Првиот скрининг во Дебар покажа дека градот е далеку од колективен имунитет

Првиот скрининг процес во Дебар покажал дека градот сепак нема колективен имунитет.. Само два проценти од околу 2 илјади тестирани покажале присуство на антитела, информира за Канал 5 доктор Арбен Аголи, кој бил вклучен во процесот. 

Од 2342 дебарчани, кои по случаен избор биле опфатени во скрининг процесот за да се утврди дали во Дебар е постигнат колективен имунитет на коронавирусот, само 35 луѓе биле позитивни на ИГГ тестот . Овие информации за Канал 5 ги сподели доктор Арбен Аголи, кој беше заболен и го победи коронавирусот. Тој вели дека во неговата ординација биле направени тестови на 230 деца до 14 години, од кои само за две резултатите покажале дека изградиле одреден имунитет на вирусот. Позитивни на ИГГ се претежно луѓе кои ја прележале болеста, како доктор Аголи, и членови на нивните семејства,кои биле без симптоми.

“Што значи дека вкупниот број во Дебар е некаде 2% позитивни на ИГГ позитивни и за да зборуваме дека имаме колективен имунитет тоа не можеме да го велиме, значи треба некаде 60% да биде. Тоа значи дека кога ќе доаѓа пак есента , кога ќе почнат вирозите Дебар е пак загрозен како град .. за понова инфекција можеби ние што сме ИГГ позитвни имаме одареден имунетите и тоа можеме многу лесно да го пребродиме , но Дебар е пак загрозен како град. А кога зборуваме за карантинот, тој го даде својот резултат,ама од друга страна немаме колективен имунитет, се затворивме дома сите се избегнаа контактите и сега сме во ситуација кога скринингот ни е негативен..“ вели доктор Аголи.

Овие резултати покажуваат дека се уште е рано да се зборува за спроведување на скрининг процес на територијата на целата држава, вели за Канал 5 министерот за здравство Венко Филипче. Додава дека проверка на колективниот имунитет е можно да се направи кон крајот на летото.

Според доктор Никола Пановски заедничкиот имунитет може да се смета за делумно постигнат кога ќе има практична вредност во ширењето на болеста од најмалку 30%.

Тогаш ќе се шири болеста меѓутоа не во епидемиски размери затоа што третина од населаението сепак нема да оболува, и од тие што немаат ИГГ секако некои имаат природен или скриен имунитет, од некои причини не оболуваат, а 70 отсто е идеална бројка нормално и повеќе бидејќи тогаш вирусот не може да се шири. Овој број што го спомнавте за жал е помал од тоа што очекував, иако јас не очекував многу голем број. Зошто е тоа така бидејќи во тој град иако имаше многу случаи методите кои беа применети беа многу ригорозни и спречија понатамошно ширење. – вели доктор Пановски.

Кризната состојба во Дебар беше на сила од 13 март до 13 април. Од почетокот на епидемијата, во овој град беше регистриран 51 случај, досега четворица починаа, а оздравени се останатите 47, со што од вчера во Дебар нема активен случај. Добра вест пристигна и од Радовиш, Гевгелија, Струмица, Пробиштип и Демир Хисар, каде исто така од вчера нема позитивни случаи.

Речиси четворица од десет грци сметаат дека договорот од Преспа е неповолен

Последната анкета на грчката фондација „Елиамеп“ покажа дека за дури 38 проценти од Грците Договорот од Преспа е штетен.

Ни ветуваа дека по промената на името се ќе биде поинаку, но ние се уште сме во чекалната на Европската Унија, вели мандатарот Христијан Мицкоски, коментирајќи ги изјавите на медијаторот Метју Нимиц, кој вчера индиректно му порача да не живее во илузија со неговите ставови за Преспанскиот договор. Мицкоски денеска возвраќа, вели јас живеам во реалноста во која 600 илјади сограѓани живеат со 150 денари дневно.

Вистината некогаш боли и шече, зашто излажаа народ, кој што направи се за тааа илузија, како ниту еден народ што направи, се откажа од знамето, на крајот од уставното име, за жал се уште сме во чекалната, а не на масата. Треба да поведат сметка за своето поведение. , вели Мицкоски.

Договорот од Преспа е како бебе на кое сите му се смешкаме, но не направивме доволно за да го пораснеме, е оценката на Никос Коѕијас, еден од потписниците на спогодбата пред шест години. Иако во изминатите јавни настапи изнесуваше и навредливи коментари нарекувајќи не „Славомакедонци“, поранешниот грчки министер за надворешни на меѓународната конференција синоќа во Атина, јавно застана зад земјава. Тој ја повика владата на Мицотакис да ја исправи неправдата од предолгото чекање на Македонија, на чиј пат сега е испречена Бугарија.

-Решението е многу едноставно. Грчката влада треба да ѝ каже на бугарската влада: „ние никогаш нема да гласаме за вашето пристапување во Шенген зоната, ако не отстапите од ветото кон С.Македонија. Ова е добар предлог, Никола? , изјави Никос Коѕијас, поранешен министер за надворешни работи на Грција

На вчерашните маратонски панели и дебати, во организација на институтот Алексис Ципрас и фондацијата Заев повеќе учесници упатија и директни и индиректни пораки до Мицкоски и Мицотакис да останат доследни на Договорот, кој како што рече во видео обраќањето првиот човек на Обединетите Нации, Антонио Гутереш, треба да остане столб за градење доверба и разбирање.

-Преспанскиот договор е сведоштво за моќта на дипломатијата, дијалогот и компромисите. Договорот не само што го реши спорот за името, туку и ги отвори можностите за нови прилики за раст, контролирана размена и регионални партнерства. , изјави Антонио Гутереш, генерален секретар на ОН.

Неговиот личен пратеник, медијаторот Метју Нимиц, кој вчера наполни 85 години и ја прими наградата за мир Преспа, по 25 годишно посредништво меѓу Скопје и Атина вели дека постигнувањето на компромисот бил тежок, но дека уште потежок е предизвикот тој компромис да биде прифатен од идните генерации политичари во двете земји.

-Живееме во опасен период, живееме во реалниот свет, и во реалниот свет имаме договори, па луѓето кои се на власт треба да ги почитуваат тие договори. Не можеме да живееме во светот на фантазијата, не можеме да живееме во виртуелен свет. , изјави Метју Нимиц, поранешен медијатор во преговорите за името

Последната анкета на грчката фондација „Елиамеп“ покажа дека за дури 38 проценти од Грците Договорот од Преспа е штетен. 28 проценти се изјасниле дека тој е донекаде корисен, а само девет отсто дека е многу корисен.

Деспотовски: СДСМ ќе се врати на вредностите и традициите од АСНОМ

Кандидатот за претседател на СДСМ Јован Деспотовски продолжи со непосредни средби со членовите на партијата. На средбата во Велес беше истакнато дека една од клучните заложби на партијата ќе биде враќањето на вредностите и традициите од АСНОМ.

„Доаѓам од семејство со долга традиција на слободарски вредности. Мојот дедо Јоле Деспотовски беше дел од партизанското движење во западна Македонија, а потоа и дел од југословенската народна армија до својата пензија. Со 18 години се зачленив во СДСМ верувајќи дека оваа партија најдобро се грижи за интересите на државата Македонија и на сите граѓани. Во многу историски моменти покажавме дека сме на вистинската страна. Повторно мора да го покажеме тоа.

На средбата Деспотовски ја презентираше програмата во која клучна реформа е зајакнување на членството и воведување директен избор на кадри, за која рече дека е добро што ја прифатиле и останатите кандидати.

„СДСМ избори добива со душа и со срце. И ние тоа го изгубивме. Тоа е системски проблем кој се обидуваме сега повторно да ја замениме со наметнување решенија. Тоа се покажа дека не е добро. Затоа ни е потребна реформа и системско решение. А, тоа е многу едноставно. Претседателот на општинската организација, кандидатот за градоначалник, за пратеник не може да се бира во Скопје. Не можам јас да знам што е подобро од вас самите што е најдобро за вас во Велес. Затоа воведуваме директен избор на носителите на сите функции во партијата. Членството одлучува кој ќе ги преставува. Ова е единствениот начин како градоначалникот и пратеникот да бидат одговорни кон луѓето а не кон лидерот. Исто како што се бира претседател на партија така да се бира и градоначалник. Тоа е најдобра анкета за да знаеме кој чини, а кој не чини како кадровско решение. Секој сака да му се слушне гласот и има право за тоа, “ нагласи Деспотовски.

„Се појави дилема зошто побарав од останатите кандидати да потпишат изјава дека нема да тргуваат со позиции во партијата и критика дека така ќе ни избегаат квалитетни кадри. Отворено ве прашувам, дали треба некој да биде партиски функционер за да даде искрен придонес за партијата. Се наметнуваат лажни дилеми и стандарди дека луѓето треба да бидат наградени само затоа што се тука“, нагласи Деспотовски.

Тој ја нагласи потребата од отворена двонасочна и постојана комуникација со општинските организации. Меѓу другото за таа цел, дел од присутните предложија секоја првата сабота во месецот да се одржува работна состанок на претседателот на партијата со сите претседатели на општинските организации каде треба да се дебатира за сите отворени прашања и да се носат заеднички одлуки.

Повеќе присутни членови го отворија и прашањето со начинот на регистрација за гласање, и дека стравуваат од можни проблеми при гласањето поради тоа што дел од членовите немаат обновено картички за гласање. Членството бара да се разгледаат сите можности и да се овозможи учество на што е можно поширок круг на членови во гласањето.

Јован Деспотовски

СДСМ

Водата од Дојранското Езеро е безбедна за капење

Последните испитувања на водата од Дојранското Езеро од страна на Центарот за јавно здравје Велес покажаа дека е во одлична состојба и е безбедна за капење и рекреација на луѓето.

Ова го објави градоначалникот на Дојран, Анго Ангов, повикувајќи се на добиените резултати од извештаите на здравствената установа.

-Според неодамнешните извештаи од тестирањата на здравствената безбедност на водата од Дојранското Езеро, примероци земени од Градската плажа, плажата кај хотелот “Полин” и плажата “Гранико” од страна на Центарот за јавно здравје, институција со докажан квалитет која успешно работи години наназад, докажано е дека водата кај трите плажи е во одлична состојба и не постои пречка луѓето слободно да се капат и да уживаат во рекреативни активности во водата, објави Ангов.

Додава дека резултатите од испитувањата на езерската вода се идентични со лани, односно се повторува непроменета одлична состојба и покажува параметри кои не се одразуваат штетно по здравјето на луѓето.

Инаку, во текот на летниот период од страна на Центарот за јавно здравје, Велес, неколку пати се земаат примероци од езерската вода за тестирање.

притисни ентер