Пронашле запалени коски, 400 пара чевли и проштални писма- логор за истребување во Мексико - Канал 5

Свет

Пронашле запалени коски, 400 пара чевли и проштални писма- логор за истребување во Мексико

Три печки за кремирање, остатоци од изгорени тела, самоубиствени белешки, 400 пара чевли, купишта облека и накит биле пронајдени оваа недела во таен картелски „логор за истребување“ во Мексико, пишува The Sun.

Пронашле запалени коски, 400 пара чевли и проштални писма- логор за истребување во Мексико

Приватна волонтерска група наречена Guerreros Buscadores, која трага по исчезнати луѓе во Халиско, откриле таен импровизиран крематориум на ранчот Изагуир во Теучитлан, на околу 140 километри од Пуерто Ваљарта.

„Го најдовме местото бидејќи добивме неколку анонимни повици“, изјави за AFP Индира Наваро, член на групата за пребарување.

Тие ја започнале својата потрага по неколку анонимни повици во кои се споменуваат сомнителни околности на ранчот. Ги дочекала глетка која не ја очекувале - стотици изгорени коски во гробници, опкружени со чаури.

Полицијата верува дека ранчот бил „центар за обука“ што го користел картелот Халиско Нова генерација. Во истрагата е вклучена и Националната гарда, која ги испитува личните предмети што ги оставиле жртвите.

„Ова е многу сериозен проблем, неверојатно е што оваа ситуација не им беше позната на локалните власти“, изјави мексиканскиот јавен обвинител Алехандро Герц.

На ранчот биле пронајдени куфери, накит, парчиња облека и 400 пара чевли, за кои се верува дека им припаѓаат на жртвите кои биле киднапирани и убиени.

Тие оставиле и проштални писма за своите најблиски.

„Љубов моја, ако еден ден не се вратам, сети се колку те сакам и кажи: „Гневот и љубомората ми исчезнаа“, е едно од рачно напишаните проштални писма откриени во текот на истрагата.

Пронајдена е и Библија со слики од три деца скриена внатре. Истражителите веруваат дека тие им припаѓале на нивните родители, па би можеле да бидат знак на надеж и одговори за нивното семејство.

„Мајката или таткото ги носеа, фотографиите беа заглавени на страниците на Библијата“, велат истражителите.

YouTube video

Полицијата соопшти дека пронашле тетратка со прекари на 54 жртви. Пописот бил групиран на тој начин што биле евидентирани десет лица истовремено, но идентитетот на жртвите се уште не е потврден. Халиско е мексиканската држава со најголем број исчезнати луѓе, речиси 15.000, пишува The Sun.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање.

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање, а секој евентуален обид да се оспори резултатот, може да ја втурне Србија во нов период на нестабилност и политичка криза, оценува политичките аналитичар Петар Арсовски за Канал 5.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Избори во Србија: Незапаметени редици од рано наутро, излезноста над 61% до 17 часот

Гласачките кутии во Србија остануваат отворени уште два часа, но веќе сега е извесно дека излезноста ќе биде рекордна.. 

Избори во Србија: Незапаметени редици од рано наутро, излезноста над 61% до 17 часот

До 17 часот гласаа 61% од запишани 6,45 милиони глаѓани, со што се надмина вкупната излезност на претходните избори во 2023 година... Главната битка се води меѓу владејачката СНС предводена од Александар Вучиќ и Студентската листа, додека останатите партии и коалиции се борат да го поминат изборниот праг од 3 проценти за да влезат во парламентот...

Во Белград е Михаило Донев.. Михаило, расте и излезноста, но и напнатоста, со оглед дека високата излезност сугерира дека гласачите бараат промени... Каква е атмосферата во центарот на градот?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Повторно гори „Орловото гнездо“ на Хитлер (ВИДЕО)

Пожар повторно избувна ноќеска во планинското засолниште „Орловото гнездо“ во јужна Германија, кое некогаш го користел нацистичкиот диктатор Адолф Хитлер, соопшти денес баварската полиција. 

Повторно гори „Орловото гнездо“ на Хитлер (ВИДЕО)

„Повторно изгоре до висина на просторијата“, изјави полицискиот службеник.

Пожарникарите беа испратени на историското место, познато во Германија како Келштајнхаус, на самиот врв на планинското одморалиште Оберзалцберг и го изгаснаа пламенот. Не е невообичаено тлеечките жарчиња повторно да разгорат пожар откако ќе се изгасне главниот пожар, додаде службеникот, објави ЗД.

Уапсен маж

Голем пожар избувна во „Орловото гнездо“ во петокот вечерта. Полицијата го уапси осомничениот под сомнение за палење. Првичната психијатриска проценка на 33-годишниот Германец покажа дека тој е ментално болно лице, според обвинителството.

Зградата беше во голема мера уништена во пожарот, а штетата се проценува на милиони евра. „Орловото гнездо“, кое се наоѓа на надморска височина од над 1.800 метри надморска височина, е изградено под нацистичкиот режим во 1930-тите години како дел од комплексот што го користел Хитлер на Оберзалцберг.

Нацистичка историја

Се користи како ресторан од 1952 година. Сепак, објектот бил затворен во петокот и никој не бил повреден во пожарот. Хитлер го посетил „Орловото гнездо“ неколку пати за да прими дипломати и други странски гости, според локалниот туристички одбор во градот Берхтесгаден.

Сепак, од политичка гледна точка, ова засолниште „останало од мало значење“ и главно го користеле високи нацистички функционери за одмор, слободно време и приватни прослави, додава здружението. Денес, во него се одржува изложба што ја прикажува неговата нацистичка историја.

Тагови: Адолф Хитлер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер