Автомобилизам

Проблеми со Серија 3, „BMW“ повикува на вонреден сервис

Само во Германија на вонреден сервис ќе мора да одат 430.000 возила произведени од 2004 до 2011 година.

„BMW“ ги повикува на вонреден сервис поради можен дефект кој може да доведе до пожар. Само во Германија во сервисите ќе бидат повикани 430.000 „BMW“ модели од Серија 3 произведени од 2004 до 2011 година (E90 и E93), а бројките за останатиот дел од Европа не се соопштени.

Како што е наведено, во екстремни случаи проблемот со регулаторот на вентилаторот кај радијаторот може да доведе до пожар во возилото.

Затоа во вонредниот сервис ќе бидат проверени инсталациите на уредот, кои ќе бидат променети доколку постои сомнеж за дефект. Според „BMW“ ова повикување на вонреден сервис трае уште од средината на јануари.

Дефектот може да доведе до прегревање, краток спој или топење на контактите или дури дури и до пожар во возилото, а корозијата ја зголемува можноста за дефект.

Поправката на возилата трае околу еден час.

Забава

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Шоу биз

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Свет

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер