Здравје

Психијатар открива што прави еден психопат во врска без вие да го забележите тоа

Мислите дека можете да ги препознаете манипулативните личности на прв поглед?

Новите истражувања покажуваат дека дури наизглед безопасните физички гестови, како допир или прегратка, може понекогаш да откријат скриена манипулација.

Научници од универзитетот Бингемтон во Њујорк ја проучувале поврзаноста на физичкиот контакт со особините на личноста познати како „мрачна тријада“ – нарцизам, психопатија и макијавелизам.

Се покажало дека лицата со изразени особини од оваа тријада често користат допир во романтичните врски за да остварат контрола, особено во напнати и конфликтни ситуации.

Додека повеќето луѓе тоа го доживуваат како знак на љубов и блискост, професорот по психологија Ричард Метсон предупредува:

Не се сите прегратки безопасни. Допирот може да служи како засилено чувство на контрола и поттикнување послушност.

Физичкиот допир обично ослободува окситоцин и го намалува стресот, но кај лицата со „мрачна тријада“ допирот може да се користи како средство за манипулација. Макијавелистите се пресметливи и манипулативни психопати, ладнокрвни и импулсивни, додека нарцисите тежнеат кон добивање восхит и чувство на контрола. Комбинацијата од овие особини може да направи „пријателските“ гестови да функционираат како средство за доминација.

Метсон додава:

Нашата студија не само што идентификува проблематична употреба на допирот, туку и ги поврзува тие обрасци со особините на лицата склони кон манипулација во романтичните односи.

Истражувањето опфатило над 500 студенти и анализирано како различните стилови на приврзаност и личност влијаат на перцепцијата и користењето на физичкиот контакт. Резултатите покажале интересни родни разлики.

Мажите кои чувствуваат тешкотија во врската почесто бараат утеха преку допир, користејќи го за намалување на сопствената анксиозност.

Жените со изразени особини од „мрачната тријада“ често го користат допирот манипулативно, додека сами чувствуваат непријатност при примање на физичкиот контакт.

Не значи дека секоја прегратка или стисок со рака крие некаква намера. Но ова истражување предупредува дека контекстот, зачестеноста и динамиката на интеракцијата може да открива подлабоки мотиви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен сообраќаен режим денеска низ Скопје поради концертот на Дејвид Гета

Посетителите на музичкиот настан што денеска ќе се одржи во Националната арена „Тодор Проески“ треба да очекуваат отежнато одвивање на сообраќајот во околината на објектот.

Концертот е закажан за 19 часот, а поради очекуваниот зголемен број посетители, полициските служби ќе воведат посебен режим на сообраќај на улиците и приодите кон Арената, како и на дел од булеварот „Илинден“.

Од СВР Скопје информираат дека сообраќајните мерки се преземаат со цел да се обезбеди безбедно пристигнување и заминување на посетителите, но и непречено одвивање на сообраќајот за останатите учесници.

На граѓаните кои планираат да се движат во овој дел од Скопје им се препорачува навреме да ја испланираат својата маршрута и да предвидат дополнително време за патување.

Возачите се повикуваат да ги почитуваат насоките на полициските службеници, поставената сообраќајна сигнализација и да покажат дополнителна внимателност и трпение за време на траењето на посебниот режим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Среќен роденден, независна и самостојна Македонијо!

Премиерот Христијан Мицкоски со видео од убавините на нашата земја им го честита на граѓаните големиот празник, Денот на независноста на Македонија.

„Среќен роденден, независна и самостојна Македонијо!“

На својот ФБ профил премиерот објави видео со убаините на Македонија по повод 35 години независност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Честит 8-ми Септември – Денот на независноста на Македонија

По повод 8-ми Септември – Денот на независноста на Македонија и 35 години од независноста, Движењето ЗНАМ за наша Македонија упатува искрени честитки до сите граѓани на Македонија.

Пред 35 години, со референдумот на 8-ми Септември 1991 година, народот ја потврди својата историска одлука – да живее во суверена, самостојна и независна држава.

Денес, 35 години подоцна, независноста е наша чест, но и наша обврска.

Обврска да ја чуваме државноста, да го браниме достоинството и да создадеме Македонија во која секој граѓанин ќе има сигурна иднина и еднаква можност за успех.

Македонија е наша татковина.

Независноста е наше наследство.

Иднината е наша заедничка обврска.

Да продолжиме заеднички да ја градиме силна, стабилна, достоинствена и европска Македонија.

Честит 8-ми Септември!

Честити 35 години независна Македонија!

Движење ЗНАМ за наша Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.