Продолжуваат партиските препукувања по извештајот на Европската комисија за владеењето на правото - Канал 5

Македонија

Продолжуваат партиските препукувања по извештајот на Европската комисија за владеењето на правото

Сите владејачки елити во изминативе три децении имаа повеќе или помалку директна вина за состојбите во правосудството и потребни се коренити, не само декларативни, реформи за независна трета власт.

Продолжуваат партиските препукувања по извештајот на Европската комисија за владеењето на правото

Сите владејачки елити во изминативе три децении имаа повеќе или помалку директна вина за состојбите во правосудството и потребни се коренити, не само декларативни, реформи за независна трета власт, сметаат дел од политичките аналитичари по последниот извештај на ЕК за владеењето на правото во земјава. Според Благојче Атанасовски државата ќе продолжи да тапка во место се додека не се покаже вистинска иницијатива за длабоки промени за право и правда. Фокусот за поголем буџет во правосудството според него не треба да биде само за платите на судиите и обвинителите туку и за админинистративните работници кои носат голем дел од товарот за ефикасно спроведување на предметите, а немаат достоинствени плати и кадар.

-Генерално секогаш состојбите во правосудството биле нотирани дека се лоши и незадоволителни за Македонија да ги исполни критериумите за членство во самата ЕУ. Политички фолклор се обвинувањата меѓу власта и опозицијата кој повеќе направил штета и политизација на правосудните органи. За жал нашите владејачки елити во овие 35 години не сфатија дека правосудната власт треба да биде независна и трета власт и поради тие натрупани состојби ние добиваме вакви катастрофални извештаи. Не станува збор само за платите на судиите и обвинителите кои се за македонски услови навистина високи. Во целиот тој судско- обвинителски систем и повеќе од 80 проценти од вработените не се судии и обвинители и навистина работат за мали плати, би рекол дури и ужасни за македонски стандарди и постојано се нотира дека има дефицит на таков административен кадар, изјави Атанасовски.

А партиите и денеска продолжија со меѓусебни прозивки за состојбите во правосудството. Откако премиерот Мицкоски вчера извештајот го оцени како најдобар од сите споредено со претходно кој содржи и пофалби и критики, но беше дециден дека и покрај забелешките, Владата нема да даде повеќе пари за судството и обвинителството се додека не испорачаат резултати, од СДСМ реагираат дека ваквата изјава е, како што велат, директно политичко влијание врз правосудството, а извештајот на ЕК, според нив, е европска дијагноза за заробеното правосудство од власта на ВМРО-ДПМНЕ.

-Чувствата“ на премиерот Христијан Мицкоски ги поклопија правото, Уставот и правната држава. Најновиот извештај на Европската комисија за владеењето на правото ја разоткрива суровата вистина за Македонија под власта на ВМРО-ОКГ: нема реформи, корупцијата е широко распространета, а судството и обвинителството се изложени на политички притисоци. Брисел директно алармира дека изјавите на претставници на власта, вклучително и на премиерот, создаваат притисок врз независноста на правосудниот систем, изјави Наумовски од СДСМ.

Судиите да почнат да испорачуваат правда, очекуваат и од партијата на Павле Трајанов. Од Демократскиот сојуз оценуваат дека реформите во правосудниот систем мора да продолжат со засилено темпо, но независноста на судството, како што велат, не смее да биде злоупотребена како заштита од одговорност.

YouTube video

Тагови: ЕК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најмалку 27 загинати во руски напад во близина на Буча- силнит еексплозии траеле со часови (ВИДЕО)

Најмалку 27 лица загинаа, а уште 42 се повредени во рускиот напад врз округот Буча во Киевската област, објави началникот на регионалната воена администрација, Тимур Ткаченко. 

Најмалку 27 загинати во руски напад во близина на Буча- силнит еексплозии траеле со часови (ВИДЕО)

Меѓу повредените има четири деца.

Спасувачите евакуираа 381 лице, а околу 50 куќи беа оштетени.

Нападот се случи синоќа околу 20:10 часот во селото Мила, каде што руски дрон удрил или паднал на територијата на една компанија. По ударот, избувнал голем пожар, а потоа започнала силна детонација на материјалот складиран на локацијата.

Пожарот се проширил на околните станбени згради.

Се истражува што имало во магацинот. Премиер на Украина: Ова е криминална небрежност

Украинското државно обвинителство започна истрага не само за рускиот напад, туку и за можна службена небрежност поврзана со складирањето на експлозивни предмети и материјали.

Истражителите ќе проверат дали експлозивните материјали биле легално поставени и складирани во просториите на компанијата, дали биле постоечки потребните дозволи и кој од службените лица донел одлуки за нивното складирање.

Украинскиот премиер Сергеј Корецки го нарече целиот случај „криминална небрежност“ и побара строга казна за одговорните.

„Правењето на истите грешки во петтата година од целосната инвазија е криминална небрежност. Сите виновници, без исклучок, мора да бидат строго казнети за да не се повторат вакви ситуации“, рече тој.

Корецки се потсети на претходниот напад врз магацинот во Вишнево во близина на Киев и рече дека властите очигледно не научиле од таа трагедија.

Експлозиите траеле со часови

Поради големиот пожар и секундарните експлозии, властите привремено затворија дел од автопатот Киев-Коп за да овозможат работа на спасувачките служби и евакуација на населението.

Снимките објавени на социјалните мрежи покажуваат огромна експлозија проследена со голема топка оган што се издига кон ноќното небо.

Пожарникарите, полицијата, пиротехничарите и другите служби за итни случаи работеа со часови на местото на ударот. Претходно во текот на ноќта, властите пријавија шест повредени и непознат број на жртви, а бројот на жртви расте додека спасувачите се движеа подлабоко во погодената област.

Русија испрати 267 дронови

Нападот врз Буча беше дел од голем руски воздушен напад врз Украина.

Украинските воздухопловни сили објавија дека Русија лансирала 267 дронови, една противбродска ракета „Оникс“ и една балистичка ракета „Искандер“ од петокот навечер.

Украинската воздушна одбрана тврди дека до сабота наутро соборила или електронски неутрализирала 233 дронови.

Во одделен руски напад со дронови врз Херсон, еден човек е убиен, додека 44-годишно лице е повредено од експлозија и шрапнели. Две лица се повредени и во населбата Свјатошин во Киев.

Зеленски сака да ја нападне Русија со 1.000 дронови дневно

Русија и Украина ги засилуваат нападите длабоко зад фронтовските линии во последните месеци, а енергетските и логистичките објекти се меѓу честите цели.

Украинскиот претседател Володимир Зеленски вчера повика на понатамошно зголемување на украинските напади со долг дострел врз Русија и постави цел од 1.000 лансирања на дронови дневно.

„Моментално во просек имаме повеќе од 300 санкции со долгорочен дострел. Мора да има повеќе“, рече Зеленски.

Тагови: руски напад Буча

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Се вери ќерка му на Сталоне, зетот го помина неговиот специјален тест (ФОТО)

Софија Сталоне, најстарата ќерка на Силвестер Сталоне, ја објави својата свршувачка со своето момче Мајкл Шиан. 

Се вери ќерка му на Сталоне, зетот го помина неговиот специјален тест (ФОТО)

Таа ја сподели веста на Инстаграм во петокот, кратко по прославата на својот 30-ти роденден на 27 август. Заедно со серија фотографии на кои се гледа романтичното запросување, таа напиша: „Засекогаш со мојата најдобра пријателка“.

На црно-белите фотографии, во преден план е дијамантски прстен, а на една од снимките Мајкл клечи опкружен со бели рози и свеќи. За таа пригода, Софија носеше бела мини фустан, додека нејзиниот вереник носеше лежерна кошула и кремасти панталони. Двојката подоцна позираше пред ноќен градски пејзаж, а Софија покажуваше прстен на левата рака. Запросувањето се случи ноќта пред објавата, што се совпадна со нејзиниот роденден.

Реакции на семејството и пријателите

Помладите сестри на Софија беа меѓу првите што реагираа. „Јупи, мои најмили луѓе! Плачам! Толку сум среќна, ве сакам обете“, напиша 28-годишната Систин. 24-годишната Скарлет рече дека тие се „најубавиот верен пар“. Таа исто така ѝ честиташе на Парис Хилтон со пораката: „Честитки, љубов моја“.

Софија подоцна позираше со своите родители, Силвестер и Џенифер Флавин, а 80-годишниот актер гордо стоеше покрај својата ќерка додека таа го покажуваше вереничкиот прстен. Неговиот благослов е важен чекор, со оглед на тоа што е познат како заштитнички настроен татко кој отсекогаш сериозно го сфаќал љубовниот живот на своите ќерки.

Тест за зетовци на Сталоне

Запознавањето со Слај долго време беше сериозен предизвик за партнерите на неговите ќерки. Кога Софија и Систин беа прашани за нивниот љубовен живот во шоуто „Today“ во 2023 година, Софија се пошегува: „Па, ние сме слободни, па...“. Нејзиниот татко веднаш додаде: „Се надевам дека ќе останат невенчани. Работам на тоа“. Сестрите во неколку наврати открија дека потенцијалните додворувачи едноставно исчезнувале откако ќе го запознаат холивудскиот актер.

„Тој е едноставно застрашувачки“, призна Систин, додека Софија сподели дека нивниот татко може да процени дали врската ќе трае само за неколку минути. „Всушност, тој е секогаш во право“, рече Софија за проценките на нејзиниот татко. Сестрите исто така признаа дека нивниот татко понекогаш им пишувал пораки за раскинување.

„Им препорачувам на девојките да го замолат својот татко да им напише порака за раскинување, бидејќи мажите најдобро ги познаваат мажите“, објасни Систин во подкастот „Giggly Squad“, додавајќи дека примателите „никогаш не се лутат затоа што некој бил искрен“. Се чини дека Мајкл Шиан успешно го поминал еден од најтешките тестови за идните зетови во Холивуд.

Тагови: Силвестер Сталоне

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: Величањето воени злосторства на Младиќ е кривично дело – бараме одговорност од Стоилковиќ - пуленот на Мицкоски

Наместо да гледаме кон демократските вредности, иднината, Европа и просперитетот, ние маме министри во Владата на Мицкоски кои ги величаат воените злосторници како Ратко Младиќ.

Штерјова: Величањето воени злосторства на Младиќ е кривично дело – бараме одговорност од Стоилковиќ - пуленот на Мицкоски

Ова е дел од поширока агенда, Вучиќ, руска агенда, кинески инвестиции, воодушевување од Кина… „Српскиот свет“ сега и во форма на почитување на воениот злосторник.

Поделбите меѓу граѓаните во општеството, создавањето етнички тензии, навредите на Мицкоски, сето ова е дел од операцијата “Талог“ за која предупредувавме.

Но, одобрувањето или оправдувањето геноцид, злосторства против човештвото и воени злосторства е кривично дело.

И за ова мора да има одговорност.

Членот 407-а од Кривичниот законик предвидува одговорност за „Одобрување или оправдување на геноцид, злосторства против човечноста или воени злосторства“.

Членот 319 од Кривичниот законик го санкционира предизвикувањето или разгорувањето национална, расна или верска омраза, раздор и нетрпеливост.

Законот посебно ја третира и злоупотребата на положбата или овластувањето.

Но тука не завршува одговорноста.

Членот 20 од Уставот поставува јасна граница за политичките партии којшо директно се однесува на партијата на Стоилковиќ.

Програмите и дејствувањата не смеат да бидат насочени кон повикување на воена агресија или разгорување национална, расна или верска омраза и нетрпеливост.

Истата црвена линија ја поставува и членот 4 од Законот за политичките партии.

Значи, законот постои. Кривичното дело постои. Надлежна институција постои.

Што чека Јавното обвинителство? Повик од Мицкоски?

Јавното обвинителство мора да постапи за величањето на Ратко Младиќ и да ја утврди одговорноста на Иван Стоилковиќ, неговата партија и Далибор Китановиќ.

Стоилковиќ е министер во Владата на Мицкоски и претседател на Демократската партија на Србите.

Китановиќ е директор на Агенцијата за остварување на правата на заедниците.

Мицкоски мора да каже дали во неговата Влада има место за функционери кои величаат или оправдуваат осудени воени злосторници или ќе ги повика на политичка одговонрост.

Ама Јавното обвинителство мора да си ја заврши работата и кривично да одговараат, рече Кети Штерјова од СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер