Македонија

Промовирано завршувањето на проектот за санација на браната на Слатинското Езеро во Дебрца

Санацијата на браната на акумулацијата е реализирана со финансиска поддршка на ЕУ, имплементирана од УНДП, во рамки на поширокиот проект за надминување на последиците од поплавите во 2015 година вреден десет милиони евра.

Амбасадорот на ЕУ Самуел Жбогар, шефот на канцеларијата на УНДП во земјава, Нарин Шахакјан, министерот за земјоделство Трајан Димкоски и градоначалникот на Дебрца Зоран Ногачески денеска го промовираа завршувањето на проектот за санација на браната на Слатинското Езеро.

– Со реконструкцијата постигната е структурна стабилност на браната и отпорност од надојдени води со што се намалува ризикот од поплави. Истовремено санирањето ќе овозможи навремена достапност на вода за наводнување на обработливите површини, истакна министерот Димкоски.

Евроамбасадорот Жбогар изрази задоволство што се завршува проектот за санација на браната, нагласувајќи дека се работи за дел од активностите финансирани од ЕУ, насочени кон поголема подготвеност за справување со евентуални природни непогоди.

– Климатските промени носат непредвидловости во природата, оттаму потребата за што поголема подготвеност на такви појави. Неодамна во Охрид го отворивме Центарот за спасување на планина и на вода, сега го промовираме овој проект за санација на браната на Слатинското Езеро. Вредноста на овој проект изнесува 1,2 милиони евра, а опфаќа не само нејзина реконструкција, туку и нејзино осовременување, во насока на подобрување на нејзината отпорност на потенцијални опасности, рече Жбогар.

Тој посочи дека ЕУ во регионот финансира уште два значајни проекта: за промоција на Белчишкото блато за заштитена зона и враќање на реката Сатеска во старото корито, односно заштита на Охридското Езеро.

Амбасадорката на УНДП Нарине Шахакјан појасни дека санацијата на браната на Слатинското Езеро е само дел од поширокиот проект за реконстукција на објекти, инфраструктура оштетени од временски неприлики.

– Не станува збор тука само за проста реконтрукција. Работевме на голем број објекти, брани, мостови, објекти. Станува збор за активности при што се користат иновативни технологии, материјали, со единствена цел тие да бидат многу поотпорни на идни предизвици, временски неприлики. Мошне е важно и властите и јавните институции на сите нивоа да бидат подготвени со нив да оперираат со нив на соодветен начин, за на најдобар начин да можат да се справуваат со предизвиците, рече таа.

Шахакјан укажа на потребата активностите и проектите за заштита на природата да бидат еднакво важни при одлучувањето за сите институции по хоризонтала, за нивна што поголема одржливост.

Градоначалникот на Дебрца Ногачески се заблагодари на помошта од ЕУ и УНДП, уште повеќе поради важноста на Слатинското Езеро за кое рече дека претставува потенцијал што во иднина би бил искористен за туристичка промоција на Дебрца. Тој рече дека Општина Дебрца веќе работи на изготвување урбанистички план кој предвидува внесување повеќе туристички содржини.

– Следуваат конкретни активности, преку Швајцарската агенција за развој и соработка обезбедени се средства за изградба на пешачка патека и внасување неколку туристички содржини на Слатинското Езеро. Со изградбата на браната е направен значаен исчекор, но останува потребата од чистење на дното на акумлацијата и повторно полнење со вода, рече Ногачески изразувајќи уверување дека со помош на институциите, фондовите на ЕУ и на УНДП ќе биде целосно вратен првобитниот изглед на Слатинското Езеро.

Како последица на обилните врнежи во февруари 2013 година попушти стариот земјен насип на Слатинско Езеро, што беше изграден во средината на минатиот век. Рибниот фонд од езерото беше изловен и пренесен во други водни акумулации и реки. Водата од акумулацијата беше испуштена за да се спречи уривање на браната и загрозување на околните населени места./МИА

Живот

Потрошил 14.000 евра за да стане куче, а сега повторно шокира со новиот кучешки костум (ВИДЕО)

Претходно пишувавме за Јапонец, кој се крие зад прекарот Токо.

Тој потрошил повеќе од 14.000 евра на костим за куче, со цел да го исполни детскиот сон и да го запознае светот од перспектива на животното.

Сега тој повторно го шокира светот, откако претстави хиперреалистичен костим на маламут од Алјаска што му овозможува да прави „нови трикови“.

Потсетуваме, Јапонците ангажираа експерти од компанијата „Цепет“ на кои им биле потребни 40 дена за реализација на проектот.

Му дале импресивен костим на овчарско куче со густо крзно и анатомски исправни екстремитети, но неговата глава била „најслабиот“ елемент.

Сега Токо претстави нова инвестиција, а костимот од Alaskan Malamute изгледа импресивно, со можност за движење на опашката и устата, пренесува Oddity Central.

Тој признава дека ја крие својата страст од пријателите, семејството и колегите на работа, плашејќи се од суд, но не планира наскоро да се откаже од хобито.

Ако ништо друго, се чини дека тој е сѐ повеќе и повеќе опседнат со кучешкиот живот секој ден.

Живот

„Жешката“ полицајка која му играше во скут на шефот доби отказ, но не за снимката (ВИДЕО)

Њујоршката полицајка Вера Мекали (26) се најде во центарот на вниманието на јавноста откако беше објавено видео на кое таа танцува во скутот на тогашниот шеф.

Оттогаш поминаа три години, а жената сега е отпуштена - од други причини, објави Дејли Стар.

По жешкото видео од забавата, Вера продолжи да работи во службата, а нејзиниот шеф бил префрлен на ново работно место.

Сепак, иако не добила отказ, по две години од егзотичното танцување, Вера била суспендирана поради мешање во апсењето на нејзиниот девер кому се обидела да му помогне кога бил запрен поради возење во пијана состојба.

Вера ги нападна полицајците од Њу Џерси затоа што го фатиле, велејќи дека „не ја завршиле добро работата“.

Како што пренесуваат американските медиуми, таа боса втрчала во станицата и врескала дека е полицајка.

Таа барала да ѝ кажат зошто мажот е уапсен.

Истрагата покажала дека полицајците направиле сѐ по протокол, а Вера била исфрлена од полициските сили.

„Тато, згрешив, се срамам што те посрамотив тебе и семејството“, му рекла Вера на својот татко и додала дека сѐ „требало да биде шега“.

„Не бев свесна дека му ја уништив кариерата, сега изгледа како лош човек, извини“, рекла поранешната полицајка.

Свет

Во куќата на нацистички лидер се пронајдени човечки остатоци- сите немаат шаки и стопала

Група аматерски истражувачи пронашле коски од пет луѓе во куќа која некогаш му припаѓала на еден од најблиските соработници на Хитлер - Херман Геринг.

Остатоците се пронајдени во трошна зграда во близина на поранешното седиште на Адолф Хитлер, Волчјо дувло, во денешна Полска, пренесува Der Spiegel.

Во густо пошумена област покриена со бункери, националсоцијалистите изградиле добро обезбеден квази-мал град за нивното раководство - вклучувајќи кино, чајџилница и противвоздушни станици.

Речиси 80 години подоцна, Волчицата била обрасната со плевел и природата ги „голтнала“ куќите, а се верувало дека урнатините на куќата што некогаш ја користел Геринг биле добро истражени. Меѓутоа, кога археолози аматери од Полска и Германија почнале да бараат под дрвениот под, ископале човечки череп на длабочина од десет сантиметри.

Веднаш повикале полиција, но немало докази дека таму е извршено неодамнешно злосторство. Тогаш тимот истражувачи, предводен од Октавијан Бартошевски, почнал да копа понатаму. Како што пишува Der Spiegel, пронајдени се останките на уште три лица, тинејџер и бебе.

„Можеби се работи за семејството кое било погребано во куќата на Геринг, пишува Der Spiegel.

Засега не е јасно чии се посмртните останки. Можно е дека остатоците веќе биле таму за време на изградбата на куќата, како што знаел фелдмаршалот Рајх. Меѓутоа, можно е и овие луѓе да дошле во Волчицата по завршувањето на Втората светска војна.

Полското јавно обвинителство сега сака да утврди дали масовното убиство има врска со нацистите.

Она што ги загрижува сите е тоа што на сите скелети им недостасуваат шаки и стопала. Постои можност коските да изгниле во текот на децениите, но и некој да им ги отсекол екстремитетите.

притисни ентер