ПРОЛЕТНИ РОЛНИ

РЕЦЕПТ НА: МАРИЈА АЛЕКСАНДРОВА

Потребни состојки : 500 гр. кори, 500 гр. свинско мелено месо, 2 главици кромид, 1 зелена пиперка, ½ луто пиперче, 400 гр. златна мешавина, малку масло, малку лук, малку зачин од сув зеленчук, малку оригано и малку бибер.

Постапка:

Во тава со загреано масло за пропржува: ситно сечкан кромид, сечкана пиперка, луто пиперче и малку лук.

Потоа се додава мелено месо и се продолжува со пржењето неколку минути.

Откако месото ќе се пропржи се додава златна мешавина и се зачинува со малку зачин од сув зеленчук, малку оригано и малку бибер.

Со добиената смеса се филуваат кори и се формираат ролни.

Ролните се пржат во тава со загреано масло на помала температура.

Пелоси бара кривична одговорност за пратениците кои им помагале на напаѓачите на Конгресот

Секој член на Конгресот на САД, кој можеби им помагал на приврзаниците на американскиот претседател Доналд Трамп во нападот врз парламентот на САД, ќе мора да се соочи со гонење, рече спикерот на Претставничкиот дом, Ненси Пелоси.

Изјавата следува по наводите дека некои републиканци, во пресрет на нападот на Конгресот на 6 јануари, што резултираше со пет загубени животи, ги воделе приврзаниците на Трамп околу зградата на Конгресот.

Нападот беше причина Претставничкиот дом изгласа отповикување на американскиот претседател поради потпалливиот говор одржан од Доналд Трамп неколку часа пред упадот во Конгресот, повикувајќи ги да се борат против победата на демократот Џо Бајден на претседателските избори во САД. Сенатот треба да одржи судење на Трамп врз основа на тоа.

Стотици луѓе упаднаа во зградата на Конгресот на 6 јануари, брзо совладувајќи го обезбедувањето на парламентот, што покрена прашања во врска со безбедносните мерки за заштита на зградата и покажа дека некои бунтовници изненадувачки добро знаеле каде се наоѓаат канцелариите на одделни пратеници.

Демократскиот пратеник Мики Шерил, поранешен воен пилот, обвини некои републикански пратеници дека им помагаат на приврзаниците на Трамп велејќи дека биле одведени во мисија за „извидување“ околу Конгресот ден пред нападот.

На прашањето дали треба да се преземат мерки против пратениците кои ги предводеле конгресните групи ден пред нападот, кој накратко го запрел процесот за потврда на победата на Бајден, Пелоси одговорила: „Ако се утврди дека членовите на Конгресот биле соработници во тој напад, ако им помагале за тие злосторства, можеби ќе треба постапки надвор од доменот на Конгресот, во смисла на кривично гонење “.

Безбедноста на Конгресот истражува дали членовите на Конгресот воделе луѓе околу зградата на парламентот ден пред нападот, потврди нејзината портпаролка Ева Малецки.

Повеќе од 30 демократи, вклучително и Шерил, побарале од обезбедувањето информации за тоа кој бил во зградата на 5 јануари.

Пелоси исто така објави дека по упадот на приврзаниците на Трамп, од кои некои биле поврзани со радикални групи, се спроведува анализа на безбедносните протоколи.

Некои републикански пратеници протестираат против новите безбедносни мерки воведени во Конгресот по упадот, како што е задолжителното поминување низ детектор за метал.

Протест на приврзаниците на Трамп во Вашингтон бил најавен неколку недели пред сесијата на Конгресот на која беа потврдени резултатите од претседателските избори во САД.

ВМРО-ДПМНЕ:Царовска сака предметот историја да го избрише на насилен талибански начин

Царовска ако сака и во својот Гучи шал од 370 евра нека ја обвие својата намера за наводни реформи, пак не може да ја покрие политичката позадина на оваа операција.

Мила Царовска очигледно по секоја цена е решена да ја спроведе нејзината антиреформа во образованието, со која се брише предметот историја како засебен предмет во основното образование. Таа избегнува јавна дебата од јасна причина што сите релевантни субјекти се противат на оваа одлука, почнувајќи од МАНУ, Институтите, универзитетите, професорите и останатите експерти.

Целта на Царовска е јасна, преку насилен начин, нетранспарентно да го укине овој премет од образованието во ек на негирање на македонската историја. Обидот тоа да го престави како наводен фински модел не и успеа, па сега се обидува на талибански начин да му “учини“ на Заев во неговата анационална и предавничка политика од која несогледливи последици ќе има не само образовниот систем, туку и идентитетот и македонската историја.

Јавноста и граѓаните на ваквите штетни антиреформи остро се спротивставува и нема да дозволи некој да им наметнува одлуки кои го погазуваат секое достоинство. ВМРО-ДПМНЕ заедно со народот ќе застане против секое насилно менување на историската меморија во Македонија.

Центар за комуникации на ВМРО-ДПМНЕ

СДСМ: ВМРО-ДПМНЕ и Мицкоски и за пописот се на спротивната страна на државните интереси

ВМРО-ДПМНЕ како и секогаш кога се носат битни законски решенија за државата и граѓаните се однесува деструктивното, неодговорно и антидржавно, се наведува во соопштението на СДСМ.

И сега кога пред пратениците во собранието е законот за попис опозициската ВМРО-ДПМНЕ предводена од губитникот Мицкоски е на спротивната страна на државните и националните интереси.

Законот за попис на населението овозможува оваа пролет, по речиси 19 години, во државата да се спроведе попис согласно меѓународните стандарди и прописите на Евростат.

Последниот попис во 2011 година не успеа токму поради неспособноста на ВМРО-ДПМНЕ и сега опозициската партија повторно ја политизира оваа важна статистичка операција.

Целосно нејасно е зошто Мицкоски и ВМРО-ДПМНЕ се противат на Законот се противат државата да има прецизни статистички податоци, важни за креирање на среднорочни и долгорочни политики и стратегии.

ВМРО-ДПМНЕ и Мицкоски нема да спречат одржување на попис согласно меѓународните стандарди и пракси.

Обезбедувањето на податоците, кои се нужно потребни за рамномерен и правилен економски развој е во интерес на државата и граѓаните и токму затоа оваа операција е патриотски чин.

СДСМ, како одговорна партија има договор со граѓаните да спроведеме попис кој ќе обезбеди точни и релевантни податоци.

притисни ентер