Економија

Прв состанок на Основачкиот одбор на Канадско - македонската Стопанска комора

Со цел организирано економско поврзување и заеднички настап на македонската диспора, во Торонто беше одржан првиот состанок на Основачкиот одбор на Канадско - македонската Стопанска комора.

Со цел организирано економско поврзување и заеднички настап на македонската диспора, во Торонто беше одржан првиот состанок на Основачкиот одбор на Канадско - македонската Стопанска комора, иницијатива која има амбиција да стане централна точка на македонскиот бизнис живот во Канада.

Во состав на Основачкиот одбор се Милосов Лукароски, Теа Пешева, Диана Индовски, Иван Лукароски и Кирил Колемишевски, кои со овој чекор ја отвораат вратата за нова фаза на економско организирање на Македонците во Канада.

На состанокот беа поставени темелите на идното дејствување на Комората, со јасен фокус на поддршка на македонските претприемачи, професионалци и компании, како и на создавање силна и поврзана бизнис заедница која ќе може да настапува координирано, стратешки и заеднички, соопшти Основачкиот одбор на Канадско - македонската Стопанска комора.

Преку ваквиот пристап, Комората има намера да ги зајакне деловните односи внатре во македонската заедница во Канада, но и да отвори поширок простор за трговија, инвестиции и соработка меѓу Канада и Македонија.

Во својата поставеност, Комората се позиционира како платформа која ќе го поттикнува претприемништвото, ќе создава услови за професионален развој и ќе гради конкретни мостови меѓу македонските бизниси од двете страни на Атлантикот. Намерата е да се изгради стабилна економска мрежа која нема да биде само симболична, туку ќе произведува реални резултати преку партнерства, инвестиции и размена на знаење и искуства.

Основачкиот одбор ја нагласи својата определба оваа иницијатива да прерасне во силен двигател на економско поврзување, со јасна ориентација кон долгорочен раст, зајакнување на македонскиот бизнис идентитет во Канада и продлабочување на економските врски со Македонија.

Со овој прв состанок, Канадско-македонската Стопанска комора практично го означи почетокот на една нова организациска и економска енергија во дијаспората, со потенцијал да создаде видливи и трајни резултати за македонската заедница.

Канадско-македонската Стопанска комора е отворена за членство и соработка со сите заинтересирани субјекти, како од Канада, така и од Македонија, вклучително компании, претприемачи и професионалци кои препознаваат вредност во градењето силни деловни врски, размена на знаење и заеднички економски развој меѓу двете земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Во недела го поместуваме часовникот- аналитичарите откриле нешто неверојатно што се случува во повеќето домови

Со претстојната промена на часовникот и пораното затемнување, од недела официјално влегуваме во годишното време кое носи со себе забележителна промена во дневниот ритам и потрошувачките навики на населението.

Преминот кон таканареченото зимско сметање на времето традиционално го означува почетокот на сезоната во која фокусот на општествениот и економскиот живот се пренесува од отворените простори во топлината на домот, отворајќи нови полиња на раст за цела низа економски сектори.

Пазарните аналитичари истакнуваат дека раното затемнување делува како силен психолошки поттик за враќање на навиките поврзани со удобноста на домот. Од првиот работен ден во новиот ритам, се очекува значителен скок во користењето на платформите за стриминг и услугите за дигитална забава, бидејќи вечерните часови стануваат резервирани за филмови, серии и релаксација со семејството.

И тоа е првата неверојатна промена. Нема ни да забележите дека од тој ден всушност поминувате повеќе време пред екранот.

Заедно со е-забавата, апликациите за достава на храна и продавниците доживуваат најголем бум. Вечерите дома стануваат попрактичен и поудобен избор за многу граѓани, што отвора можност локалните ресторани и специјализираните услуги за достава значително да го зголемат обемот на работење за време на вечерните врвови.

Иако летните градини природно полека ги празни своите места со првиот самрак и посвежите вечери, угостителската индустрија доживува динамична трансформација, а не стагнација. Сопствениците на ресторани со нетрпение го поздравуваат пренасочувањето на гостите кон затворени простори, каде што топлите пијалоци, специјализираните менија и пријатните, интимни ентериери стануваат клучни средства.

Сезоната што претстои, со тоа, уште еднаш ја потврдува прилагодливоста на модерната економија, во која темнината не ја гаси потрошувачката, туку само ја пренасочува кон нови, поудобни и потопли текови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Честит Ден на македонската револуционерна борба!

Честит Ден на македонската револуционерна борба!

Честит Ден на македонската револуционерна борба! Небото свети Македонија. Неколку секунди македонска убавина и пораки. За многу години!, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Меланија Трамп договорила привремено примирје меѓу Русија и Украина во градот Олешки

Белата куќа објави дека Меланија Трамп, првата дама на Соединетите Американски Држави, успешно обезбедила прекин на огнот меѓу Русија и Украина во градот Олешки.

„Русија и Украина се согласија привремено да ги суспендираат сите воени дејствија во градот за да се овозможи влез на хуманитарна помош и да се подготви за евакуација на цивилите преку одреден безбеден премин“, додаде Белата куќа.

Договорот ќе стапи на сила на 29 октомври.

Олешки е украински град на руско окупираната страна од реката Дњепар, спроти Херсон.

Откако руските сили го зазедоа во 2022 година, тој е сведен на урнатини и отсечен од светот.

Сепак, илјадници цивили, вклучувајќи деца, остануваат таму. Според извештаите, тие живеат без електрична енергија, вода за пиење и редовни залихи на храна.

Жителите потврдија за Скај њуз дека многу луѓе варат трева за да преживеат.

Тагови: Меланија Трамп русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.