Продажбата на автомобили во драматичен пад во целиот свет, Кина е единствена светла точка

Резултатите од продажбата во април се уште полоши од оние во март.

Со оглед дека Европа најсилниот удар од пандемијата го претрпе во април, тоа значително влијаело врз продажбата на нови автомобили во целиот контитент.

Во април на европскиот пазар имало вкупно 292.181 новорегистрирани автомобили, што е пад од дури 78,3% во споредба со истиот месец во 2019. Во првите четири месеци од 2020 во Европа се продадени 3,3 милиони возила, со пад од 39 отсто на годишно ниво, пренесе „Ројтерс“.

Со статистиката се опфатени земјите членки на Европската унија, Обединетото Кралство, Исланд, Норвешка, Швајцарија и Лихненштајн.

Најголем пад на продажбата во април е забележан во Италија (97,6)%, Обеденетото Кралство (97,3%) и Шпанија (96,5%).

Волксваген групацијата забележала намалена продажба од 75% во истиот месец, Рено 79,5%, а ПСА групацијата 82,2%. Големиот пад на продажбата на нови автомобили во април не е карактеристичен само за европските држави.

Во Бразил во тој месец се испорачани 77% помалку нови возила во однос на април 2019, што е најлош месечен резултат во последните 20 години. Во април во Бразил се продадени 51.500 нови автомобили.

Во САД во истиот период е регистриран пад од 47% (испорачани се 707.800 нови возила), што е најгош месечен резултат од јануари 2010.

Јапонија е нешто помалку погодена, па продажбата на нови возила во април е намелена за 30 отсто (219.200 единици).

Од сите големи светски автомобилски пазари, најдобро помина Кина. Пазарот во оваа земја на големо се опоравува од кризата предизвикана од пандемијата со коронавирусот, па во април се продадени дури 1,5 милиони возила со пад на годишно ниво од само 2 отсто.

Во првите четири месеци од 2020 на кинескиот пазар се испорачани 4,4 милиони нови автомобили.

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

МВР: 34 санкции за прекршоци на возила кои вршат јавен превоз на патници

 Во текот на вчерашниот ден во периодот од 08.00 до 12.00 часот спроведена е акциска контрола на територијата на Република Македонија за санкционирање на прекршоци на возила со кои се врши јавен превоз на патници.

При контролата санкционирани се 34 прекршоци, од кои 23 поради неисправен уред за запирање, соопшти МВР.

Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци.

Од МВР апелираат до сите учесници во сообраќајот да ги почитуваат сообраќајните правила и прописи, навремено да се проверува техничката исправност на возилата и навремено да бидат отстранети евентуалните недостатоци.

Јокиќ со нов рекорд во НБА

Српскиот кошаркар Никола Јокиќ продолжи да ги поместува границите во НБА и постави нов рекорд. 

Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција.

притисни ентер