Промовирани нови 12 книги од кои се учи на најреномираните универзитети

Дванаесет нови дела од проектот за превод на 100 стручни, научни книги и учебници од кои се учи на врвните, најдобрите и најреномираните светски универзитети денеска беа промовирани во Скопје.

Со нив, досега вкупно се преведени 919 дела од областа на природно-математичките науки, филозофијата, електротехниката и машинството, компјутерските науки, менаџментот, ликовните науки.....

Поголем дел од денеска промовираните книги се од областа на компјутерските науки и информатиката, како и од електротехничките и машинските струки.

Премиерот Никола Груевски, кој заедно со заменик-министерот за образование и наука Спиро Ристовски присуствуваше на промоцијата, истакна дека овие две полиња се од исклучително значење за Република Македонија.

- Развојот на ИТ секторот во Македонија е поле на кое во изминатите неколку години макотрпно и посветено се работеше. Тргнувајќи од обезбедувањето на комјутери и интернет за сите ученици, општата и масовна едукација на населението за работа на компјутер и интернет, масовната имплементација на ИТ можностите во административните услуги, преку стимуалција за отворање на нови смерови, факултети и нов универзитет за информатички науки и технологии во Охрид, па се до бројните стипендии за поттикнување на многу млади да ги изичуваат информатички науки и технологии, нагласи Груевски.

Тој напомена дека од значење за државата се и стручните кадри во делот на техничките науки кои се дефицитарни на пазарот на трудот и особено барани од домашните и странските компании.

- Од тие причини Владата на Република Македонија во континуитет презема мерки за стимулација на младите за насочување кон техничките науки. И во овој случај, литературата и кинигите од кои се учи е особено важна, посебно затоа што странските компании особено ги ценат кадрите кои имаат познавања и стручност кои се компатибилни со знаењата на развиените западни држави. Токму затоа во проектот за „Превод на 1000 стручни и научни книги и учебници се вклучени голем број дела од овие науки, рече Груевски.

Тој најави дека проектот се проширува со уште 200 нови книги од кои за првите 50 веќе е објавен јавниот повик за превод и печатење.

Заменик-министерот Спиро Ристовски нагласи дека веќе е започната постапката за набавка на книги од областа на пегадогијата, земјоделството и медицината.

- Македонските студенти треба и мора да бидат на исто рамниште со нивните колеги од најреномираните универзитети, рече Ристовски, апелирајќи до студентите да ја користат оваа литература.

Најмалку петмина уапсени пред белоруската амбасада во Москва

Најмалку пет лица се уапсени за време на вечерашниот протест пред белоруската амбасада во Москва.

По двочасовните мирни протести против резултатите од претседателските избори во Белорусија, руската полиција растури група од 200 демонстранти и уапси најмалку пет лица, јавува ТАСС.

По објавувањето на резултатите од претседателските избори во Белорусија, на кои сегашниот претседател Александар Лукашенко освои повеќе од 80 проценти од гласовите, избувнаа протести во целата земја.

За време на тридневните протести во Минск и другите белоруски градови, едно лице загина, а повеќе од 6.000 лица се уапсени.

Малолетната ќерка на Моника Белучи стана заштитен лик на Долче и Габана

Познатиот бренд Dolce & Gabbana има нова муза - тоа е 15-годишната Дева Касел, ќерка на италијанската актерка Моника Белучи и францускиот актер Винсент Касел, која се чини дека има светла иднина во светот на модата.

Тинејџерката, која очигледно ја наследи безвременската убавина од нејзината убава мајка, деновиве снимаше кампања за новиот парфем „D&G“ Shine на бреговите на италијанското езеро Комо во провинцијата Ломбардија.

Секако, присуството на Дева предизвика голем интерес кај папараците и медиумите, а нејзината благосостојба и безбедност внимателно ги следеа грижливите родители - иако се разведоа во 2013 година, Моника и Винсент учествуваат подеднакво во воспитувањето на 15-годишната Дева и нејзината петгодишна сестра Леони.

\

Дева дефинитивно се обидува да ја заштити својата приватност во секое време и е многу внимателна со објавите на социјалните мрежи, но за жал, и таа неодамна се најде под оган од злонамерните интернет тролови кои почнаа да шират озборувања за тоа како таа се подложува на козметичка хирургија, т.е. ја обвинија дека ги зголемила усните.

- Ве молам, јас сè уште немам 16 години ... Нормално е тинејџерите да поминат низ физички промени, особено на оваа возраст. Никогаш не размислував за каква било постапка и знам дека моите родители никогаш не би го дозволиле тоа. Човечкото тело се менува, затоа ве молам уште еднаш, размислете пред да започнете да ширите бесмислени, глупави и лажни вести за младите – им одговори Дева.

Шпанија забрзано гради болница поради зголемениот број заболени од корона

Бројот на нови случаи на коронавирус во Шпанија денеска се зголеми за скоро 1.700, а во овие бројки не е опфатен Мадрид, кој не даде информации заради технички проблеми.

Од укинувањето на строгите рестриктивни мерки пред шест недели, Шпанија се обидува да го спречи ширењето на коронавирусот.

Иако просечниот дневен број на заразени лица бил помалку од 150 во јуни, околу 1.500 нови случаи се регистрираат секој ден во првите 12 дена од август.

Како резултат, војската брзо гради нова полска болница во Сарагоса, главниот град на Арагон, регион кој сега е жариште на коронавирусот.

притисни ентер