Прва изјава на Меган Маркл за разидувањето со принцот Хари - Канал 5

Шоу биз

Прва изјава на Меган Маркл за разидувањето со принцот Хари

 Долго време во јавноста не се видени заедно – нешто кријат!

Прва изјава на Меган Маркл за разидувањето со принцот Хари

Сопружниците на „крстопат“, кога е во прашање нивниот однос – еве за што станува збор.

Меган Маркл, војвотката од Сасекс, неодамна присуствуваше на настан по повод Денот на благодарноста во Јужна Калифорнија, но без нејзиниот сопруг, принцот Хари. Нивниот работен однос, според неодамнешните извештаи, станал затегнат, а парот, како што се тврди, моментално е на „крстопат“ кога се во прашање нивните деловни потфати.

Иако честопати ги гледавме заедно на јавните настани, во последниве месеци, Меган и Хари присуствуваа на одредени манифестации одделно. Според извори блиски до парот, во текот на изминатиот месец и двајцата признале дека се соочуваат со предизвици во врска со балансирањето на нивните професионални ангажмани, затоа што често им се случуваат разидувања.

Меган претходно ја споредуваше нивната врска со фразата „сол и бибер“, велејќи дека таа и Хари се „секогаш заедно“ во сè, но сега изгледа дека нивните патишта почнаа да се разидуваат, барем кога станува збор за нивните професионални обврски.

И додека се шпекулира за можна разделба во нивниот работен живот, Меган ја искористи можноста да проговори за својот ангажман во важен настан по повод Денот на благодарноста. Таа присуствуваше на вечерата, која беше организирана во партнерство со Фондацијата Арчевел, која ја основаше заедно со Хари. Настанот ги собра жените од Авганистан кои се населиле во САД, а Меган им изрази благодарност на учесниците, нагласувајќи ја важноста на заедништвото и издржливоста.

- Вечерата беше можност за отворени разговори за благодарноста и отпорноста, но истовремено и за градењето заедница преку раскажувањето на личните искуства. Многу сум благодарна на сите што ги споделија своите искуства и со нетрпение очекувам идни собири кои ќе ги зајакнат овие врски, изјавила Меган.

Меган исто така истакна дека празниците за неа и за Хари отсекогаш биле скромни, за разлика од оние во кралското семејство. Претходно во интервјуата таа спомна како секогаш била убедена дека мора да има место на масата за пријателите кои немаат семејство, а се присети и на еден незаборавен Ден на благодарноста, кога нивна специјална гостинка била феминистичката активистка Глорија Стајнем.

Додека војвотката од Сасекс беше во Калифорнија, принцот Хари беше во Канада, каде што присуствуваше на настан во склоп на Invictus Games, спортски игри за лица со посебни потреби. Иако беа видени одвоени во последниве месеци, Меган и Хари неодамна им оддадоа почит на ветераните заедно на Денот на ветераните, поставувајќи обединет фронт во јавноста.

Како што дознаваме, парот планира да настапи заедно во февруари 2025 година на Invictus Games во Канада. Многумина се прашуваат како ќе изгледа нивната иднина, особено поради с погласните шпекулации за нивна можна професионална разделба. Меган дури ја спомна можноста нивните деца, принцот Арчи и принцезата Лилибет, наскоро да бидат видени во јавноста за прв пат, иако тоа досега не се случило.

Се чини дека, иако парот професионално се оддалечува, нивниот заеднички живот сè уште стои на цврсти темели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Тренер 30 дена користел крeатин: „Имав сè повеќе енергија и мускулите ми изгледаа пополно“

Еден јутјубер одлучил да провери како креатинот влијае на телото и на концентрацијата, па затоа го земал овој додаток секојдневно во текот на 30 дена.

Тренер 30 дена користел крeатин: „Имав сè повеќе енергија и мускулите ми изгледаа пополно“

Мунир Азегра, основач на YouTube каналот „iWannaBurnFat“, ги следел промените во текот на еден месец додека секој ден земал по грама креатин.

Што е креатин?

Според „Cleveland Clinic“, креатинот е природен извор на енергија што им помага на мускулите да се контрахираат. Исто така, помага во одржувањето на резервите на енергија во мускулите, особено за време на физичка активност. Околу половина од креатинот во телото потекнува од храната како што се црвеното месо, морските плодови и млеко од животинско потекло. Остатокот телото го произведува самостојно, главно во бубрезите, црниот дроб и панкреасот.

Од „Cleveland Clinic“ наведуваат дека околу 95 % од креатинот завршува во скелетните мускули, каде што се користи за време на физичка активност, додека остатокот оди во срцето, мозокот и другите ткива. Додатоците со креатин често се земаат за зголемување на силата и подобрување на перформансите при вежбање, а постојат и истражувања за неговото потенцијално влијание врз меморијата и другите мозочни функции.

Како изгледаше неговиот 30-дневен експеримент?

Првиот ден, Азегра зел пет грама креатин по тренингот. До третиот ден, сè уште не забележувал никакви физички промени, но претпоставувал дека неговите мускулни клетки веќе почнале да складираат повеќе креатин.

По една недела, тој забележал дека има повеќе енергија за време на тренинзите и дека може да направи „едно дополнително повторување“ кај одредени вежби.

Околу четиринаесеттиот ден, тој сè уште се чувствувал енергично, а му се чинело и дека неговите мускули изгледаат „малку пополни“.

До 21-виот ден, тој изјавил дека се чувствува посилно и дека забележува физичка разлика во споредба со почетокот на експериментот. Сепак, тој нагласил дека станува збор само за „мал поттик“ и дека не треба да се очекуваат чуда од креатинот.

Одлучил да продолжи со неговото земање.

По 30 дена, Азегра заклучил дека ќе продолжи да зема по пет грама креатин дневно, бидејќи бил задоволен од промените што ги забележал.

Клиниката Кливленд (Cleveland Clinic) наведува дека креатинот може да помогне во закрепнување на мускулите и да ја зголеми содржината на вода во мускулните клетки; исто така, се истражува и неговото потенцијално влијание врз меморијата.

Сепак, ефектите и потребната доза на креатин може да варираат од човек до човек. Можните несакани ефекти вклучуваат зголемување на телесната тежина, вртоглавица, гадење, повраќање, дијареја и зголемено потење.

Клиниката Кливленд препорачува консултација со лекар пред земање креатин, особено ако лицето има здравствени проблеми или зема лекови. Лекарот може да процени дали креатинот е безбеден избор и да ја одреди соодветната доза.

Извор: www.index.hr

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

Актерот Бранко Ѓуриќ Ѓуро ѝ го честиташе 30-тиот роденден на својата ќерка Зала преку емотивна објава на Инстаграм, споделувајќи серија фотографии на кои се заедно.

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

На фотографиите е прикажана Зала, од раното детство па сè до денес, придружени со трогателна порака од Ѓуро.

„Среќен роденден, моја мала принцезо! Остани среќна и здрава. Ти благодарам за сите убави, луди, среќни и незаборавни моменти на твоето патување од 0 до 30 години. Ти благодарам што си наша“, напиша тој.

Зала тргна по стапките на своите родители и работи како актерка. Таа се појави во филмовите „Šesti autobus“ и „Deda ide na jug“, а глумеше и заедно со својот татко во претставата „We Will, We Will Rakija“.

Претставата беше поставена според нејзиното сценарио, додека Ѓуро ја режираше. Претходно оваа година, Зала објави дека станала мајка, иако не откри детали за приновата.

Ѓуро има и ќерка, Ела, со сопругата Тања, како и син, Филип, од првиот брак.

Тагови: Бранко Ѓуриќ Ѓуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Тамагочи“ за 21-от век: Закерберг го претстави новиот уред

Извршниот директор на „Meta“, Марк Закерберг, неодамна го претстави „Meta Charm“ – мал рачен уред дизајниран да ја интегрира вештачката интелигенција во секојдневниот живот.

„Тамагочи“ за 21-от век: Закерберг го претстави новиот уред

Според пишувањата на „Der Spiegel“, уредот е со големина приближно колку „Тамагочи“ и поседува мал екран на допир, микрофон, две камери и можност за поврзување преку 5G мрежа. За разлика од мобилниот телефон, „Meta Charm“ нема да поддржува гласовни или видеоповици; наместо тоа, тој е првенствено наменет да овозможи пристап до софтверот за вештачка интелигенција на „Meta“.

Закерберг не ја објави цената на уредот ниту земјите во кои тој ќе биде достапен, но наведе дека се очекува да се најде во продажба до Божиќ. Уредот работи со помош на „Meta AI“ – асистентот со вештачка интелигенција на компанијата, кој беше пуштен во употреба во САД пред неколку недели.

„Meta AI“ е наменет да им помогне на корисниците во извршувањето на секојдневните задачи, како што се пазарењето и банкарските услуги. Со воведувањето на „Meta Charm“, „Meta“ има за цел да ја намали зависноста на корисниците од паметните телефони и од оперативните системи на „Apple“ и „Google“.

„OpenAI“, компанијата што стои зад „ChatGPT“, развива сличен уред со помош на поранешниот главен дизајнер на „Apple“, Џони Ајв.

Аналитичарот од индустријата, Ави Грингарт, истакна дека „Meta“ успеала да го „протне“ својот производ пред конкурентите како „OpenAI“, напоменувајќи дека иако е малку веројатно паметниот телефон наскоро да биде целосно заменет, новите уреди би можеле да го надополнат.

Во исто време, тој предупреди дека „Meta“ се соочува со предизвик во однос на довербата на корисниците кога станува збор за заштитата на приватноста.

Извор: Б92

Тагови: Тамагочи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер