Психологот кој од стрес го загуби своето бебе се огласи по повод изјавата на директорот на Општа Болница Струга - Канал 5

Македонија

Психологот кој од стрес го загуби своето бебе се огласи по повод изјавата на директорот на Општа Болница Струга

Маја Талеска Василеска, магистерка психолог останала без работа додека била бремена, од стрес го загубила бебето.

Психологот кој од стрес го загуби своето бебе се огласи по повод изјавата на директорот на Општа Болница Струга

Во продолжение интегралниот текст од нејзината реакција.

„Чувствувам потреба да се произнесам по повод Вашата објава и изјавата на директорот на Општа Болница Струга.

​Како што е увтрдено во Мислењето на КСЗД бр.08-413/6 од страна на ЈЗУ Општа Болница Струга и Директорот е направена директна интерсекциска дискриминација врз основа на пол, род и бременост во областа на работата и работните односи врз мене како работничка во истата установа.

Периодот за кој ја поднесов преставката е од декември 2024 година до март 2025 година кога во Болницата работните односи на голем број од вработените како и мене беше регулиран со Договори за дело, а во тој период немаше изгледи ниту пак најава за Оглас за вработување. Договор за дело во јануари 2025 година наместо мене, и беше понуден на помлада колешка психолог, која стапи на работа на моето место, прво со договор на дело, а потоа веројатно е и вработена со Договор за работа на неопределено време.

Точно е дека бев второранграна на огласот кој беше објавен во месец јули 2025 година и не ми е јасно зошто директорот ја поврзува таа ситуација со онаа која е опишана во Мислењето на Комисијата. Изјавувам дека ова нема поврзаност ниту со лични претходно нарушени односи со директорот или пак нечиви партиски претензии. Сметам дека едноставно погрешно се постапи во мојот случај заради необрнато внимание на мојата состојба, а и трудот кој го имам вложено во таа установа изминатите години“, вели Маја Талеска Василеска.

Тагови: бебе Струга

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер