Преку изложба на фотографии, експонати и видео материјали од богатата архива на АД ЕСМ, во Музејот на Град Скопје, во присуство на претседателот на Владата Христијан Мицкоски е отворена уметничката поставка „Моќта на водата ја претвораме во енергија“, со која симболично e означен почетокот на реализацијата на капиталниот проект „Ревитализација на хидроелектраните – трета фаза“. Станува збор за еден од најзначајните инвестициски циклуси во историјата на АД ЕСМ, чија проценета вредност изнесува околу 46 милиони евра. Од средствата, 35 милиони евра се заем од германската развојна КфВ банка, а 10,7 милиони евра се неповратни средства од Европската Унија преку Инвестициската рамка за Западен Балкан (WBIF).

Проектот кој ќе се одвива во наредните неколку години опфаќа модернизација на шест големи хидроелектрани (Вруток, Врбен, Равен, Тиквеш, Шпилје и Глобочица) во рамките на трите системи: ХЕС „Маврово“, ХЕС „Црн Дрим“ и ХЕЦ „Тиквеш“. Со замена на застарената опрема ќе се намалат прекините во работата, ќе се продолжи работниот век на постројките и ќе се зголеми оперативната безбедност, со што се обезбедува сигурно балансирање и испорака на електрична енергија кон електроенергетскиот систем.

„Токму овој крупен зафат е силен предвесник на новата ера на компанијата. Придобивките од модернизацијата се директни и мерливи - го продолжуваме работниот век и го зголемуваме инсталираниот капацитет кај големите хидроелектрани за дополнителни 13,5 мегавати, со што обезбедуваме ново годишно производство од 50 гигават-часови чиста електрична енергија. Зголеменото производство и обем на системски балансни услуги, ќе ни донесат најмалку 5 милиони евра дополнителни годишни приходи“, изјави Лазо Узунчев, претседател на Управниот одбор и генерален директор на АД ЕСМ.

„Македонија има голем хидропотенцијал, но за негово искористување потребно е модернизирање на постројките. ЕУ придонесе за ревитализација на 6 хидроелектрани со грант во износ од 11,2 милиони евра. Преку Планот за раст, ќе продолжиме со финансиска и советодавна поддршка за енергетскиот сектор во земјата“, изјави Михалис Рокас, амбасадор на Европската Унија во Македонија.

„Заедно со Европската Унија, Германија ја поддржува Македонија во изградбата на одржлив и отпорен енергетски систем. Соработката со KfW е насочена кон модернизација на клучната енергетска инфраструктура, која претставува темел за домашната енергетска безбедност и значителен придонес кон нашите заеднички европски климатски амбиции“, изјави Петра Дрекслер, амбасадорка на Сојузна Република Германија.

Проектот се реализира како дел од Енергетскиот пакет за поддршка на ЕУ за Западен Балкан, кој ја поддржува одржливата енергетска транзиција на регионот преку Инвестициската рамка за Западен Балкан (WBIF).

За АД ЕСМ

АД ЕСМ е државна компанија за производство на електрична и топлинска енергија која претставува еден од клучните столбови на македонскиот енергетски сектор. Нејзин главен фокус и стратешка цел е интензивирање на инвестициите во обновливи извори на енергија, со што активно придонесува кон одржлив развој. Преку оваа насока, компанијата ги предводи процесите за целосна и успешна енергетска трансформација на земјата.

ЗА ИНВЕСТИЦИСКАТА РАМКА ЗА ЗАПАДЕН БАЛКАН (WBIF)

Инвестициската рамка за Западен Балкан (WBIF) е заедничка платформа на ЕУ, меѓународните финансиски институции и билатералните донатори, која комбинира бесповратни средства и заеми за развој на стратешка инфраструктура во регионот. Во рамки на Енергетскиот пакет за поддршка на ЕУ за Западен Балкан, вреден една милијарда евра, WBIF издвои 500 милиони евра за модернизација на енергетската инфраструктура и одржлива енергетска транзиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Милрем Роботикс“ произведува беспилотни копнени возила и е добавувач за Украина.

Естонскиот премиер Кристен Михал изјави дека овој заклучок се заснова на информации собрани од Естонската служба за внатрешна безбедност (КАПО).

„Денес можеме со целосна сигурност да кажеме дека подметнувањето пожар во компанијата ’Милрем Роботикс‘ во Естонија, во ноќта на 15 август, беше чин на саботажа нарачан од специјална служба на Руската Федерација“, рече Михал.

„Таквите постапки се апсолутно неприфатливи и неодговорни“, рече Михал, додавајќи дека случајот ја покажува сè поочајната ситуација на Москва во врска со војната во Украина.

Кремљ ги отфрла обвинувањата

Кремљ ги отфрли обвинувањата и изјави дека Русија не стои зад нападот. Тие ги отфрлија наводите како неосновани и рекоа дека нема да ги сфатат сериозно. Естонија не објави докази, повикувајќи се на доверливата природа на информациите, но тврди дека инцидентот се вклопува во шемата на други случаи на саботажа извршени во име на Русија низ Европа.

Шведскиот премиер Улф Кристерсон го опиша случајот како „исклучително сериозен“ и потврди дека Шведска целосно стои зад Естонија. Германскиот политичар Јохан Вадепул исто така изрази поддршка за Естонија. „Непромислените непријателски дејствија на Русија нема да нè разделат. Тие само ја зајакнуваат нашата решеност да ја засилиме одвраќачката моќ на НАТО и да ѝ пружиме поддршка на Украина“, напиша Вадепул на платформата „X“.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Филипче посочи дека во услови на огромен раст на цените и сите трошоци за живот, пензионерите се соочуваат со сериозен удар врз нивниот стандард, а власта не носи никакви мерки за да им помогне.

„Пензионерите никако не може да го почувствуваат зголемувањето, имајќи предвид дека зголемување од под 3%, не е доволно да се преживее месецот на толкав голем раст на сите цени, на толкав голем раст на горивата. На ваков удар на стандардот кој што се случува изминатите месеци, на пензионерите навистина има потребна поголема поддршка“, рече Филипче.

Тој посочи дека загриженоста кај пензионерите не се однесува само на пензиите, туку и на севкупните состојби во државата и политиките на власта кои директно влијаат врз животниот стандард.

„Меѓутоа и како наша најстара категорија на граѓани, тие се загрижени и за многу други работи, загрижени се за севкупните случувања во земјата, загрижени се за тоа што е загрозен европски пат, загрижени се за тоа што земјава е презадолжена, загрижени се за сите други лоши политики во однос на стандардот, економијата, финансiите, свесни се дека и нивните деца, навистина, лошо и тешко живеат, загрижени се затоа што огромен број од нив бараат излез и спас надвор од државата“, рече Филипче.

Скопје, 29.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.