Живот

Најчестите знаци на прекумерно внесување шеќер

Внесувањето шеќер во големи количини е штетно за човековото тело и тоа ја зголемува опасноста од дијабетес и многу други болести.

Дополнителен проблем е што шеќерот се наоѓа и во намирници коишто не се благи, па затоа е важно да се внимава на составот на секојдневните хранливи производи. Нутриционистката Брук Алперт и лекарката Ребека Казин предупредуваат на најчестите знаци на прекумерно внесување шеќер коишто ги испраќа самото тело.

Постојано копнеење за слатки

Шеќерот предизвикува зависност. Ова е затоа што сензорите за вкус се адаптирале на благото и на тој човек му треба сѐ повеќе благо, за да го добиете истиот вкус, но и истото задоволство како и првиот пат, слично како дрога. Поради сѐ тоа, докторите советуваат навремена контрола на внесувањето шеќер.

- Со тоа што јадете многу шеќер, предизвикувате хормонален одговор во Вашето тело што е како бран. Ве крева, а потоа Ве треснува од земја, и тоа го поттикнува Вашето тело да бара повеќе шеќер, појаснува Алперт.

Промени во расположението

Премногу внесен шеќер може да значи моментна „еуфорија“. И обратно... Падот на шеќерот во крвта може да предизвика пад и во расположението и поголема нервоза и вознемиреност.

Тромавост

Откако шеќерот ќе го предизвика почетниот скок на енергијата, тој предизвикува и пад. Енергијата е најстабилна кога шеќерот во крвта е стабилен, така што кога се консумира премногу шеќер, има и падови во енергијата. Премногу шеќер честопати значи и недоволен внос на протеини и влакна.

Пукање на кожата

Д-р Ребека Казин смета дека некои луѓе се чувствителни на напливи на инсулин поради прекумерно внесување на шеќер. Тоа може да предизвика нарушување на хормоните, што води, на пр., до сува кожа, ранички, акни и сл.

Дебелеење

Вишокот шеќер значи - вишок калории, а во недостиг на протеини или влакна, шеќерот нема никаква хранлива вредност. Сѐ тоа, заедно со ослободувањето инсулин, ја покачува телесната тежина, но и ја зголемува опасноста од појава на дијабетес.

Кога се јаде премногу шеќер, на телото „му се кажува“ да лачи повеќе инсулин, а подоцна, тоа прекумерно лачење може да доведе до отпорност кон инсулин. Отпорноста пак, значи дека телото нема да може правилно да реагира на нормални количини инсулин и правилно да го користи шеќерот.

Премногу кариес

Кога бактериите ги разјадуваат честичките храна меѓу забите, се создава киселина што постепено предизвикува расипување на забите. Плунката сама по себе одржува здрава рамнотежа на бактерии, но шеќерот може да влијае на пе-ха вредноста и да го наруши тој природен сооднос. Неправилното размножување на бактериите, всушност, води кон расипување на забите и кариес.

Мозочна магла

Деконцентрацијата што обично се јавува после оброк е симптом на низок шеќер во крвта. Кога се јаде многу благо, пак, нивото шеќер во крвта се зголемува и опаѓа, наименично и брзо. Тоа, според стручњаците, ја зголемува расеаноста, и укажува на задолжителна контрола на внесот на шеќер.

Ништо не е така слатко како порано

Премногу шеќер предизвикува сензорите за вкус да се навикнат на слатките вкусови, па затоа човекот бара сѐ повеќе шеќер за да ја задоволи својата глад за слатко. Меѓутоа, тука се препорачува свесно намалување на благото и самоконтрола. На тој начин, по извесно време, телото повторно ќе се навикне и ќе се задоволува со малку шеќер. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Каде завршија деветте милиони евра од ЕУ, додека Зајас на Али Ахмети остана без канализација?

Скандал и срам. Само вака може да се опише тоа што се случило со парите на европските даночни обврзници во проектот за канализација во Зајас, родното место на претседателот на ДУИ, Али Ахмети.

Народот вели дека сонцето не може да се скрие со сито. Но, некој очигледно мислел дека овој скандал може засекогаш да го покрие со неколку документи и печати, за кои не се знае ниту кој ги потпишал.

Пред две недели поставивме сериозни прашања за овој скандал. Зборувавме за повеќе од девет милиони евра европски средства за кои јавноста сè уште нема одговор каде завршиле, за кривичната пријава на Финансиската полиција, за договорите склучени со домашни компании и за сомнежите дека во целата работа можеби биле вклучени и компании поврзани со семејниот круг на Али Ахмети.

Побаравме да се отвори секој договор, да се провери секоја исплата и да се утврди одговорноста на сите што биле вклучени во овој проект. Сега прашањата не ги поставува само ВЛЕН. Одговори почна да бара и Европската Унија.

Амбасадорот на Европската Унија, Михалис Рокас, соопшти дека ЕУ ја прибира документацијата за овој проект. Затоа веќе не е доволно да се прашуваме само каде завршиле милионите. Јавноста мора да знае и кој го пријавил проектот како завршен, врз основа на кои документи и со какво образложение.

Колку повеќе се чепка во овој скандал, толку повеќе смрди на корупција.

ДУИ 24 години ја имаше власта во свои раце. Во Кичево ја водеше Општината три мандати по ред. Токму за време на нивното владеење овој проект, финансиран со пари од Европската Унија, требаше да биде завршен во 2024 година. Но, канализацијата не беше завршена. Сега станува јасно и зошто.

Бараме Јавното обвинителство и Финансиската полиција да ја прошират истрагата до крај и тесно да соработуваат со европските институции.

Почитувани, Ова е вистинското лице на ДУИ. Патриоти пред камерите, а зад завесите пропаднати проекти, милиони за кои нема отчет и документација што сега ја прибира Европската Унија.

Како што рековме, Али Ахмети мораше да замине во опозиција за целиот талог да исплива на површина. Да исплива и вистината зошто Зајас, неговото родно место, остана без канализација.

Дритон Сулејмани ВРЕДИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Разговор што го промени текот на полуфиналето!!

На социјалните мрежи се појави видео од разговор меѓу капитенот на Аргентина Лионел Меси и асот на Англија Џуд Белингем, кој се одвиваше за време на полуфиналниот натпревар во Атланта.

Читачите од усните го дешифрираа разговорот помеѓу Лео Меси и Џуд Белингам за време на натпреварот:

Меси: „Не беше мој фаул... Тоа е првата одлука што отиде во наша корист.“

Белингам: „Не, не... Не беше фаул.“

Меси: „Тоа е првата одлука што отиде во наша корист.“

Белингам: „Не, не.“

Меси: „Што гледаш?“

Меси: „Добро, добро!“

Многу фанови веруваат дека реакцијата на капитенот на Аргентина по нивната расправија била клучна за пресвртот.

I’ve seen thousands of Messi videos over the years, but nothing tops this 😂 pic.twitter.com/jM0KcD9MxU
— Jacob C. Edmunds (@JacobCEdmunds) July 16, 2026

Осум минути по разговорот меѓу Меси и Белингем, Аргентина направи голем пресврт и со голови при крајот на натпреварот стигна до победа од 2:1 и пласман во финалето на Светското првенство.

Иако е невозможно да се тврди дека токму овој разговор го решил натпреварот, сцената стана еден од најкоментираните моменти во полуфиналето и дополнително ја поттикна приказната за менталната сила на светските шампиони.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски – Бројер: Унапредување на одбранбената соработка и зајакнување на партнерството во рамки на НАТО

На средбата со Бројер како што објави Мицкоски се разговарало за понатамошно унапредување на билатералната одбранбена соработка, зајакнувањето на партнерството во рамки на нато, како и за актуелните безбедносни предизвици со кои се соочува Европа.

Премиерот Христијан Мицкоски заедно со министерот за одбрана Владо Мисајловски оствари средба со началникот на генералштабот на вооружените сили на СР Германија, Генерал Карстен Бројер, кој е во дводневна официјална посета на Македонија и македонската армија.

На средбата со Бројер како што објави Мицкоски се разговарало за понатамошно унапредување на билатералната одбранбена соработка, зајакнувањето на партнерството во рамки на нато, како и за актуелните безбедносни предизвици со кои се соочува Европа.

Заеднички била потврдена определбата за продлабочување на соработката преку размена на искуства, заеднички активности и натамошен развој на капацитетите на вооружените сили, со цел јакнење на регионалната и евроатлантската безбедност – наведува Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.