Прва средба на Радев со преставници на бугарски здруженија од Македонија

По десет минутно чекање во претседателската палата во Софија, претставници на неколку бугарски здруженија во Македонија се сретнаа со бугарскиот претседател Румен Радев. 

На едночасовната средба која беше пренесувана во живо, Радев посочи дека фокусот на спорот меѓу двете држави од историјата преминува кон човековите права во Македонија за што разговарал и со врвот на ЕУ.

-Таму тешко е да објасниш кој е Самоил и кој е Гоце Делчев. Тие не те разбираат. Имаше обиди да сега им биде објаснето која е суштината на спорот, која година кој што напишал или кажал. Тоа нашите партнери во ЕУ кои настојуваат веднаш да биде примена Македонија во ЕУ од чисто геостратешки причини, не го разбираат. Но, кога почнавме да говориме со службената Влада за Копенхашките критериуми за членство, за човековите права за дискриминацијата, тоа го разбираат.-Румен Радев – Претседател на Бугарија.

Радев кој веќе е во трка за втор мандат како шеф на државата, во неколку наврати кажа дека Македонија е суверена и самостојна држава, а Бугарија нема право директно да се меша во внатрешните работи. Но, тоа не го спречи и денеска да ги повтори бугарските барања за Македонија. Ваквата реторика дел од поранешните дипломати во земјава велат дека не очекуваат да се промени до изборите на 14 ноември.

Бугарија на средината на ноември оди на претседателски и трети по ред парламентарни избори. По самитот во Словенија, во тек се консултации меѓу двете држави за т.н. план 5+1 кој го опфаќа прашањето на краткото име, говорот на омраза, работата на комисијата за историја и немешањето во внатрешните работи на бугарија, на кое се надоврзува и вметнувањето на Бугарите во македонскиот устав.

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер