Автомобилизам

Пристигна новиот „Pagani“: Совршенството на тркала се вика „Utopia“

Италијанскиот производител веројатно не можеше да избере подобро име за својот нов модел.

Скриен зад кодното име „C10“, конечно пристигна новиот „Pagani“ кој го носи името од литературата, поточно од истоимената книга на Томас Мор, која се занимава со идеален свет. А ако барате совршен свет меѓу хиперспортските автомобили, ќе го најдете во „Pagani“, уште од легендарната „Zonda“.

По „Zonda“, постоеше „Huayra“, а сега пристигна и „Utopia“. Пред да добие специјални уникатни верзии, треба да се спомене дека „Utopia“ е развиена токму според желбите на постоечките сопственици на автомобилите „Pagani“, што грубо значи дека нема компромиси.

„Едноставност, леснотија и уживање во возењето“, тоа го барале.

И тие добија автомобил придвижуван од „Mercedes 6.0 V12 twin-turbo“ мотор кој произведува 635 kW/864 КС при 6.000 вртежи во минута и 1.100 Nm вртежен момент помеѓу 2.800 и 5.900 вртежи во минута.

А потоа доаѓаат двете најдобри работи: првата е тоа што моторот е поврзан со мануелен менувач со седум степени на пренос, а втората е дека погонската единица ги исполнува ригорозните стандарди за емисии.

Понудата вклучува и автоматизиран менувач, најбрзиот во светот според тврдењата на „Pagani“.

Дизајнот на „Utopia“ го следи моделот „Huayra“. Аеродинамичките елементи вешто се кријат, а елеганцијата е сеприсутна.

Автомобилот е поставен на „ monocoque “ основа направена од композит од јаглеродни влакна и титаниум. Не недостигаат благородни материјали, па дури и издувниот систем е изработен од титаниум со керамичка обвивка.

Епилогот е со вкупна маса од 1.280 килограми.

Алуминиумската суспензија со електронски контролирани амортизери обезбедува супериорни возни карактеристики. Сопирачките се потпишани од „Brembo“, а специјално дизајнираните алуминиумски тркала со карбонски крила се грижат за топлината што се создава при сопирање.

Во внатрешноста дизајнерите ги сведоа дигиталните екрани на минимум. Има само еден екран, сместен помеѓу аналогниот брзиномер и тахометарот. Наместо мултимедијален систем, во средината има значително поважни инструменти.

Најавено е производство на вкупно 99 примероци.

Цената на автомобилот се уште не е објавена.

Извор: Б92

Македонија

За Велигден претежно сончево и потопло време

Во недела и понеделник времето во земјава за најголемиот хртистикански празник Велигден ќе биде претежно сончево и потопло, соопшти Управата за хидро - метеоролошки работи.

Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.

Утре времето ќе биде променливо облачно, наместа со повремени врнежи од дожд. Ќе дува умерен, повремено засилен ветер од северен правец. Утринската температурата ќе се движи од 1 до 11 степени Целзиусови, а максималната дневна од 9 до 21 степени. Во Скопје слично време со температура до 19 степени.

Фудбал

Марио Гомез за изгледот на Озил: Не знам која му е целта

Поранешниот германски репрезентативец Месут Озил (35) се повлече од играњето на почетокот на 2023 година и оттогаш работи на трансформирање на своето тело.

Озил низ кариерата беше слаб, лесен напаѓачки играч за врска, но во последно време тренира со тегови во теретана. Резултатите се видливи, а снимките и фотографиите ги објавува на Инстаграм.

Озил ја помина својата кариера играјќи на врвно ниво. Започна во Германија, играше за Шалке и Вердер, а потоа се пресели во Реал Мадрид и Арсенал. Кариерата ја заврши во Турција. Освои десет клупски трофеи, а со германската репрезентација беше светски првак во 2014 година.

Сонародникот на Озил и пензиониран напаѓач на Баерн, Марио Гомез (38) зборуваше за физичката промена на Озил во подкастот на Билд: „Се восхитувам како се справува со тоа. Но, јас сум поддржувач на средината бидејќи доживеав осцилации во двете насоки и знам дека екстремите не водат кон ништо добро не знам која му е целта.

Не е за мене, но не е тоа поентата. Кога ќе ја завршите кариера во која сте фалени и охрабрувани со години, природно е да го барате она што ве исполнува. Месут изгледа го нашол во теретана. Играше со Роналдо и можеби помислил: „Сега имам време да станам мал Кристијано“.

Гомез зборуваше и за Кристијано Роналдо, еден од најдобрите фудбалери на сите времиња, кој освои сѐ што можеше и кој е познат по својата неверојатна индивидуална работа, поради што и на 39 години се уште игра за Саудиска Ал Наср.

„Можете да мислите што сакате за Роналдо, но кога зборуваме за инфлуенсери, тој имаше позитивно влијание на цела генерација. Секој ден покажува колку труд треба да се вложите за да имате такво тело, а младите играчи го следат Веќе не пијат алкохол, во слободно време се во теретана, имаат приватен физиотерапевт и сите пијат филтрирана вода.

Посветеноста и професионалноста се многу повисоки денес и тоа има многу врска со Кристијано. Дури и Лионел Меси е на пат да стане Роналдо. Одеднаш и тој виси во теретана затоа што знае дека треба да удри гас. Тоа е моќта што социјалните мрежи можат да ја имаат“, рече Гомез.

Гомез во текот на својата професионална кариера играше за Штутгарт, Баерн, Фиорентина, Бешикташ и Волфсбург. Шест пати беше најдобар стрелец во различни натпреварувања, освои осум клупски трофеи и ја заврши својата играчка кариера во 2020 година. Денес работи како технички директор на РБ Лајпциг.

Свет

Трудница е убиена во својот дом во Лос Анџелес, требало да роди близнаци

Во Лос Анџелес е во тек истрага откако бремена жена била пронајдена избодена до смрт во нејзиниот дом, соопштија локалните власти.

Замениците на шерифот на округот Лос Анџелес одговорија на повикот во Палмдејл пред два дена.

„По пристигнувањето на местото на настанот, полицајците насилно влегле во домот каде забележале крв на подот од дневната соба“, се вели во соопштението од канцеларијата на шерифот.

Жртвата била пронајдена со убодни рани и била констатирана смрт на местото на настанот, известија од кабинетот на шерифот.

Според информациите кои за ABC News ги потврди шерифот Мајк Гомез, жртвата била бремена околу шест до седми месец и носела близнаци. За убиството се уште нема уапсен.

"Светот е суров. Не можам да го разберам ова. Таа беше добра личност", изјави за KABC Лос Анџелес Алексис Армстронг, пријателка на несреќната трудница.

притисни ентер