Промовирана монографијата „Цареви Кули" - Канал 5

Култура

Промовирана монографијата „Цареви Кули"

Синоќа во Струмица беше промовирана монографијата „Цареви Кули-Струмица (од праисторијата до Римското Царство)", книга прва, од археологот и долгогодишен истражувач на овој локалитет, м-р Зоран Рујак.

Промовирана монографијата „Цареви Кули"

Монографијата ја промовираше директорот на Управата за заштита на културното наследство, Ацо Костов.

-По 10 години истражување се добива една оформена идеа што се Царевите Кули, што се поседува како артефакти, што како недвижен материјал, што како книжен и таа завршница мислам дека ќе резултира понатаму со проекти за конзервација. Веќе има направено и пристапни патеки и влезе во туристичката мапа на градот Струмица, а со тоа и на целата држава. Важно е вакви големи зафати да бидат поддржани и од локалната самоуправа и од европски пари, но и од државата, рече директорот Костов.

Авторот на монографијата, археологот Рујак истакна дека Цареви Кули се обележје на Струмица и овој локалитет е неодминлив дел од историјата на градот.

-Цареви Кули е една читанка којашто испрочита сето она во историјата кое досега не беше пронајдено, не беше осознаено за самиот град. На некој начин успеавме да го прочитаме Цареви Кули уште од најстарите страници кои допираат во петтиот милениум пред нашата ера, па речиси до Втората светска војна, кога за последен пат Цареви Кули биле употребувани за нејзината примарна цел, а тоа е воено упориште, кое со милeниуми бдеело над судбината на градот, рече авторот Рујак.

Издавач на монографијата е НУ „Завод и Музеј Струмица", а промоцијата се одржа во рамки на манифестацијата „Струмица град на културата 2021".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава .

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава и тоа, против А.С.Д. поради постоење основи на сомнение за сторени две кривични дела „измама“ по чл.247 ст.4 од КЗ и „злоупотреба на лични податоци“ по чл. 149 ст.1 од КЗ и против М.В. поради постоење основи на сомнение за сторено кривично дело „помагање“ по чл.24 од КЗ.

Првопријавената А.С.Д., со директна умисла и однапред создаден план, со намера за себе и за второпријавената М.В. да прибави противправна имотна корист, во период од јануари до јули 2026 година во вкупно 19 наврати, со лажно прикажување и свесно прикривање на вистинските факти, довела и одржувала во заблуда 19 лица, така што без нивна согласност и овластувања, злоупотребувајќи и користејќи ги нивните лични податоци, во нивно име аплицирала за брзи потрошувачки кредити, а по одобрувањето и исплатата на парите, тие биле противправно присвојувани од страна на А.С.Д. и М.В.. Второпријавената М.В., постапувајќи по претходен договор, и помогнала на А.С.Д. во извршувањето на кривичното дело преку преземање на дејствија што овозможиле реализација на измамата. При тоа, се стекнале со противправна имотна корист од 10.820.000 денари, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено убиството на лекарот Трповски, уапсени сопружници од Скопје, соопшти Обвинителството

По повеќе од две години истрага, Основното јавно обвинителство Скопје и Министерството за внатрешни работи го расчистија убиството на Ацо Трповски, извршено во март 2024 година.

Расчистено убиството на лекарот Трповски, уапсени сопружници од Скопје, соопшти Обвинителството

Уапсени се сопружници од Скопје, при што 65-годишен маж е осомничен за убиство, а неговата 59-годишна сопруга за помагање при извршување на кривичното дело.

Според обвинителството, злосторството се случило на 21 март 2024 година на паркинг во населбата Автокоманда. Осомничената претходно договорила средба со трповски и влегла во неговиот автомобил. Набргу потоа пристигнал нејзиниот сопруг, кој, според сомнежите, по кратка расправија го нападнал трповски со нож, нанесувајќи му девет убодни рани во градите и телото, од кои починал. Автомобилот заедно со телото потоа го одвезле на паркингот кај поликлиниката железара. Обвинителството и за двајцата сопружници бара притвор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Претставници на поголемите стопански комори и министерството за економија на средба за оперативниот план за вработување

Заменик-министерот за економија  Марјан Ристески оствари работна средба со претставници на најголемите стопански комори.

Претставници на поголемите стопански комори и министерството за економија на средба за оперативниот план за вработување

Заменик-министерот за економија Марјан Ристески оствари работна средба со претставници на најголемите стопански комори на која се разговараше за мерката од јавниот повик „Вработување и раст на правни субјекти“ во рамки на оперативниот план за вработување.

Преку оваа мерка Ристески вели се дава поддршка во креирање на нови работни места во микро, мали и средни претпријатија, социјални претпријатија и граѓански организации.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер