Првичните наоди на Министерството за здравствo - десет пациенти неоправдано оперирани - Канал 5

Македонија

Првичните наоди на Министерството за здравствo - десет пациенти неоправдано оперирани

Кај десет пациенти е потврдено дека им направиле непотребни кардио-васкуларни интервенции, изјавија од комисијата на министерството за здравство, која проверуваше дали во приватните болници се направени интервенции за профит.

Првичните наоди на Министерството за здравствo - десет пациенти неоправдано оперирани

Кај десет пациенти е потврдено дека им направиле непотребни кардио-васкуларни интервенции, изјавија од комисијата на министерството за здравство, која проверуваше дали во приватните болници се направени интервенции за профит без медицинска индикација. Со изјавите на комисијата на прес конференција во владата се потврдија исказите на професорот Сашо Кедев кој изјави дека во приватното здравство се оперирани пациенти без потреба и без никаква медицинска индикација по што министер Азир Алиу формираше комисија.

„Од досега пријавените случаи заклучивме дека за поголем дел од нив имаме неправилно упатени и неправилно оперирани пациенти. Понатаму комисијата ќе продолжи да работи со утврдената методологија и ќе излезе со конечен извештај“, изјави кардилогот доктор Ненси Лозанче, членка на комисијата.

Членовите на комисијата не кажаа за кои болници и доктори станува збор и со какви последици се пациентите кај кои имало интервнеции. По завршувањето на целата постапка ќе бидат дадени инфорамции во јавноста и ќе се алармира и во обвинителството, но во рамки на заштита на податоците на пациентите, објасни кардиологот Христовски, претседател на комисијата.

„Ова е прва фаза од целиот процес, откако ќе заврши целито процес секако дека ќе биде пријавено и во министерството за здравство и до Јавното обвинителство“, изјаи Жарко Христовски „Аџибадем Систина“ и претседател на комисијата.

Во втората фаза на испитување на овој случај ќе дојдат тројца странски експерти ќе ги разгледуваат случаите, па ќе биде донесен финален извештај, потврди министерот Алиу.

„По целосната анализа и од странските експерти ќе видиме дали се совпаѓа со анализата на што ја направи комисијата“, посочи Азир Алиу министер за здравство.

Од комисијата објаснија дека во иднина ќе донесе стратегија за контрола на сите болници во Македонија каде се вршат кардио-васкуларни интервенции и во јавното и во приватното здравство. Во комисијата учествуваа доктори и правници од државните јавни здравствени установи поврзани со кардилогијата и доктори од приватните болници Систина и Жан Митрев. Од 25-те случаи, комисијата анализирала 19, а 6 кои биле поврзани со друга проблематика препратила до Државниот здравствен и санитарен инспекторат.

YouTube video

Тагови: Азир Алиу министерство за здравство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион полн со патници добил дојава за бомба, извршил принудно слетување

Авион што летал од Лондон кон Варшава денес извршил вонредно слетување на аеродромот „Варшава-Модлин“, откако било пријавено присуство на експлозивна направа во леталото. 

Авион полн со патници добил дојава за бомба, извршил принудно слетување

Ова доведе до затворање на аеродромот, соопштија аеродромските власти.

Авионот слетал во Модлин во 10:01 часот со 181 лице во него, изјави Адам Шабловски, портпарол на аеродромот „Варшава-Модлин“, пренесува „TVN24“.

Тој додаде дека во моментов се очекува пристигнување на екипи за деактивирање експлозивни направи.

Авионот првично требало да слета на аеродромот „Варшава-Шопен“, но бил пренасочен кон Модлин.

Според соопштението од аеродромот, тревога била прогласена во 9:54 часот, откако била пријавена закана за бомба на летот од лондонскиот аеродром „Хитроу“ кон аеродромот „Варшава-Шопен“.

Во моментот на слетувањето, во авионот имало 3,7 тони гориво.

„По слетувањето, леталото беше упатено кон посебно одредена зона, каде што ќе остане до донесување на натамошни одлуки и добивање упатства од надлежните органи, вклучително и екипите за деактивирање експлозивни направи“, се наведува во соопштението.

Аеродромот „Варшава-Модлин“ останува затворен до понатамошно известување, додека властите ја истражуваат пријавената закана и преземаат мерки за да се осигура безбедноста на сите присутни на аеродромот. „Безбедноста на патниците, екипажот и аеродромскиот персонал во моментов е приоритет“, се вели во соопштението, при што се додава дека информациите за евентуални промени во ситуацијата и за повторното воспоставување на воздушниот сообраќај ќе бидат објавени дополнително.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: 50 години Општина Центар, половина век историја, развој и визија за иднината

Општина Центар денеска одбележува 50 години од своето постоење. Јубилејот е повод да се потсетиме на нејзиниот развој, но и да ги истакнеме промените и резултатите со кои Центар продолжува да се развива како современо урбано јадро на Скопје.

Герасимовски: 50 години Општина Центар, половина век историја, развој и визија за иднината

„Среќен сум и горд што токму во мојот градоначалнички мандат го одбележуваме овој голем јубилеј. Центар има богато минато, силен урбан дух и голема иднина што заедно ја градиме. Во изминатите пет години работевме општината да биде посовремена, подостапна, потранспарентна и поблиску до секој граѓанин. Општина во која секој е добредојден, секој глас се слуша и секој денар се вложува одговорно“, истакнува градоначалникот Горан Герасимовски.

Во мандатот на Герасимовски се реализираа низа значајни проекти во образованието, детската заштита, спортот, инфраструктурата и услугите за граѓаните. Изградена е градинката „Пролет“, со капацитет за 173 деца, обновена е спортската сала „Работнички“, реконструирани се улици, доградени училишта и подобрени условите за образование и престој на најмладите.

Паралелно, општината инвестира во зелената и енергетската трансформација, обновливите извори на енергија, нови паркови и зелени површини, како и во програми за поддршка на учениците, младите, повозрасните и лицата со попреченост.

„Секој проект има своја приказна, но сите имаат иста цел – подобар Центар за сите генерации. Особено ми значи довербата што граѓаните ми ја дадоа за втор мандат. Тоа е обврска да продолжиме уште посилно, со нови идеи, амбициозни проекти и конкретни резултати. Верувам дека најголемата вредност на една општина се луѓето и условите што им ги создава за живот“, додава Герасимовски.

Центар останува општина со силен урбан идентитет, препознатлива по својата динамика, културно наследство и континуирани вложувања во современи урбани решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Продолжуваат градежните активности за изградба на новиот мост преку реката Луда Мара

Со засилено темпо продолжуваат градежните активности за изградба на новиот мост преку реката Луда Мара во село Марена.

Јанчев: Продолжуваат градежните активности за изградба на новиот мост преку реката Луда Мара

Проектот е во напредна фаза на реализација, а градежните работи на терен се одвиваат со континуиран напредок.

Инвестицијата е во вредност од 12 милиони денари, обезбедени преку финансиска поддршка од Министерството за транспорт.

➡️ Новиот мост ќе располага со:

✔️ Две коловозни ленти

✔️ Тротоари од двете страни

✔️ Вкупна ширина од 8,5 метри

Со реализацијата на овој значаен инфраструктурен проект ќе се овозможи побезбедно и поефикасно одвивање на сообраќајот, подобра поврзаност и современи услови за сите учесници во сообраќајот.

Продолжуваме со инвестиции во модерна и безбедна патна инфраструктура, за подобар квалитет на живот на сите граѓани!- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер