Прв пораз на ракометарките на Вардар сезонава во Лигата на шампионките - Канал 5

Ракомет

Прв пораз на ракометарките на Вардар сезонава во Лигата на шампионките

Ракометарките на Вардар го доживеаја првиот пораз сезонава во десеттиот одигран натпревар во Лигата на шампионките.

Прв пораз на ракометарките на Вардар сезонава во Лигата на шампионките

Вардарки вечерва пред својата публика се поразени од „лутиот“ ривал Будуќност 28-31 полувреме 16-17, во меч од 2.коло на втората фаза по групи.

Само еднаш во текот на целиот меч македонските шампионки имаа резултатска предност и тоа во 4.минута кога водеа со 3-2, но од тогаш па се до крајот на мечот црногорскиот прва беше оној кој го контролираше резултатот за на крајот да оствари победа со три гола разлика 31-28, идентично како што Вардар славеше во првиот меѓусебен дуел.

Црвено-црните немаа решение во одбраната за искусната Катерина Булатовиќ која за гостите од Подгорица постигна 14 голови.

Вчера се одиграа две средби од групата 1, во кои победи остварија домашните екипи. Астраханочка го победи Турингер со 26-24, а унгарскиот Ференцварош славеше во дуелот против Мец со 29-23.

На првите две места во оваа група со по 13 бодови се Вардар и Ференцварош , пред Будуќност кој има 10, а потоа следуваат, Мец 6, Турингер 4, Астраханочка 2.

Во втората група вчера се одиграат натпреварите, Ларвик – ЦСМ Букурешт 35-33 и Крим Љубљана – Ѓер 17-34 , додека денеска Есбјерг го победи Митјиланд минимално со 22-21.

Ѓер е лидер на табелата со 13 бодови, пред Ларвик со 10 и Митјиланд со 8, а по нив следуваат ЦСМ Букурешт 7, Крим Љубљана 6 и Есбјерг 4. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер