Протестираат професорите од Белград, бараат заштита од насилството во училиштата

Со протест „За достоинството на професијата“, денеска во центарот на Белград просветните работници побараа државата да реагира на зачестеното насилство во училиштата, откако за неполни две недели беа забележани сериозни инциденти.

На протестот што го организираа Синдикатот за образование на Србија и Синдикатот на просветните работници на Србија по случаите на насилство на ученици врз наставниците, беа побарани измени на законската регулатива за подобра заштита на вработените во училиштата, како и барање за зголемување на платите за 25 отсто.

Протестите беа предизвикани од неодамнешниот инцидент кога ученици во средно училиште ѝ го извадија столот за наставничката која падна до столот, а целата работа беше снимена и објавена на социјалните мрежи.

Потоа, во врсничко насилство, ученик во Суботица бил тешко повреден, поради што лекарите морале да му ја отстранат слезината.

Претставничката на Синдикатот за образование на Србија, Валентина Илиќ, рече дека нејзините колеги се собрале во обид да го одбранат „достоинството на сите оние кои се образовани да бидат добри луѓе, а не само воспитувачи“.

„Наставниците трпат насилство не само од родителите, туку и од директорот и од Министерството, изјави Илиќ на протестот. Таа нагласи дека платите на просветните работници се под републичкиот просек. Просечната плата во образованието е, како што претходно објавија медиумите, меѓу 600 и 700 евра.

Воспитувачите бараат да се почитуваат и спроведуваат законите и да се заштитат, посочувајќи на фактот дека ниту еден родител никогаш не бил казнет за насилството над своето малолетно дете.

„Нема да дозволиме наставниците и професорите да бидат понижувани од деца, бидејќи иако ни одзедоа сè, не го даваме достоинството“, изјави Валентина Илиќ и посочи дека денешниот протест е одговор на „избришаното достоинство“ на воспитувачите и сите вработени во образованието.

Едно од барањата е да им се додели статус на службено лице на наставниците и просветните работници, за да бидат заштитени како и другите вработени во државните и јавните служби. Утре во основните и средните училишта во Србија ќе се одржи масовен протест „Стоп за насилството во училиштата“, организиран од синдикатот на работниците кои ќе протестираат во 46 градови.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

притисни ентер