Просечната месечна плата во декември порасна за 7,6 проценти со најголем раст во транспортот, земјоделството и трговијата - Канал 5

Македонија

Просечната месечна плата во декември порасна за 7,6 проценти со најголем раст во транспортот, земјоделството и трговијата

Втор месец по ред минималната синдикална кошничка потешка за речиси 1 000 денари. 

Просечната месечна плата во декември порасна за 7,6 проценти со најголем раст во транспортот, земјоделството и трговијата

Сојузот на синдикати ја објави новата пресметка која за февруари изнесува 67 382 денари и е зголемена за 969 денари. За еден месец на четири члено смеејство, според пресметките на синдикатот, само за храна и пијалаци им се потребни над 25 илјади денари…

-Пресметките покажуваат дека последниве три месеци зголемувањето е најголемо токму во делот на храната, па така во декември за храна и пијалаци потребни биле 23 648 денари, во јануари 24 211 денари, додека во февруари оваа сума изнесува 25 156 денари.

Првиот човек на ССМ, Слободан Трнедафилов вели, растот на трошоците за живот веќе го изеде најавеното зголемување на минимланата плата, кое треба да се случи во март. Од синдикатот уште еднаш повторија дека е потребно час поскоро измени на законот за минимална плата со што истата би досетигнала 600 евра, а не како што е досега во март да се згоелми за околу 1 500 денари.

„За два месеци или од почетокот на годината веќе го изеде најавеното зголемување на минималната плата што функционерите сакаат да им го дадат на работниците за 1 500 денари односно вредноста и секое семејство на работниците е посиромашно за 2 000 денари за само два месеци...За 24 месец или онолку колку што одбиваат да ја згоелмат минималнта плата вредноста на синдикалната минимална кошница е згоелемна за 10 илјади денари... “-Слободан Трендафилов – претседател на ССМ.

Во меѓувреме Државниот завод за статистика ги објави податоците за износот на просечната нето плата исплатена по вработен во месец декември која изнесувала 46 889 денари и бележи годишен раст од 7,6%. И натаму највисоките плати се исплатени во ИТ секторот каде што просекот изнесува околу 86 илјади денари а најниските плати кои достигнуваат околу 33 илјади се исплатени во угостителството.

YouTube video

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер