Промовирана книгата „Ало Тончов-Бардот на велешката чалгија" на Трајче Малинов - Канал 5

Култура

Промовирана книгата „Ало Тончов-Бардот на велешката чалгија" на Трајче Малинов

 „Ало Тончов – Бардот на велешката чалгија" е прва книга на м-р по музика професор Трајче Малинов. Промоцијата беше во организација на Општина Велес и Локалната библиотека „Гоце Делчев".

Промовирана книгата „Ало Тончов-Бардот на велешката чалгија" на Трајче Малинов

Промоцијата беше во организација на Општина Велес и Локалната библиотека „Гоце Делчев". Во книгата е претставена чалгијата како музички феномен, автохтона за Велес и Македонија од 19 век па сѐ до денеска.

Покрај општите податоци за чалгијата, во ова стручно книжевно дело, претставен е ликот на Алексо (Ало) Тончов, како врвен инструменталист – виолинист, кој со својата мајсторија на инструментот и чалгиската свирка бил познат и признат во Велес и нашата земја.

Како што појасни Малинов, книгата е со неколку поглавја, општ дел наменет за целата популација, како и стручна обработка на нотни примери, нивна метричка и формална структура.

Покрај пишаниот збор, во книгата на Малинов има бројни фотографии, мелографирани и нотирани примери од песните и ората што се изведувале на свадбите и веселбите, како и мелоритмичка обработка на истите.

Авторот на книгата Трајче Малинов за МИА информира дека книгата е настаната со работата на неговиот магистерски труд од 2008 до 2011 година

-Оваа книга е ризница за незаборавот-чалгијата нешто драгоцено што е традиција во Велес и Македонија уште од 19 век па се' до ден денешен.Моментално во Велес има само две чалгиски тајфи и жал чалгијата е во изумирање.Но сепак со оваа дело сакам да оставам траг за незаборавот на велешката чалгија, потенцира тој.

Тој појаснува дека има чалгии и во други македонски градови, но велешката чалгија е посебна затоа што е со оној традиционален чалгиски состав и инструментариум каков што само во Велес се користи, а го нема во другите градови.

Тој истакнува дека има четири чалгиски региони во земјава: битолски, охридски, велешки и скопски, каде што, вели Малинов, во секој регион се користеле различни инструменти.

-Велешкиот чалгиски регион е специфичен по инструментариумот пред се' од арапскиот свет: ќенането, лаута, ќанон, ут, дајре, освен кларинет и виолина, кои не се дел од тој инструментариум, а сепак се користат, вели тој.

Инаку, Трајче Малинов, кој свири кларинет со неговата група „Виртус", има издадено два албума каде што се обработени најубави стари велешки чалгиски песни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Пијан Англичанец влета во пренос во живо, обезбедувањето го отстрани поради „забранет збор“ (ВИДЕО)

Навивач на Англија беше отстранет од обезбедувањето откако прекина пренос во живо на Sky News.

Пијан Англичанец влета во пренос во живо, обезбедувањето го отстрани поради „забранет збор“ (ВИДЕО)

Водителката беше во пренос во живо од Атланта околу еден час откако Англија беше поразена со 2-1 од Аргентина во полуфиналето на Светското првенство.

Додека новинарката зборуваше пред камерата, зад неа се појави маж во дрес на Англија.

Тој го привлече вниманието на публиката прашувајќи:

- Ќе зборуваме ли за Фолкландските Острови?

Потоа Англичанецот почна да пее песна од мјузиклот „Евита“, со текст:

- Не плачи за нив, Аргентина. Вистината е дека никогаш не…

Во тој момент, обезбедувањето дојде и го отстрани од местото на настанот.

Потоа новинарката коментираше со насмевка:

- Денес имаше многу навивачи кои пиеја многу алкохол и потрошија многу пари, - рече новинарката.

Погледнете:

Тагови: Англичанец пренос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Специјализираните совети во Хаг им го продолжија притворот на Вејсели и Красниќи

Судскиот совет на Специјализираните совети во Хаг ги отфрли барањата за привремено ослободување на поранешните водачи на терористичката ОВК, Кадри Вејсели и Јакуп Красниќи.

Специјализираните совети во Хаг им го продолжија притворот на Вејсели и Красниќи

Судскиот совет на Специјализираните совети во Хаг ги отфрли барањата за привремено ослободување на поранешните водачи на терористичката ОВК, Кадри Вејсели и Јакуп Красниќи, на кои им се суди за воени злосторства, и нареди продолжување на нивниот притвор.

Советот утврди дека сè уште постојат ризици обвинетите да ја попречат постапката или да извршат нови злосторства, објави веб-страницата на Специјализираните совети, пренесе Телеграф.

Специјализираната обвинителка Кимберли Вест во своето образложение наведе дека постои ризик обвинетите да ги заплашуваат сведоците и потсети дека пресудата против четворицата поранешни водачи на таканаречената ОВК ќе биде изречена на 16 септември, така што продолжениот притвор не е непропорционален.

Поранешните водачи на таканаречената ОВК, Хашим Тачи, Кадри Вејсели, Реџеп Селими и Јакуп Красниќи се обвинети врз основа на индивидуална кривична одговорност со шест точки за злосторства против човештвото и четири точки за воени злосторства.

Тие се во притвор во Хаг од нивното апсење во ноември 2020 година.

Терористичката ОВК изврши бројни злосторства, убиства и киднапирања во текот на 1998 и 1999 година против припадници на армијата и полицијата на тогашна Југославија, Срби и други неалбанци, како и Албанци кои не прифатија да бидат нејзини помагачи или членови.

Тагови: Хагг Красниќи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во Гудвуд е претставен електричниот Ренџ Ровер Спорт (ФОТО)

Land Rover ја претстави електричната верзија на Range Rover Sport на саемот во Гудвуд.

Во Гудвуд е претставен електричниот Ренџ Ровер Спорт (ФОТО)

Новиот модел ќе им се придружи на постоечките варијанти со шестцилиндричен, V8 и plug-in хибриден погон. Производителот ветува дека електричниот SUV ќе биде „подинамичен и побрз од кога било“ без да се прави компромис со можностите за теренско возење. Целосните спецификации ќе бидат објавени подоцна оваа година, веројатно како дел од редизајн на целата линија.

Демонстрација на способностите во Гудвуд

Извршниот директор на Range Rover, Мартин Лимперт, рече дека електричната варијанта ќе „ги редефинира високо-перформансните SUV“ кога ќе се појави на пазарот подоцна оваа година.

За време на приватната презентација во Гудвуд, компанијата ги подложи прототипите на серија тестови. Едниот беше извлечен од товарниот простор на авионот, другиот беше однесен по скалите, а потоа тестиран на тркачката патека. Целта беше да се покаже дека електричната верзија лесно може да извршува тешки задачи, исто како моделите со мотори со внатрешно согорување.

Дизајн и технологија

Land Rover вели дека теренецот „интегрира напредни технологии кои ослободуваат поголема моќност и вртежен момент. Перформансите се подобрени со напредни поставки на шасијата и звучен систем, сите комбинирани за да создадат искуство во возењето кое е уникатно и инстинктивно на кој било терен“.

Прототипите прикажани на Гудвуд ја имаа каросеријата на тековниот модел, кој е во продажба од 2022 година. Тие се одликуваа со нови алуминиумски тркала и специфични светла што ја осветлуваат земјата. Се очекува дека производствената верзија ќе изгледа поинаку кога ќе стигне до клиентите.

Неодамна, камуфлирани прототипови на освежениот Ренџ Ровер Спорт беа фотографирани на Нирбургринг. Фотографиите откриваат модифицирани браници, редизајнирани LED светла и други мали промени во дизајнот. Се очекува редизајнот да донесе и технолошки подобрувања во кабината.

Погонски склоп и остатокот од гамата

Производителот не ја откри моќноста на електричниот погон, но се претпоставува дека ќе биде слична на погонскиот склоп од 405 kW (550 КС) што се наоѓа во електричниот Range Rover. Целосните спецификации ќе бидат објавени подоцна во 2026 година, најверојатно заедно со воведувањето на редизајнот.

JLR потврди дека гамата на Range Rover Sport ќе продолжи да вклучува опции со шестцилиндрични бензински и дизел мотори, благ хибриден V8 бензински мотор и plug-in хибрид. Со ова се задржува истиот опсег на погонски склопови како и претходно.

Тагови: Ренџ Ровер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер