Кошарка

Прв триумф на црвено жолтите на Евробаскетот

Македонската кошаркарска репрезентација ја запишува првата победа на Европскиот шампионат во Загреб. Во 2 коло од групата Ц , црвено жолтите ја совладаа Холандија со 78-71 .

Нашиот национален тим сосема заслужено ја славеше победа над изненадувањето од евроквалификациите Холандија.

Избраниците на Србиновски по изедначената игра во првите десет минути во втората четвртина ја најавија посакуваната победа .

Нашите бекови пред се Костоски, браќата Стојановски и Илиевски ги наместија нишанските справи и го полнеа кошот на популарните лалиња од сите позиции. Но , и денеска голем проблем во играта под кошевите како и на дуелот со Грција е слабиот скок под својот кош.

Со добрата игра во одбрана и прецизниот шут на полувреме заминавме со предност од 12 поени.

На отварањето на третата делница и покрај тројката на Трајковски, Холандија го намали нашето сигурно водство . По тајмаутот на Србиновски работите повторно доаѓаат на свое место. Стојановски и Трајковски со по една тројка повторно го враќаат сигурното водство.

Последната делница ја започнавме со водство од 56-49, по израмнетиот почеток, капитенот Илиевски реализира контранапад за 63-54, Трајковски повторно погодува од дистанца, Македонија води со 70-58. На стотина секунди до крајот водиме со 75-60. За потоа лалињата да го искористат нашето опуштање и да стигна до чесен пораз од 78-71.

Во денеска одличниот македонски национален тим дури петмина кошаркари постигнаа двоцифрен број на поени. Капитенот Илиевски со 14 беше прв стрелец, по 13 реализираа Костовски и Трајковски, 11 постигна Војдан Стојановски а одличниот Хендрикс покрај десетте коша успеа да оствари и 7 скокови и три блокади.

Утре нашите најдобри кошаркари ќе имаа слободен ден и на мира ќе се подготвуваат за следниот предизвик дуелот во вторник од 21 часот против домаќинот Хрватска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон.

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон, кои Белата куќа ги оцени како позитивни и продуктивни.

Двајцата лидери престојуваа во главниот град на САД за да присуствуваат на погребот на сенаторот Линдзи Греам, кој беше силен поддржувач на Израел и застапник за американската помош за Украина.

По средбата со Трамп, Зеленски рече дека американскиот претседател го прифатил барањето на Украина за добивање лиценци за производство на системот за противвоздушна одбрана „Патриот“.

Средбата со Нетанјаху пак, Трамп ја оцени како позитивна, а израелскиот премиер за медиумите соопшти дека двајцата имаат разбирање за како што посочи, заедничката цел иран да не произведе нуклеарно оружје...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија прогласи вонредна состојба поради сериозниот недостиг на вода

Унгарскиот министер за заштита на животната средина, Ласло Гајдош, денеска изјави дека владата прогласила вонредна состојба поради сериозниот недостиг на вода предизвикан од сушата.

Во објава на Фејсбук, Гајдош наведе дека индексот на суша во 66 од вкупно 84 унгарски водостопански области ги надминал праговите утврдени со прописите, поради што биле воведени вонредни мерки, пренесе МТИ.

Според него, експерти од Дирекцијата за управување со води ќе спроведат посебни мерки за заштита и управување со водните ресурси на 74 отсто од територијата на земјата, со цел да се ублажат последиците од сушата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација Јаќимоски на работен состанок за реализацијата на Реформската агенда и процесот на европска интеграција.

Заменик-министерот за јавна администрација, Лазе Јаќимоски, денеска учествуваше на работен состанок посветен на реализацијата на Реформската агенда и процесот на европската интеграција, предводен од претседателот на Владата на Република Македонија, проф. д-р Христијан Мицкоски, и директорот на Генералниот директорат на Европската комисија за проширување и источно соседство, Герт Јан Копман.

На состанокот беа разгледани досегашниот напредок во спроведувањето на реформските активности, приоритетите во наредниот период, како и потребата од понатамошна координација меѓу институциите со цел навремено исполнување на преземените обврски од Реформската агенда.

Во фокусот на состанокот беа и реформите во областа на јавната администрација, како значаен дел од процесот на европска интеграција и усогласувањето со европските стандарди. Во оваа насока, беа разгледани активностите поврзани со исполнувањето на обврските од Реформската агенда, како и тековните процеси за унапредување на законската рамка и системските решенија во областа на јавната администрација.

Преку континуирано спроведување на реформите и конструктивна соработка со европските партнери, Министерството за јавна администрација придонесува кон изградба на институции кои функционираат според принципите на професионалност, ефикасност и отчетност. Јакнењето на јавната администрација останува еден од клучните приоритети во процесот на европска трансформација на државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.