечер со батериска ламба.

3. Научете ги да чекаат!

- Нормално е да ти е здодевно, тоа е првиот чекор кон креативноста.

- Постепено зголемувајте го времето на чекање помеѓу „сакам“ и „добивам“.

- Обидете се да не користите телефон во автомобилот и рестораните, и научете ги децата да чекаат додека разговараат или си играат.

- Ограничете го постојаното грицкање.

4. Уште од мали нозе, научете го детето да работи монотоно, бидејќи тоа е основа за работната способност во иднина.

Нека ја здипли облеката, нека ги среди играчките, нека си ја закачи облеката, нека ги распакува намирниците, нека си намести го креветот...

Бидете креативни. Направете ги овие домашни обврски забавни, така што нивниот мозок ќе ги поврзува со нешто позитивно.

5. Научете ги на социјални вештини

Научете ги да делат, да можат да губат и да победуваат, да ги фалат другите, да кажат „благодарам“ и „ве молам“.

Врз основа на моето искуство како терапевт, можам да кажам дека децата се менуваат во моментот кога родителите го менуваат својот пристап кон воспитувањето. Помогнете им на вашите деца да успеат во животот преку едукација и тренирање на нивниот мозок пред да биде предоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Петмина се уапсени поради кражба на четири ремек дела од музејот на Реноар

Француската полиција уапси најмалку пет лица поврзани со кражбата на четири уметнички дела од музејот Реноар на 8 септември.

Петмина се уапсени поради кражба на четири ремек дела од музејот на Реноар

Се верува дека меѓу уапсените се двајца директни сторители. Според весникот „Нис-Матен“, кој прв извести за апсењата, осомничените би можеле да бидат дел од организирана криминална група, пишува „Еуроњуз“.

Кражбата се случила во зори на 8 септември. Градоначалникот Брајан Масон изјавил за локалната станица „Иси Азур“ дека сторителите биле добро опремени и добро информирани. Тие влегле во музејот низ градината, каде што ја исекле оградата, а потоа го скршиле прозорецот на приземјето од зградата. Тие користеле електрична пила за да ги исечат држачите што ги прицврстувале рамките за слики. Масон додаде дека дуото било „забележано благодарение на градските камери за надзор“.

Плен вреден девет милиони евра

Вкупната вредност на украдената уметност се проценува на девет милиони евра. Две слики се пронајдени во градината на музејот. Според изјавата доставена до агенцијата АП, крадците ги отфрлиле за време на нивното бегство од полицијата, која била активирана од алармот. Потрагата по преостанатите две слики сè уште е во тек. Станува збор за делата „Портрет на г-ѓа Колона Романо“ од 1910 година и „Млада жена на бунарот“ од 1886 година.

Музејот на Реноар се наоѓа во медитерански град помеѓу Кан и Ница и е негова најпозната знаменитост. Музејот е отворен во 1960 година во куќата што била последниот дом на сликарот. Реноар живеел таму до својата смрт во 1919 година, кога починал од пневмонија на 78-годишна возраст.

Тагови: музејот Реноар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски во посета на Археолошкиот музеј: Македонија располага со исклучително богато археолошко и културно наследство

Минисерот за внатрешни работи беше во посета на Археолошкиот музеј во Скопје.

Тошковски во посета на Археолошкиот музеј: Македонија располага со исклучително богато археолошко и културно наследство

„Неодамнешните кражби на вредни историски и археолошки предмети од музеи во повеќе европски земји нè потсетуваат колку е значајна заштитата на културното наследство и колку е важно навременото преземање превентивни мерки.

Токму на оваа тема денеска разговаравме при мојата посета на Археолошкиот музеј во Скопје, каде што ги разгледавме можностите за унапредување на институционалната соработка и зајакнување на безбедноста на културните добра.

Македонија располага со исклучително богато археолошко и културно наследство, кое сведочи за долгата и разновидна историја на овие простори. Секој археолошки предмет, секој историски артефакт е дел од нашата колективна меморија и културен идентитет, богатство кое имаме обврска да го зачуваме за идните генерации.

Заштитата на ова непроценливо богатство не е само прашање на културата, туку и важно безбедносно прашање. Спречувањето на кражбите, нелегалната трговија со културни добра и другите облици на загрозување на културното наследство бараат постојана будност, превенција и координирано дејствување на надлежните институции.“- објави Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По нападите, повторно проработеа погоните на „Шел“ во Катар

Британско-холандскиот енергетски гигант „Шел“ објави дека делумно ги обновил операциите во катарскиот објект „Перл-ГТЛ“ за преработка на природен гас во течни горива, вклучувајќи дизел со ниска содржина на сулфур, како и керозин. 

По нападите, повторно проработеа погоните на „Шел“ во Катар

„Шел“ изјави дека овој потег ќе им овозможи да создадат ограничени залихи на производи, додека можноста за нивна испорака сè уште зависи од безбедносната состојба во регионот.

Енергетската компанија „КатарЕнерџи“, според трговците, започнала да нуди пратки на физичкиот пазар, вклучувајќи нафта од објектот „Перл-ГТЛ“, и продолжила со одредени договорени испораки. Така, производите од таа фабрика почнуваат да се враќаат на пазарот каде што понудата е ограничена.

Петтина од светските пратки минувале низ Ормускиот теснец

До почетокот на американско-израелската војна против Иран, околу 20 проценти од светските пратки на нафта и течен природен гас минувале низ Ормускиот теснец, потсетува „Ројтерс“. За време на војната, Техеран ја презеде контролата врз Хормуз и дозволи премин само на бродовите на група пријателски земји.

Во март, катарскиот гасен гигант QatarEnergy ги информираше клиентите дека поради оштетените објекти, нема да може да ги снабдува со течен гас според договорените услови. Потоа Иран ги нападна нафтените и гасните објекти во земјите од Персискиот Залив, вклучувајќи го и Катар, откако Израел го нападна гасното поле Јужен Парс во Иран.

Иранските напади уништија 17 проценти од капацитетот за извоз на течен природен гас во Катар, а нивното обновување може да трае од три до пет години, изјави тогаш шефот на QatarEnergy, Саад ал-Каби.

Неименувани извори запознаени со плановите изјавија за Ројтерс дека првата фабрика за течен природен гас во проектот за проширување на Северното поле Исток на QatarEnergy ќе биде подготвена да започне со работа во ноември. Ова треба да му овозможи на Катар да врати дел од изгубеното производство.

Поправките треба да бидат завршени до почетокот на следната година

Објектот Pearl, кој е во целосна сопственост на Shell, се снабдува со природен гас од Северното гасно поле во Катар и исто така беше оштетен во март. Ракетите оштетија еден од двата погони за преработка во Pearl GTL, кој со полн капацитет може да произведува 140.000 барели еквивалент на нафта дневно. Производството на Pearl е исто така дел од синџирот на снабдување со рафинерии на Shell, вклучувајќи го и бизнисот со мазива.

Поправките на оштетената фабрика за преработка на гас треба да бидат завршени во првиот квартал од следната година, изјави портпаролот на Shell. Во март, тие проценија дека ќе биде потребна една година за целосно поправање на Pearl. Shell забележува дека безбедното и сигурно работење на Pearl зависи од регионалната безбедност, вклучително и безбедното поминување на пратките низ Ормускиот теснец.

QatarEnergy објави тендер за продажба на нафта

Неколку трговци активни на пазарот изјавија дека QatarEnergy објавил тендер за продажба до 50.000 метрички тони од четири различни видови нафта на физичкиот пазар, вклучувајќи ја и онаа од Pearl GTL.

Продажбата се нуди со клаузула за транспорт FOB, односно бесплатно, од катарското пристаниште Рас Лафан, кое се наоѓа во рамките на Ормускиот теснец. Според таа клаузула, продавачот ја исполнува својата обврска кога ја испорачува стоката преку оградата на бродот во наведеното пристаниште за товарење.

Последниот тендер за продажба на нафта од страна на државната компанија, во кој учествуваше и Pearl GTL, беше склучен со попуст од 150 долари во споредба со пазарните цени на Блискиот Исток, исто така со клаузула FOB.

Катарската компанија продолжи да испорачува договорени количини нафта на индивидуални клиенти. Индиската „Халдија петрохемикалс“ ги доби своите 50.000 метрички тони закажани за овој квартал, изјави во понеделник претставник на компанијата.

Тагови: Катар Шел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер