Производителот на Мерцедес е казнет со 870 млиони евра поради емисија на штетни гасови - Канал 5

Автомобилизам

Производителот на Мерцедес е казнет со 870 млиони евра поради емисија на штетни гасови

Германскиот производител на Мерцедес, Дајмлер , мора да плати казна од 870 милиони евра поради кршење на прописите за емисија на штетни гасови , објави германското обвинителство.

Производителот на Мерцедес е казнет со 870 млиони евра поради емисија на штетни гасови

Обвинителите и регулаторите низ целиот свет започнаа низа истраги против производителите на автомобили од 2015 година, кога Фолксваген призна дека инсталира софтвер во дизел автомобилите, што овозможува фалсификување на податоците за емисија на штетните гасови. Резултатите покажаа дека и други компании прибегнале кон такви методи.

Во мај 2017 г., германските обвинители извршија претрес во објектите на Дајмлер како дел од истрагата за можна измама во форма на манипулација со податоците за издувните гасови во дизел автомобилите.

Вчера, германското јавно обвинителство објави дека Дајмлер од 2008 година имал небрежност во извршувањето на своите надзорни должности, што довело до тоа некои дизел возила да добиваат еколошки сертификат и покрај недозволено високите нивоа на штетни гасови.

Казната од 870 милиони евра стави крај на правната неизвесност за компанијата со седиште во Штутгарт, од каде што рекоа дека немаат намера да ја обжалат пресудата. Тие исто така рекоа дека нема да ги променат проценките за годинашниот профит.

Во јуни, тие ги намалија проценките на добивка во 2019 година поради очекуваниот поголем износ на резерви за проблемите поврзани со дизелот.

Дајмлер, кој меѓу другите го прави и Мерцедес, е под регулаторна контрола и во САД. Во февруари 2016 година, американската агенција за заштита на животната средина побара германска автомобилска компанија да ги разјасни емисиите на одредени модели дизел автомобили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер