Живот

Професор им задал на учениците да напишта есеј- сите користеле вештачка интелигенција: Им верував (ВИДЕО)

Професор по англиски јазик му задал на класот да напише креативен состав и бил шокиран кога сфатил дека речиси сите задачи звучеле речиси идентично.

Брин А. Вилијамс, кој предава во средното училиште „Бернаби Централ“ во Канада, брзо открил зошто - целиот клас користел вештачка интелигенција за пишување домашни задачи. Тој го споделил своето откритие во видео на TikTok, кое започнало дискусија за вештачката интелигенција во образованието, пишува Newsweek.

Видеото оттогаш е избришано, но можете да го погледнете ТУКА.

Морничаво слични воведи

Вилијамс ги замолил учениците да опишат „еден ден од животот на дистописко средно училиште“. Додека ги читал задачите, веднаш ги забележал необичните сличности. Воведните реченици биле речиси исти: алармот се вклучува во 6 часот наутро, монотони најави преку системот за јавно обраќање, слогани за послушност и нараквици што ги следат движењата на учениците. Кога самиот ја внел истата задача во ChatGPT, добил речиси идентичен вовед.

„Секако дека бев разочаран“, рекол 52-годишниот Вилијамс. „Но, по вториот есеј што го прочитав, сличностите беа очигледни и малку морничави. Ист број на пасуси, скоро сите беа 10, и сите завршуваа со пасус од две реченици. Сите го следеа потполно истиот тек на денот, со само мали варијации.“

Задача со подлабока порака

Задачата беше за ученици на 16 и 17 години, а темата не беше случајна. Класот претходно ја обработи „Животинска фарма“ и го гледаше филмот „V за вендета“, што предизвика дискусии за тоталитаризмот и фашизмот. „Сакав да земат систем што добро го познаваат, средно училиште, и да замислат како би било да се биде во него без слободата и безбедноста што ја имаме денес, во светот во кој живееме“, објасни Вилијамс.

„Им верував на моите ученици“

Професорот признава дека сноси дел од одговорноста што им дозволи на учениците да ја завршат задачата дома. Околу половина од класот побара да ги напишат приказните на компјутерот дома и да ги испратат по е-пошта, наместо да ги пишуваат рачно на час.

„Требаше да бидат замолени да ги предадат скиците што ги правеа на час, но јас им верував на моите ученици“, рече тој. Поради пораспространетите алатки како ChatGPT во последните две години, тоа го промени начинот на кој работи. Денес, околу 90 проценти од задачите на неговите часови се пишуваат на час, на хартија - но тој забележува дека дури и тоа не е целосно безбедно поради алатки како Google Lens.

@my_messy_desk
teacher content be like:
♬ original sound - MrWilliamsMessyDesk

Дискусија на социјалните мрежи

Неговото видео на TikTok, објавено на профилот @my_messy_desk, е прегледано повеќе од 756.000 пати и предизвика жестока дебата. Некои коментираа дека задачите треба да се пишуваат исклучиво со молив на хартија.

„Звучи како навистина забавна задача - зошто воопшто би сакале да го користите ChatGPT за тоа? Зарем децата веќе немаат имагинација?“ праша еден корисник, додека друг отсечно додаде: „Креативноста е мртва“. Од друга страна, имаше и такви кои тврдеа дека вештачката интелигенција е само нова алатка, не многу различна од калкулаторите во нивно време.

Тагови: вештачка интелигенција професорот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот.

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

US Open outfit pic.twitter.com/pIOVmEpisS
— 👑 Aryna Sabalenka 🐯 Daily (@SabalenkaDaily) July 30, 2026

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.