Автомобилизам

Пристигнува новиот Qashqai, Нисан објави еден факт (ВИДЕО)

Nissan го потврди датумот на светската премиера на новата генерација на популарниот модел.

Nissan Qashqai ја задржа популарноста на својот претходник од втората генерација, а судејќи според најавите, овој модел ќе ги има сите предуслови да го повтори успехот, па дури и повеќе од тоа.

Веднаш на почетокот, да речеме дека светската премиера е закажана за 18 февруари, во 11 часот по средноевропско време. Потоа, преку видео стриминг, Nissan ќе го открие изгледот на автомобилот, но и низа технолошки карактеристики.

Од досега виденото, најавени се ЛЕД светла, прилагодливи и ја задржал V маската во уште поголеми димензии. Поагресивниот изглед на Qashqai ќе се заснова на оној што се гледа на Juke, што значи помалку заоблени линии и површини, но со пропорции на неговиот претходник.

Внатре, очекувајте следење на трендот, што значи дигитален кокпит, поголем централен дисплеј и нова генерација на инфо-забава. Централниот екран ќе има дијагонала од 9 инчи, додека новина ќе биде голем екран до 10,8 инчи. Очекувајте корисни додатоци како безжичен полнач, загреани седишта и управувачи, како и масажи и луксузни додатоци како што е Nappa кожа.

Она што можете да го заборавите се дизелите. Веќе нема место за нив, но затоа ќе дојдат електрифицирани бензинци и хибриди, и на крајот и електрична верзија..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го нарече Ормускиот теснец американска територија

Американскиот претседател Доналд Трамп го нарече Ормускиот теснец американска територија, додека САД продолжуваат со воената блокада на иранските пристаништа и поморскиот сообраќај.

Обраќајќи се пред собир во Јужна Каролина во рамки на кампањата за сенаторката Дарлин Греам, која се кандидира за местото на нејзиниот покоен брат Линдзи Греам, Трамп изјави дека теснецот во моментов го гледа како американска територија и додаде дека сè уште не знаат дали победиле. Во текот на говорот, тој се пошегува и околу нападите врз Иран, велејќи дека е петок навечер и дека имаат многу време.

Американската централна команда соопшти на социјалните мрежи дека воените сили досега пренасочиле 68 комерцијални бродови со цел почитување на блокадата. Администрацијата на Трамп врши финансиски притисок врз Иран преку ограничување на пристапот до водниот пат кој граничи со Иран и Оман и низ кој вообичаено минува околу една петтина од светската нафта што се пренесува по морски пат.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси на повеќе локации на подрачјето на СВР Битола, пронајдени дрога, оружје и муниција

Лишени од слобода пет лица.

На 21.08.2026 во 15:35 часот, полициски службеници од СВР Битола го лишија од слобода А.Д.(20) од с.Долно Оризари, битолско.. При претрес во неговиот дом, извршен со наредба од Основен суд Битола била пронајдена марихуана.

На 21.08.2026 во 15:35 часот во с.Брезница, општина Македонски Брод, полициски службеницни од ОВР Македонски Брод го лишија од слобода Б.М.(46) од с.Брезница. При претрес во неговиот дом, извршен со наредба од Основен суд Кичево биле пронајдени куршуми.

На 21.08.2026 во 10:35 часот во с.Евла, ресенско, полициски службеници од ОВР Ресен го лишија од слобода П.Т.(55) од Ресен. При претреси во неговиот дом во Ресен и во с.Евла, извршени со судска наредба, биле пронајдени 28 куршуми, испукани чаури и ловечка пушка .

На 21.08.2026 во с.Светомитрани, крушевско, со судска наредба, полициски службеници од ОВР Крушево извршија претрес во домот на К.Т.(38) од с.Светомитрани, при што биле пронајдени и одземени ловечка пушка, ловечки патрони, пиштол и две рамки за пиштол.

На 21.08.2026 во Крушево, полициски службеници од ОВР Крушево, со судска наредба извршија претрес во домот на ВН.(48) од Крушево, при што била пронајдена и одземена ловечка пушка.

По целосно расчистување и документирање на случаите, против лицат ќе бидат поднесени соодветни кривични пријави.

Тагови: СВР Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Пет награди за македонските филмови на Сараево филм фестивал

Македонската кинематографија забележа значаен успех на 32. издание на Сараевскиот филмски фестивал, на кој два македонски филма освоија вкупно пет награди.

Филмот „17“ во режија на Косара Митиќ освои четири признанија – Митиќ ја доби специјалната награда за промоција на родовата рамноправност, наградата за најдобра актерка ѝ припадна на Ева Костиќ за одличната изведба на улогата на Сара – нејзина прва улога на филм, а филмот ги доби и наградата на „Синеуропа“ и наградата од публиката.

Успех оствари и филмот „Скејтбордингот не е за девојчиња“ на режисерката Дина Дума, кој ја освои специјалната награда „Младински перспективи“.

Од Агенцијата за филм истакнаа дека петте признанија уште еднаш ги потврдуваат квалитетот, авторската сила и меѓународниот потенцијал на современата македонска кинематографија, како и значењето на континуираната поддршка за развојот и меѓународната видливост на македонскиот филм.

Тагови: Сараево филм фестивал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.