Напаѓачот, кој беше убиен од полициски специјалисти, бил осуден на 16 години затвор во 2012 година за учество во подготовка на терористички напад на лондонската берза. Но, минатата година, во ова време, Усман Кан бил условно ослободен, но морал да носи еклектична алка за следење на ногата , така што полицијата знала во секое време каде се наоѓа.
„Ова лице им беше познато на властите и е осудено за тероризам во 2012 година“, рече Нил Басу, највисок британски офицер за борба против тероризам.
Но, Усман Кан очигледно го искористи семинарот „Ајде да научиме заедно“ за рехабилитација и социјализација на поранешни затвореници и осудени лица, организиран од Универзитетот во Кембриџ во салата Фишморген, недалеку од мостот во Лондон. Според извештаите во тамошните медиуми, Усман Кан дури бил активен учесник на семинарот и имал извештај за неговите искуства за поминатото време во затвор и по ослободувањето.
На паузата, околу 14 часот по локално време, тој неочекувано тргна во својот крвав поход, во самиот објект на салата Фишморген. Му се спротиставил еден од поранешните затвореници, исто така учесник на курсот за рехабилитација на терористи , но Хан успеал да излезе и да се стрча на улица, каде веднаш почнал со нож да ги напаѓа минувачите , а на појасот носел експлозивна направа . Во неговиот луд напад, тој успеал да им нанесе смртоносни удари на двајца минувачи и да повреди неколкумина од нив. Но, наскоро случајните минувачи му се спротивставиле, го разоружаа и го спречија натамошното дивеење и го држеа настрана додека не пристигна полицијата, која според британските медиуми дошла во рекордно време.
По овој дивјачки напад се појавија две важни прашања - како регистрираниот и осуден терорист, кој бил набљудуван од полицијата преку електронска алка, успеал да го изврши нападот и да носи лажен експлозив на појасот.. Сите се прашуваат како тој воопшто успеал да влезе на веројатно добро обезбедениот собир со сето оружје во салата Фишморген. Очигледно е дека ова е голем полициски неуспех, особено затоа што за време на претстојниот Божиќ е многу ризично време за терористичка активност, прашуваат британските медиуми.
Втора работа е во тоа што за разлика од претходните терористички напади, кога луѓето претежно бегаа во паника и се обидуваа да се сокријат, сега се покажа дека луѓето веројатно веќе станале „навикнати“ на радикалниот тероризам како дел од секојдневниот животи и му се спротивставија на напаѓачот, иако тој имал „експлозивен појас“ на него (луѓето не знаеле во моментот кога се обидоа да го запрат дека станува збор за „лажен“ појас). Безбедносните камери покажаа дека неколку лица му го попречија патот на терористот и покрај опасноста да бидат прободени, па дури и еден минувач од другата страна на улицата се стрчал кон напаѓачот за да го спречи.
Експертите за безбедност веруваат дека луѓето станале „зрели“ и „образувани“ доволно за да се одбранат и на некој начин да го ризикуваат сопствениот живот за да ги спречат лудите напаѓачи. Градоначалникот на Лондон Садик Кан ги пофали „обичните херои од улицата“, велејќи дека тие се „најдобрите од нас“, а премиерот Борис Џонсон посебно им се заблагодари.
Да потсетиме дека пред две години, во март и јуни 2017 година, во Лондон беа извршени два тешки терористички напади - во палатата Вестминстер, недалеку од британскиот парламент, кога во нападот загинаа пет лица, а петмина беа повредени, како и на Лондонскиот мост , кога луд возач уби осум лица и рани 48 минувачи.
Најголемиот терористички напад во Лондон се случи на 7 јули 2005 година, кога загинаа 52 лица, а 700 беа повредени во неколку одделни бомбашки напади врз градските автобуси и метрото.