Пристап до мобилен интернет 1 732 063 претплатници, на мобилен месечно се зборува 174,67 минути - Канал 5

Технологија

Пристап до мобилен интернет 1 732 063 претплатници, на мобилен месечно се зборува 174,67 минути

 Вкупниот број на активни претплатници во мобилна телефонија заклучно со третиот квартал 2024 година достигна 2 095 819 и бележи раст за 9,7 проценти во однос на претходниот квартал,  а за 1,05 проценти споредено со третиот квартал минатат

Пристап до мобилен интернет 1 732 063 претплатници, на мобилен месечно се зборува 174,67 минути

Според денеска објавениот Извештај за развој на пазарот на електронски комуникации во третиот квартал 2024 година, пристап до интернет со широк и тесен опсег преку мобилни мрежи (2G/3G/4G) имаат 1 732 063 претплатници, а пристап до интернет со широк опсег 544 937. Порастот на квартално ниво кај претплатниците со мобилен интернет изнесува 11,75 проценти, а на годишно ниво 2,3 проценти.

Во мобилната телефонија бројот на резиденцијалните постпеид претплатници бележат раст од 0,62 процети од претходниот квартал додека во однос на истиот квартал од претходната година се забележува раст од 3,04 проценти, деловните бележат пораст од 0,69 проценти во однос на претходниот квартал додека во однос на третиот квартал од 2023 година се забележува идентичен пораст од 0,69 проценти.

Евидентирано е намалување на бројот на испратени СМС пораки во однос на вториот квартал од 2024 година од 24,19 проценти. Кај вкупниот број на испратени ММС пораки во третиот квартал од 2024 година има пораст од 6,41 процент во однос на претходниот квартал и пораст од 17,65 процетенти споредено со третиот квартал од 2023 година. Кај вкупно реализираниот сообраќај во минути има пад од 21,32 проценти во однос на минатиот квартал и пад од 17,03 проценти во однос на третиот квартал од 2023 година. Пад од 9,79 проценти АЕК регистрира кај вкупниот број на реализирани повици во мобилни комуникациски мрежи во однос на претходниот квартал и од 6,95 проценти во однос на третиот квартал од 2023 година.

Според просечниот обем на појдовен сообраќај (во минути месечно) по претплатник инициран од јавна мобилна комуникациска мрежа, во третиот квартал од 2024 година претплатниците во мобилната телефонија просечно зборуваат 174,67 минути. Најголем дел се остварува во сопствена мобилна мрежа и изнесува 108,77 минути (62,27 проценти). Споредено со вториот квартал од 2024 година може да се забележи намалување на волуменот на сообраќај кон сите дестинации.

Податоците за уделот на мобилните оператори на пазарот на мобилна телефонија по број на активни претплатници заклучно со 30 септември лани покажува дека А1 Македонија учествува со 47,71 процент, Македонски Телеком со 46,66 проценти, Лајкамобајл има пазарен удел од 3,12 проценти, Телекабел од 1,20 проценти, МТЕЛ од 1,21 процент додека Греен Мобиле има пазарен удел од 0,10 проценти.

Вкупен број на фиксни линии (сите технологии) во третиот квартал лани изнесува 454.160 и во однос на истиот квартал лани е зголемен за 1,9 проценти. Целокупниот обем на сообраќај во третиот квартал од 2024 година во однос на истиот квартал од претходната година бележи пад од 21,15 проценти, додека во однос на вториот квартал од 2024 година бележи пад од 7,03 проценти. Претплатниците просечно иницирале 5,13 повици месечно.

Во третиот квартал лани регистрирани се 437 684 претплатници на ТВ услуги.

Тагови: мобилна телефонија АЕК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица се лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 15 лица се лишени од слобода поради безобѕирно управување моторно возило

Сите 15 лица управувале моторно возило без возачка дозвола, а пет од нив биле малолетници.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Нов паркинг простор во центарот на градот

Изградбата на паркинг и улицата „Браќа Џаферови“ влегуваат во завршна фаза.

Општина Битола: Нов паркинг простор во центарот на градот

Денес се асфалтираше и на оваа локација, а станува збор за површина од 1100 м2.

Новиот паркинг простор ќе обезбеди 25 паркинг места, согласно проектот ќе има и улично осветлување, а изведена беше и атмосферска канализација.

Со ова Битола добива уште еден паркинг простор во центарот на градот.

Вкупната сума на средства кои што ги обезбеди општината од својот буџет изнесува 2.752.772 денари.

И на неколку други локации се работи на новите паркинг места во градот, што е заложба на општината за подобрување на состојбата со сообраќајот во централното градско подрачје.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер