Притворена и поранешната прва дама на Јужна Кореја поради сомнение за корупција - Канал 5

Живот

Притворена и поранешната прва дама на Јужна Кореја поради сомнение за корупција

Поранешната прва дама на Јужна Кореја, Ким Кеон-хи, е сместена во самица во притворски центар во Сеул откако судот издаде налог за нејзино апсење како дел од истрагата за повеќе случаи на корупција, изјави денеска функционер на затворската администр

Притворена и поранешната прва дама на Јужна Кореја поради сомнение за корупција

Ким Кеон Хи и нејзиниот сопруг, поранешниот претседател Џун Сук Јеол, со тоа станаа првата претседателска двојка во историјата на земјата која истовремено е во притвор, наведе јужнокорејската агенција Јонхап.

Ким беше префрлена во притворскиот центар Намбу, во југозападен Сеул, кратко откако Окружниот суд во Сеул издаде налог за нејзино апсење доцна синоќа, наведувајќи го како причина ризикот од уништување на докази.

Поранешната прва дама ќе има посебни термини за капење и физички активности, за да не доаѓа во контакт со други притвореници.

Специјалниот обвинител Мин Јунг-ки побара налог за нејзино апсење минатата недела поради сомнение за кршење на Законот за пазар на капиталот, Законот за политички донации и Законот за поткуп.

Според сегашниот закон, поранешните претседатели и нивните сопруги имаат право на заштита обезбедена од претседателската безбедносна служба, но по апсењето на Ким, тоа право повеќе не важи.

Поранешниот претседател Џун Сук-јеол е веќе во притвор во друг затвор јужно од Сеул, поради обид за воведување воена состојба во декември минатата година.

Тагови: Јужна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер