Промовирана техничка надградба на хибридна сала за ендоваскуларен третман на пациенти на Државна кардиохирургија - Канал 5

Македонија

Промовирана техничка надградба на хибридна сала за ендоваскуларен третман на пациенти на Државна кардиохирургија

На промоцијата, покрај директорот Дејан Димитровски, присутни беа и премиерот Христијан Мицкоски, министерот за здравство Азир Алиу, како и директорот на Фондот за здравствено осигурување, Сашо Клековски.

Промовирана техничка надградба на хибридна сала за ендоваскуларен третман на пациенти на Државна кардиохирургија

Во ЈЗУ Универзитетска клиника за државна кардиохирургија во Скопје попладнево имаше промоција на техничка надградба на хибридна сала за ендоваскуларен третман на пациенти, како што беше соопштено од надлежните, сега опремена со дополнителна современа опрема, единствена во регионот - нагласено, каде на едно место ќе може да биде извршена дијагностика.

На промоцијата, покрај директорот Дејан Димитровски, присутни беа и премиерот Христијан Мицкоски, министерот за здравство Азир Алиу, како и директорот на Фондот за здравствено осигурување, Сашо Клековски.

- За мене претставува навистина, пред сѐ, чест, а потоа и задоволство, да можам да бидам заедно со овие луѓе позади мене, со министерот, со директорот на Фондот, со директорот на клиниката, со сите овие доктори, професори, академици, луѓе коишто работат од медицинскиот персонал, сите оние луѓе коишто имаат своја заслуга за ова што денеска ние го видовме. А, тоа што денеска го видовме е нешто што можеме ние да го видиме овде во Скопје, во Клиничкиот центар, во зградата на Кардиологија и Кардиохирургија, но, тоа не можат да го видат клиниките во Белград, во Загреб или во Љубљана, на пример. И треба да сме среќни и ваков тип на проекти треба да поздравуваме, затоа што пациентите тоа што можат да го добијат во Македонија, не можат да го добијат да речеме, пациентите во Белград, Загреб и Љубљана, нагласи премиерот Мицкоски.

Она што, исто така, додаде тој, го демонстрирале луѓето, е фактот дека сега додека се вршат кардиолошките процедури можат и кардиохируршките процедури истовремено да се вршат.

- Зашто го кажувам ова? Не го кажувам наивно, го кажувам затоа што како Влада, планираме процесот на интегрирање на клинички центар да го започнеме со интегрирање на кардиологија и кардиохирургија во национален васкуларен центар. И тој е веќе почнат со подготовки - поради изборите би рекол дека е во фаза на подготовка, но, веднаш после изборите поробусно, поинтензивно ќе продолжиме со тој процес. Како претседател на Владата и како Влада, апсолутно ќе ги подржуваме сите вакви напори на клиниките, на болниците во Македонија, поддршката ја добиваат и од министерот и од директорот на Фондот. Очекувам со вакви убави вести да се јавиме и од проектите што се во тек, да ја информираме македонската јавност, а веднаш после завршувањето на изборите, ќе имаме малку поробусна акција и поголем фокус на здравството, што ќе биде прв приоритет, потенцираше премиерот.

Министерот за здравство Алиу истакна дека продолжуваат со инвестиции од инфраструктурна и техничка гледна точка.

- Денеска сме тука по повод надградба на хибридната сала, што е единствена хибридна операциона сала во нашата држава и пошироко во регионот. Станува збор за современа апаратура што овозможува детекција, анамнеза и интервенција, а потоа и следење на здравствената состојба на пациентот при кардиохируршките интервенции, посочи министерот.

Со новиот компјутерски томограф, за што биле обезбедени средства од Министерството за здравство во вредност од 2 милиона евра, со најсовремени софтвери, овозможени биле услови со што нашата држава се вбројувала меѓу водечките центри во оваа област.

- Софтверите на ангиографот и томографот се целосно комплементарни и овозможуваат највисок стандард во ендоваскуларниот третман, беше истакнато на денешниот настан.

Задоволство од денешниот настан изрази и директорот на Државна кардиохирургија во Скопје, Димитровски.

Тој беше прашан дали биле обезбедени анестезиолози со цел да се има повеќе интервенции и колку анестезиолози има во моментов.

- Во моментот на клиниката се двајца анестезиолози коишто може да водат кардиохируршки интервенции. Меѓутоа, со напорите на Министерството за здравство, потпишани се меморандуми за соработка со клиники од околината, соседните држави и се чека нивно ефектуирање во најскоро време, одговори Димитровски на новинарското прашање.

Тагови: Државна кардиохирургија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пронашле змија меѓу лебот во супермаркет, експертите со предупредување: Луѓето не се свесни...

Бројот на напуштени влекачи и други егзотични домашни миленици во Велика Британија е во пораст, според организацијата за спасување животни „Pet Encounter“.

Пронашле змија меѓу лебот во супермаркет, експертите со предупредување: Луѓето не се свесни...

Експертите открија дека змија била пронајдена на полица за леб во супермаркет, а потоа била пренесена во ветеринарна клиника на преглед.

Сопствениците во финансиска криза

Не е познато дали змијата, со прекар „Трошка“, била напуштена или избегала, но „Pet Encounter“ вели дека кризата со трошоците за живот придонела за зголемување на бројот на сопственици кои предаваат змии за кои повеќе не можат да се грижат.

Организацијата спасила 21 змија од почетокот на годината, а 14 биле спасени во целата 2025 година.

Бен Николсон од организацијата истакнува дека грижата за змиите вклучува трошоци за опрема, грејни влошки и светилки, што е дополнителен финансиски товар во време на криза со трошоците за живот.

Недостаток на свест

„Бевме создадени за едукација, но сега размислуваме за промена на нашиот бизнис модел и за да станеме добротворна организација за да можеме да добиеме финансиска поддршка“, рече Николсон.

Тој рече дека недостатокот на свест за егзотичните животни и актуелните трендови, исто така, придонеле за зголемувањето на напуштањето на домашните миленици.

Николсон предупредува дека луѓето често купуваат змии без да бидат свесни за количината на грижа и внимание што му е потребна на таквото животно.

Тагови: змија леб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер