Минатиот викенд од 05 до 07 Април 2024г во хотел Аквалина Охрид се одржа Првиот конгрес на македонското здружение на медицински сестри на анестезија, реанимација и интензивна нега МЗМСАРИН на тема ”Со Едукација до Искуство”.
На наше огромно задовоство на конгресот учество земаа над 240 колешки и колеги од скоро сите јавни и приватни здравствени установи од земјава и регионот, каде голем број од нив активно учествуваа со предавања, презентации, работилници и дискусии од страна на предавачи, гости, подржувачи на конгресот.
Од Македонија учество земаа колеги од КАРИЛ, ГОБ 8 Септември, ЈЗУ Св.Наум Охридски, КБ. Аџибадем Систина, УК Неврохирургија, ОБ Ремедика, УК Државна Кардиохирургија, Асоцијација за дезинфекција и стерилзација, УК ГАК, Очна болница Деница, УК.Неврологија, КБ Штип, ОБ Кочани, САРИЛ КБ Битола, ПЗУ Болница Плодност-Битола, ЈЗУ СБОТ „Св.Еразмо“ – Охрид, ОБ Охрид, ОБ Гостивар и Систина Офтамолигија.
Гости од Србија беа Здружението на анестетичари, интензивна нега и трансфузија на Србија, Институт за онкологија и радиологија Белград, КЦ Крагуевац, ОБ. Св.Лука Смедерево, ОБ. Врање и ОБ Петровац на Млава.
Гости од Република Српска - Универзитетски клинички центар на Р.Српска - Бања Лука, СХБ Д-р Костиќ – Бања Лука.
Од Црна Гора - Клинички Центар Подгорица, ОБ. Бјело Полје, Специјална болница Васо Чуковиц Рисан.
Од Хрватска ЕКО ЛАБ Загреб.
За време на двата конгресни дена беа презентирани 25 практични примери, работилници, искуства и новитети од страна на нашите колеги, каде секоја презентација беше прифатена со големо внимание, интерес и дискусија од страна на голем број од посетителите и слушатели на конгресот.
Остваривме нови контакти и соработка со колеги во земјава и регионот, кои ќе ги надоградуваме и одржуваме, зошто најголемиот императив во работата на МЗМСАРИН е токму афирмација и едукација на нашата професија.
Можеме слободно да кажеме дека не сме воопшто субјективни при оценувањето на успешноста на овој конгрес, бидејки покажавме дека заедно можеме и знаеме да организираме конгрес на едно виско ниво на организација, разбирање, сериозност и секако единство на целата наша фела. Ова е заклучок од коментарите на сите учесници, подржувачи и организатори.
Се заблагодаруваме на сите учесници, предавачи, гости од земјава и од регионот кои оставија свој печат на конгресот и сите кои помогнаа во организацијата и реализацијата на нашето првенче.
Благодарност до нашите подржувачи без кои овој настан не можеше да биде реализиран:
ММ Хоспитал, Алкалоид Конс, МедиТрејд, д-р.Пановски, Царсо Пхарм, Кубис Медикал, Винора –Дрегер, Нобел Илач, Пипл Медиа
Ви благодариме на сите за подршката што ни ја укажавте.
Со почит,
Организационен одбор на МЗМСАРИН