Во потрагата по преживеаните луѓе, по катастрофалните поплави што на 4 јули ја погодија американската сојузна држава Тексас, при што загинаа 120 луѓе, а речиси 200 се е водат како исчезнати, вклучена е и американската Национална воздухопловна и вселенска администрација (НАСА) со два авиона.

Авионот Ви-би-57 (WB-57) на НАСА за голема надморска височина на 8 јули полета од базата Елингтон во Хјустон и го пребарува теренот користејќи сензор за дневно и ноќно снимање на копнени средини (DyNAMITE). Добиените податоците ќе бидат доставени до тимовите за одговор и ќе помогнат во напорите за спасување и распределба на ресурсите.

НАСА вчера од Едвардс, Калифорнија го испрати радарот (Uninhabited Aerial Vehicle Synthetic Aperture Radar) со кој ќе се соберат податоци од реките Гвадалупе, Сан Габриел и Колорадо, што ќе помогне во процена на штетите што ги предизвикаа поплавите.

-Од нив 25 лица се казнети за возење без возачка дозвола, 10 возачи за управување на моторни возила со изминат рок на важност на сообраќајната дозвола и полиса, еден возач кој управува моторно возило под дејство на алкохол, двајца возачи кои управувале возило со несоодветна категорија, еден возач кок управувал возило со неисправно светлосно сигнални уреди, 15 возачи за некористење на заштитен шлем-кацига, еден возач на возило со затемнети стакла без извршен А-тест, соопшти МВР.

Две мерки биле изречени кон возачи кои, исто така, вршат јавен превоз на патници без да извршат вонреден технички преглед, една мерка кон возач кој не ја поседува пропишаната опрема во возилото, две одземени возачки дозволи по член 341 од ЗБСП како и одземени се два мотоцикли по член 344 од ЗБСП и превземени се мерки против 28 учесници во сообраќај за останати сообраќајни прекршоци.

На сите прекршители изготвени им се соодветни поднесоци.

Од МВР најавуваат дека сообраќајните контроли продолжуваат и во наредните денови.

Апелираат до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Научниците од Универзитетот „Џонс Хопкинс“ во Балтимор, Мериленд, САД, по сѐ тоа, предвидуваат дека роботската хирургија би можела да се тестира на луѓе уште наредниве 10 години.

Според научниот труд на универзитетите „Џонс Хопкинс“, „Стенфорд“ и „Колумбија“, ова е „пресвртница кон клиничката примена на самоуправувачките хируршки системи“, се наведува. Технологијата што им овозможува на роботите да манипулираат со меки ткива како што се жолчното ќесе, е вкоренета во широко користените ВИ-алатки како што се „Чет-ГПТ“ или „Гугл Џемини“. Роботот-хирург се обучувал преку видеоснимки од лекари и изведувајќи операции врз органи земени од мртви свињи. На овој начин, осум операции на свински органи со 100-отстотна стапка на успех беа извршени, под надзор на научниците. Ова отвора можности за масовно умножување на вештините на најдобрите хирурзи во светот.

Кралскиот колеџ за хирургија во Велика Британија соопшти дека ова е „возбудлив развој којшто носи големо ветување“, додека Џон Мекграт - водечки стручњак за роботска хирургија во Велика Британија, ги нарече резултатите „импресивна новост“ којашто „нè води подалеку во светот на самоуправувањето“ - дури и во непредвидени случаи, типични за итна медицинска интервенција.

- Речиси сите 70.000 роботски процедури што се изведуваат годишно во Националната здравствена служба во Англија се целосно под човечки надзор. Може да се каже дека само сечењето коски за операции на колк и колено е полусамоуправувачко, рече Мекграт.

Хируршките роботи биле малку побавни од луѓето-лекари, но се постабилни и следат пократки патеки меѓу задачите. Роботот, исто така, може постојано и брзо да ги коригира и прилагодува своите чекори при работата, да бара различни алатки и да се прилагоди на анатомските разлики, се вели во рецензија објавена во списанието „Сајенс роботикс“ (Science Robotics).

- Ова е премин од роботи што вршат одделни задачи до системи што вистински ги разбираат хируршките процедури, изјави проф. Аксел Кригер од „Џонс Хопкинс“.

Тој додаде дека овој систем може да се прилагодува според анатомијата на секој пациент.

Минатиот месец, британскиот министер за здравство Вес Стритинг изјави дека развојот и растот во роботската хирургија е во срцето на 10-годишниот план за реформа на британското здравство и намалување на листите на чекање.

Иако интервенцијата траела подолго отколку кога ја изведува човек, резултатите биле споредливи со оние на експерт-хирург, наведуваат истражувачите. Во пробната фаза на „Џонс Хопкинс“, на роботите им требале нешто повеќе од пет минути да извршат операција од 17 чекори. Роботите си ги коригирале прилагодените потези без никаква човечка помош во просек шест пати во секоја операција.